完整藏文原文 · 德格版页 当前仅加载第 78 函德格 307b 版页；藏文 NFD、目录标记与异常页序保留在来源切片中，重复版页行以稳定序号区分。
ཨཱི། །ལྔ་པ་ལྟེ་བར་ཡི་གེ་ཨུ། །དྲུག་པ་སྙིང་གར་ཡི་གེ་ཨཱུ། །བདུན་པ་ནུ་མར་ཡི་གེ་རཱྀ། །བརྒྱད་པ་མགྲིན་པར་ཡི་གེ་རཱྀ། །དགུ་པ་ལག་མཐིལ་ཡི་གེ་ལྀ། །བཅུ་པ་མཁུར་ཚོས་ཡི་གེ་ལཱྀ། །བཅུ་གཅིག་མིག་ཏུ་ཡི་གེ་ཨེ། །བཅུ་གཉིས་སྣ་རྩེར་ཡི་གེ་ཨཻ། །
D373.078.0307b01.01བཅུ་གསུམ་དཔྲལ་བར་ཡི་གེ་ཨོ། །བཅུ་བཞི་མཚོག་མར་ཡི་གེ་ཨཽ། །ཉ་ལ་སྤྱི་གཙུག་གཡས་གཡོན་དུ། །ཡི་གེ་ཨྃ་ཨཿའི་ངོ་བོ་ཉིད། །མར་ངོའི་ཚེས་གཅིག་ནས་བཟུང་སྟེ། །ཇི་སྲིད་གནམ་སྟོང་གི་ནི་བར། །དེ་ཉིད་ཀྱིས་ནི་འཕོ་བར་འགྱུར། །གཡོན་པར་
D373.078.0307b02.01ཨ་ལི་ཟླ་བ་སྟེ། །ཕྲ་བ་ཡི་ནི་རང་བཞིན་ཉིད། །གཡས་པར་ཀཱ་ལི་ཉི་མ་སྟེ། །རགས་པ་ཡི་ནི་རང་བཞིན་ནོ། །བྱང་ཆུབ་སེམས་བདག་དབྱེ་བ་ཡིས། །དེ་བཞིན་འཕོ་བ་བཅུ་དྲུག་ཡིན། །ཐུན་ཕྱེད་ཀུན་སྤྱོད་དབྱེ་བ་ཡིས། །འཕོ་བ་བཅུ་དྲུག་དག་ཏུ་བཤད། །ཟླ་
D373.078.0307b03.01བ་འཛིན་དང་ཉི་མ་འཛིན། །ཐིག་ལེ་འགོག་དང་ནམ་མཁའ་འགོག །འདི་དག་དང་ནི་ཡང་དག་ལྡན། །འཕོ་བ་བཅུ་དྲུག་ཤེས་པར་བྱ། །རྣམ་པར་མི་རྟོག་བདེ་བ་ཆེ། །མངོན་འདོད་ཡེ་ཤེས་ཀྱི་ནི་གཟུགས། །འདི་ནི་དགའ་ཞིང་བདེ་བའི་ཁྱིམ། །སྒོ་ཡི་ཐེམ་སྐས་དང་
D373.078.0307b04.01མཚུངས་པའོ། །འདི་ནི་རྣལ་འབྱོར་མ་བཞི་དང་། །འཁོར་ལོ་བཞི་ཡི་རིམ་པ་དང་། །བྱང་ཆུབ་ཀྱི་སེམས་འཕོ་བ་བསྟན་པའི་རིམ་པར་ཕྱེ་བ་སྟེ་སོ་གཅིག་པའོ།། །།དེ་ནས་གཏོར་མའི་དེ་ཉིད་ནི། །ཇི་བཞིན་གསལ་བར་རབ་ཏུ་བཤད། །
D373.078.0307b05.01དཀྱིལ་འཁོར་སྦྱིན་སྲེག་བཟླས་པ་དང་། །རབ་གནས་དང་ནི་ཞི་རྒྱས་དང་། །དབང་དང་བསྐྲད་དང་བསད་པ་དང་། །འབྱུང་པོ་གནོད་སྦྱིན་མོ་སྒྲུབ་དང་། །གནས་ཀྱིས་སྒྲུབ་པའི་དུས་དག་སྟེ། །ལས་རྣམས་ཀུན་ལ་མཆོག་ཡིན་ནོ། །ཆང་དང་གཏོར་མ་མེད་པར་ནི། །
D373.078.0307b06.01ལས་རྣམས་མྱུར་དུ་འགྲུབ་མི་འགྱུར། །དེས་ན་གཏོར་མ་རབ་བསྔགས་ཏེ། །སྔོན་གྱི་སངས་རྒྱས་རྣམས་ཀྱིས་གསུངས། །དང་པོར་བདེ་མཆོག་ཕྱག་གཉིས་པའི། །ལྷ་ཡི་རྣམ་པའི་རྣལ་འབྱོར་ལྡན། །སྲུང་བ་གཉིས་ཀྱིས་ཡང་དག་བསྲུང་། །ཧཱུྃ་གི་སྒྲ་ནི་བསྒྲག་པར་བྱ། །
D373.078.0307b07.01