完整藏文原文 · 德格版页 当前仅加载第 78 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོ་བ་པི་ཝང་བགྲང་ཕྲེང་བཅས། །གཞོན་ཞིང་ལང་ཚོ་ཕུན་སུམ་ཚོགས། །ལྷ་མོ་མཛེས་པའི་སྤྱན་གསུམ་ཅན། །མན་དཱ་ར་ཡིས་དབུས་ཕྱུང་ནས། །ཆུ་བོ་ཀུན་དུ་གྱུར་ནས་ནི། །འོ་མའི་རྒྱ་མཚོ་ཞེས་བྱ་བར། །མར་དང་སྦྲང་རྩི་ལྟ་བུར་འབབ། །ཞི་བའི་བཏུང་བའང་ལྷ་མོ་དེ། །རྡོ་རྗེ་
D373.078.0298b01.01རྣམ་སྣང་མཛད་གཟུགས་གནས། །རྣམ་སྣང་མཛད་མའི་སྐུའི་དབུས་སུ། །ཧེ་རུ་ཀ་ནི་ཞུ་བར་འགྱུར། །དཔའ་བོ་ཀུན་དང་མཉམ་སྦྱོར་བའི། །མཁའ་འགྲོ་མ་ཡི་དྲ་མཆོག་བདེ། །ཐམས་ཅད་རོ་གཅིག་འགྱུར་བ་ཡི། །བདུད་རྩི་དྲག་པོའི་གཟུགས་ཅན་མ། །འཕྲོག་དང་བྱ་བ་ལོངས་
D373.078.0298b02.01སྤྱོད་ལ། །དེ་ཕྱིར་སྙིང་པོ་བདུད་རྩི་ཡིན། །དེ་བཞིན་ཐབ་ནི་ཆོས་འབྱུང་གྲགས། །གླུམ་ནི་བདུད་རྩིར་བསྒྲགས་པ་སྟེ། །ཆང་གང་རྡོ་རྗེ་རྣལ་འབྱོར་མ། །གང་ཞིག་དྲེགས་དེ་ཧེ་རུ་ཀ། །མདོག་ནི་པདྨའི་དབང་ཕྱུག་བདག །གང་ཞིག་དྲི་དེ་རིན་ཆེན་འབྱུང་། །རོ་གང་དོན་
D373.078.0298b03.01ཡོད་གྲུབ་པ་སྟེ། །གང་ཞིག་རླུང་གི་ཤུགས་བདག་ཉིད། །ཆང་མེད་པ་ལ་ཡེ་ཤེས་ཅི། །རྣམ་ཤེས་ཀྱང་ནི་ཅི་ཞིག་འགྱུར། །རྣམ་ཤེས་ཡེ་ཤེས་ཕུན་ཚོགས་པས། །ཆང་གིས་འགྲོ་ཀུན་རྨོངས་པར་འགྱུར། །གནས་དང་ཞིང་དང་ཚན་དྷོ་ཧ། །འདུས་པ་དང་ནི་དུར་ཁྲོད་དུ། །
D373.078.0298b04.01མཆོད་བྱ་མཆོད་བྱེད་འབྲེལ་པ་ཡིན། །བདུད་རྩི་མཆོད་ཡོན་མཆོག་ཡིན་ཏེ། །རྒྱུད་དང་རྒྱུད་གཞན་གསུངས་པ་ཡི། །བཀྲ་ཤིས་བདེ་བའི་དགའ་བའོ། །མཚུན་གྱི་ལྷ་དང་མི་རྣམས་དང་། །བག་མ་བླང་དང་མཆོད་སྦྱིན་ལས། །མཁས་པས་མཆོད་སྦྱིན་དག་ལའང་སྟེ། །
D373.078.0298b05.01རྒྱལ་རིགས་གཡུལ་ངོར་འཇུག་པ་དང་། །རྗེའུ་རིགས་བཀྲ་ཤིས་དོན་དུ་སྟེ། །དམངས་རིགས་རྣམས་ནི་དངོས་གྲུབ་བསྒྲུབ། །རང་བྱུང་མཆོད་པའི་དུས་དག་ལ། །ཡུན་རིང་བཤད་པའི་སྤྱོད་ཡུལ་དང་། །རབ་གནས་སྦྱིན་སྲེག་དུས་དག་ཏུའམ། །གནས་རྣམས་རྒྱུ་བའི་སྤྱོད་
D373.078.0298b06.01ཡུལ་དུ། །རྣལ་འབྱོར་མ་རྣམས་སྤྱན་དྲངས་ཏེ། །མཆོད་གནས་གསང་སྔགས་བསྒྲུབ་དེའི་དུས། །འདི་ལྟར་སྣ་ཚོགས་ཤེས་བྱས་ནས། །དེ་ཡི་སྐྱོན་རྣམས་མི་བརྟག་གོ། །དབང་དུ་བྱ་བ་བཤད་པར་བྱ། །གསང་བ་པ་ཡི་བདག་པོ་ཉོན། །བླ་མ་དཔའ་བོ་རྣལ་འབྱོར་
D373.078.0298b07.01