完整藏文原文 · 德格版页 当前仅加载第 78 函德格 303b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་སྐྱེ་གནས་ཀྱི་མཚན་མ་མངོན་པར་བྲིས་ལ་དེའི་སྟེང་དུ་ལག་པ་གཡོན་པས་བཀབ་ནས་བརྒྱ་རྩ་བརྒྱད་བཟླ་བར་བྱ་སྟེ་གང་གི་མིང་ནས་བརྗོད་དེ་སྔགས་བཟླས་ན། སྐད་ཅིག་དེ་ཉིད་ལ་འོང་བར་འགྱུར་རོ། །ཚུབ་མས་ཁྱེར་བའི་ཤིང་ལོ་བླངས་ལ་ཁྭའི་སྒྲོ་རྩ་དང་། མཆི་
D373.078.0303b01.01མས་བསྒྲུབ་བྱའི་མིང་བྲིས་ཏེ། གྱེན་དུ་ལངས་པའི་ཚུབ་མ་ལ་བསྐུར་ན། དེའི་མོད་ལ་སྐྲོད་པར་འགྱུར་རོ། །སྤྲེའུའི་རུས་པ་ལ་སོར་དྲུག་པའི་ཕུར་པ་བྱས་ཏེ། སྔགས་ལན་བདུན་མངོན་པར་བཟླས་ནས། གང་གི་སྒོར་སྦས་པ་དེའི་རིགས་རྒྱུད་ཆད་པར་འགྱུར་རོ། །
D373.078.0303b02.01བ་ལང་དང་། གླང་པོ་དང་། རྟ་དང་། བོང་བུ་དང་། རྔ་མོ་དང་། མ་ཧེའི་གནས་རྣམས་སུ་སྦས་ན་དེ་དག་བརླག་པར་འགྱུར་རོ། །{ཡི་དགས་,ཡི་དྭགས་}ཀྱི་གོས་མ་ལྷུང་བ་བླངས་ལ་མར་ཁུ་ཆེན་པོ་དང་ལྷན་ཅིག་ཞ་ཉེའི་སྣོད་དུ་སྦྱར་ཏེ། མར་ངོའི་བཅུ་བཞིའི་ཁྱད་པར་ལ་སྙིང་པོའི་
D373.078.0303b03.01སྔགས་བཟླས་ཞིང་། མིག་སྨན་དབབ་པ་བྱས་ལ་མིག་ལ་བྱུགས་པ་དེས་མཁའ་འགྲོ་མ་ཐམས་ཅད་མཐོང་བར་འགྱུར་རོ། །ཨོཾ་བྷཱུ་ཏ་ལིངྒེ་སྭཱ་ཧཱ། མེ་དབལ་ལ་བྱབ་པའི་སྔགས་སོ། །གླང་པོ་ཆེའི་ལྕི་བ་བླངས་ཏེ། རུས་སྦལ་གྱི་ཁོག་པའི་ནང་དུ་བཞག་ལ་ཁྱིམ་དུ་
D373.078.0303b04.01བདུག་པར་བྱིན་ན་འདིས་ནི་འདྲེ་ཤིག་ལ་སོགས་པ་ཡང་ངེས་པར་རབ་ཏུ་ཞི་བར་འགྱུར་རོ། །ཨོཾ་ཨུ་ད་ཀི་མ་ཤཾ་ཀཱ་ཛཱ་ཏཱ། །ཨུ་ད་ཀ་སཾ་བྷ་བཱཿ། །ཏེ་ཥཱཾ་ཏུ་ཏཾ་ཤྩ་པ་ཀྵཾ་ཤྩ། །ཨི་ནྡྲོ་བནྡྷ་ཏི་མ་ཧཱ་བ་ལཿ། །མ་ཤ་ཀཱ་ཨིནྡྲ་པཱ་ཤ་བ་དྡྷཱ། །ཨིནྡྲ་བ་ཤག་ཏཱ་ག་ཙྪནྟེ། །སཱུཡྱོ་ད་ཡ་སྭཱ་ཧཱ། །
D373.078.0303b05.01བཞི་མདོའི་རྡོ་ཡི་དུམ་བུ་བླངས། །འདི་ཡི་ལན་ནི་ཉི་ཤུ་བཟླས། །ཕྱོགས་བཞི་རུ་ནི་གཞག་པར་བྱ། །སྦྲང་བུ་མཆུ་{རིངས་,རིང་}བཟློག་བྱས་པས། །ཡིད་ཅན་རྣམས་ནི་བདེ་བར་འགྱུར། །བདེ་བས་ཆོས་ནི་ཐོབ་འགྱུར་ཏེ། །ཆོས་ཀྱིས་ཀྱང་ནི་བླ་མེད་འགྱུར། །འདི་ནི་སྦྱིན་སྲེག་
D373.078.0303b06.01གི་ཆོ་ག་རིམ་པར་ཕྱེ་བ་སྟེ་ཉི་ཤུ་རྩ་བརྒྱད་པའོ།། །།དེ་ནས་དེ་ཉིད་ཇི་བཞིན་དོན། །སྒོམ་པ་ཡང་དག་རབ་བཤད་བྱ། །སྒོམ་པ་དངོས་མེད་རང་བཞིན་ཏེ། །དངོས་མེད་སྤྲོས་དང་བྲལ་བ་ཡིན། །རང་རིག་བདག་ཉིད་ཅན་གྱི་ལས། །སྒོམ་པའང་སྒོམ་
D373.078.0303b07.01