完整藏文原文 · 德格版页 当前仅加载第 78 函德格 306b 版页；藏文 NFD、目录标记与异常页序保留在来源切片中，重复版页行以稳定序号区分。
མཆུ་ནི་བཙིར་བར་བྱ། །ཤིན་ཏུ་དགའ་བས་དྲག་པར་ནི། །གཞིབ་དང་སྙིང་གར་སེན་མོས་བྲུད། །བོང་བུ་ཡི་ནི་དྲི་ལྡན་དང་། །བ་ལང་ལྕེ་ལྟར་རྩུབ་པ་སྟེ། །བྱ་རོག་སྒྲ་ཅན་ཤང་ཁི་ནཱི། །མཚན་ཉིད་འདི་དག་ཡང་དག་ལྡན། །རྟག་ཏུ་ཤང་ཁི་ནཱི་ཞེས་བཤད། །དེ་ནས་ཙི་ཏྲི་ཎཱི་ཡང་
D373.078.0306b01.01བཤད། །ལུས་ཐུང་དེ་ཡི་བྲང་རྣམས་མཛེས། །ནུ་མ་དཔལ་འབྲས་ལྟ་བུ་སྟེ། །ཤིན་ཏུ་ཁྲོ་ཞིང་ངོ་ཚ་སྤངས། །རྟག་ཏུ་རྩོད་པ་ལ་དགའ་ཞིང་། །བྱིན་པ་ཕྲ་ཞིང་གན་རྐྱལ་ཉལ། །མཆུ་འཕྱངས་ཕུག་རོན་གྱི་ནི་སྐད། །ཤ་ཡི་དྲི་དང་ལྡན་པ་དང་། །དཔུང་པ་རྒྱས་པ་ཙི་
D373.078.0306b02.01ཏྲི་ཎཱི། །དགའ་བས་རོལ་པ་བཤད་བྱ་སྟེ། །ཐོག་མར་ལག་པས་བྷ་ག་བཙིར། །འོ་བྱ་ནུ་མ་མཉེ་བ་དང་། །མགོ་ལ་སོར་མོས་བསྣུན་བྱ་ཞིང་། །ལུས་ནི་བསྐུམ་པས་དགའ་བ་དང་། །དྲག་པ་ཉིད་དུ་འཁྱུད་པར་བྱ། །མཆུ་ནི་འཇིབ་ཏུ་གཞུག་པར་བྱ། །སྡེབ་སྦྱོར་ཚིགས་
D373.078.0306b03.01བཅད་ལས་བཤད་པའི། །མཚན་ཉིད་འདི་དག་ཡང་དག་ལྡན། །ཙི་ཏྲི་ཎཱི་ནི་གཟུགས་ཅན་འགྱུར། །དེ་ནས་གཞན་ཡང་འཕོ་བ་ཡི། །དབྱེ་བའི་མཚན་ཉིད་ཡང་དག་བཤད། །ཕྱི་ཡི་འཕོ་བ་རགས་པ་སྟེ། །ནང་གི་བདག་ཉིད་ཕྲ་བར་བཤད། །སྤྱི་བོར་བདེ་ཆེན་འཁོར་ལོ་སྟེ། །
D373.078.0306b04.01པདྨ་འདབ་མ་བཞི་པ་ནི། །ཕྲ་བ་བྱང་ཆུབ་སེམས་ཀྱི་གནས། །ཐམས་ཅད་བརྟེན་པའི་གཟུགས་ཡིན་པས། །བྱང་ཆུབ་སྙིང་པོའི་ངོ་བོ་ཉིད། །ས་བོན་གྱུར་པའི་ཕྱི་རོལ་དུ། །པདྨ་འདབ་མ་སུམ་ཅུ་གཉིས། །དེ་ཡི་དབུས་ཀྱི་ཡི་གེ་ཧ། །འོག་ཏུ་བལྟས་པ་བདེ་བ་འཛག །བྱང་ཆུབ་
D373.078.0306b05.01སེམས་བདག་ཟླ་བ་ནི། །ཆ་ནི་{བཅྭ་,བཅོ་}ལྔའི་བདག་ཉིད་ཅན། །རྟག་ཏུ་བདེ་བ་ཆེན་པོར་འབབ། །རྣལ་འབྱོར་མ་ནི་ཆ་བཅུ་དྲུག །དེ་ཡི་ལོགས་ནི་གཉིས་པོ་རུ། །ལ་ལ་ནཱ་དང་ར་ས་ནཱ། །ཨཱ་ལི་ཀཱ་ལི་རང་གི་དངོས། །རྒྱུ་དང་འབྲས་བུའི་རང་བཞིན་གྱིས། །དགའ་བ་བཞི་ཡི་གཟུགས་
D373.078.0306b06.01ཅན་མ། །ལྷན་ཅིག་སྐྱེས་དགའི་རང་བཞིན་དང་། །གཉིས་མེད་མཆོག་གི་དབང་ཕྱུག་མ། །ཀུན་རྫོབ་ཀུནྡ་ལྟ་བུ་སྟེ། །དོན་དམ་བདེ་བའི་གཟུགས་ཅན་མ། །སངས་རྒྱས་བྱང་ཆུབ་སེམས་རྣམས་ཀྱི། །རྟེན་དེ་རྡོ་རྗེ་འཛིན་པའོ། །མགྲིན་པར་ལོངས་སྤྱོད་འཁོར་
D373.078.0306b07.01