完整藏文原文 · 德格版页 当前仅加载第 98 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་བསྒྲིབས་པར་གྱུར་པ་ན། །སྤྲིན་ཆེན་འདུས་པའི་ཕུང་པོ་ལ། །ཁ་ཡི་དབུགས་ཀྱིས་བུས་བྱས་ན། །སྤྲིན་བསལ་ཉི་འོད་གསལ་འདོད་འདྲ། །དེ་ཕྱིར་རྣལ་འབྱོར་དབང་ཕྱུག་གིས། །སེམས་ཉིད་དོན་ལ་རྣམ་བརྟགས་ཏེ། །ཀུན་གཞི་རྩ་བ་ཤེས་པར་བྱ། །
D831.098.0013b01.01སེམས་ཉིད་དེ་ལ་བལྟས་གསལ་བ། །རྩ་བ་དང་ནི་གང་ལྡན་པ། །དུས་དང་ཚིགས་དང་ལོར་གྱུར་ཡང་། །ཡལ་ག་ལོ་འདབ་འབྲས་བུར་བསྐྲུན། །རྩ་བའི་ས་བོན་མེད་མི་འགྱུར། །ཅི་ལྟར་སྦྱོར་བའི་རྣལ་འབྱོར་རྣམས། །ནན་གྱིས་མཚན་པའི་དངོས་གྲུབ་དག །བྱིས་
D831.098.0013b02.01པའི་སེམས་ཀྱིས་བླང་འདོད་ན། །དེ་ཡང་མཚན་མས་དེ་རངས་འགྱུར། །དཔེར་ན་མེ་ཡི་རང་བཞིན་དག །ས་དང་ནགས་ཚལ་སྲེག་བྱེད་པ། །རྒྱུ་རྣམས་ཚོགས་པའི་བདེན་པ་ལས། །མེད་ལས་ཡོད་པའི་བདེན་པར་སྣང་། །དེ་ལྟར་མཚན་མའི་རྣལ་འབྱོར་ཡང་། །མཚན་
D831.098.0013b03.01མའི་ཆོ་འཕྲུལ་ཐོབ་འདོད་པ། །མཚན་མའི་རྒྱུ་རྣམས་ཚོགས་པ་ལས། །མཚན་མ་རངས་པའི་མཚན་མར་སྣང་། །ཤིན་ཏུ་སྐར་མ་རྒྱལ་རྣམས་ལ། །བྱང་ཆུབ་སྤྱོད་པ་ཆེར་སྤྱོད་པའི། །དམ་པའི་དོན་ལ་ཆེར་དམིགས་པས། །གསང་མཆོག་རིག་པའི་དངོས་གྲུབ་
D831.098.0013b04.01མྱུར། །མཚན་མར་མི་རྟོག་རང་བཞིན་གྱིས། །ཟབ་མོའི་དོན་ཆེན་གོ་བ་ནི། །ངེས་པའི་དོན་གྱིས་ཐག་གཅད་དེ། །མཉམ་པའི་དོན་ལ་ཡིད་ཆེས་བྱ། །ཇི་ལྟར་མཁའ་ལ་ཚིག་ཙམ་དུ། །ངང་དུ་བརྗོད་པས་རྗོད་བྱེད་ཀྱི། །བརྗོད་པའི་ཐ་སྙད་དང་བྲལ་བས། །ཇི་ལྟར་
D831.098.0013b05.01འཁྲིགས་ཀྱི་སྨིག་རྒྱུ་དག །སྣང་བ་ཉིད་ན་མེད་པ་ལྟར། །ཆོས་སོ་ཅོག་གི་རང་བཞིན་གསལ། །གསལ་བ་ཉིད་ན་དེ་མི་དམིགས། །ཐབས་ཆེན་གཏིང་ཟབ་ཤེས་རབ་ལམ། །སྤྲོས་བྲལ་མཚན་མའི་འཕྲང་ལས་འདས། །གཏོས་ཆེས་ཡངས་པས་ལམ་གཉིས་
D831.098.0013b06.01བྲལ། །དབུས་མཐའ་མི་དམིགས་མཉམ་པའི་ལམ། །གཅིག་ཏུ་མཉམ་པར་ཆུད་ནས་ནི། །ཡུལ་མེད་ཚོལ་བའི་སེམས་བྲལ་དེ། །བླང་དོར་གཉིས་ཀྱི་མཐའ་སྤངས་ནས། །གནས་པ་མེད་པའི་ཚུལ་གྱིས་གནས། །ཆོས་ཉིད་དབྱིངས་སུ་རོ་གཅིག་ཕྱིར། །
D831.098.0013b07.01