完整藏文原文 · 德格版页 当前仅加载第 98 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
གཟན་ནང་ནས་བྲོས་པ་དང་། །དུག་ནད་དག་ལས་སོས་པ་དང་། །བཅིངས་པ་དག་ལས་གྲོལ་པ་དང་། །ཐག་པ་བཅད་པར་གྱུར་པ་རྣམས། །མཚན་མ་བཟར་པོའི་སྔ་ལྟས་ཡིན། །ས་རྣམས་ཐོབ་པའི་སྔ་ལྟས་ནི། །ཁྲི་རྐང་དག་ལ་འཛེག་པ་དང་། །
D831.098.0037a01.01ཕལ་པའི་སྐས་ལ་འཛེག་པ་དང་། །ལྗོན་ཤིང་དག་ལ་འཛེག་པ་དང་། །གྱེན་དུ་ཤིན་ཏུ་འགྲོ་བ་དང་། །རི་བོའི་རྩེ་ལ་འཛེག་པ་དང་། །རིན་ཆེན་སྐས་ལ་འཛེག་པ་དང་། །མཆོད་རྟེན་དག་ལ་འཛེག་པ་དང་། །ནམ་མཁའི་སྐས་ལ་འཛེག་པ་རྣམས། །འདི་དག་དོན་
D831.098.0037a02.01གྱི་སྔ་ལྟས་ཡིན། །ས་རྣམས་ནོན་པའི་སྔ་ལྟས་ཀྱང་། །ཁྲི་མཐོན་སྟེང་ན་འདུག་པ་དང་། །གླང་པོ་ཆེ་ལ་ཞོན་པ་དང་། །སེང་གེ་དག་ལ་ཞོན་པ་དང་། །ཁྱུང་ཆེན་ལྡིང་ལ་ཞོན་པ་དང་། །མཆོད་རྟེན་ཁ་ལ་ཕྱིན་པ་དང་། །རི་བོའི་རྩེ་ལ་འདུག་པ་དང་། །ནམ་མཁའི་
D831.098.0037a03.01དབྱིངས་ན་འདུག་པ་དང་། །ལུས་ལས་སྤྲིན་ཕུང་འབྱུང་བ་དང་། །ཟླ་བའི་སྟེང་ན་འདུག་པ་དང་། །ཉི་མའི་སྟེང་ན་འདུག་པ་རྣམས། །རྣལ་འབྱོར་ས་ལ་གནས་པའི་རྟགས། །སངས་རྒྱས་སྲས་ཀྱི་སྔ་ལྟས་ནི། །རྒྱལ་པོའི་བཀའ་ལ་བཏགས་པ་དང་། །བཀའ་ཡི་
D831.098.0037a04.01དབང་པོར་བསྐོས་པ་དང་། །གཞན་ལ་དབང་སྒྱུར་བྱེད་པ་དང་། །འཇིག་རྟེན་སྐོས་ལ་འབེབས་པ་དང་། །གཞན་གྱི་སྡེ་པ་དབང་སྡུད་དང་། །གཡུལ་ཆེན་དག་ལས་རྒྱལ་བ་དང་། །བདག་ཉིད་རྒྱལ་པོར་གྱུར་པ་དང་། །མགོ་ལ་མེ་ཏོག་སྐྱེ་བ་རྣམས། །རྒྱལ་བའི་སྲས་
D831.098.0037a05.01སུ་གྱུར་པའི་ལྟས། །ཆོས་ལ་དབང་ཐོབ་སྔ་ལྟས་ནི། །གླེགས་བམ་ཟབ་མོ་རྙེད་པ་དང་། །དེ་བཞིན་འདྲི་བ་མང་པོ་དང་། །དེ་དག་ལ་ནི་དཔྱོད་པ་དང་། །གཞན་ལ་འཆད་ཅིང་སྟོན་པ་དང་། །དོན་ཉིད་གཏན་ལ་འབེབས་པ་དང་། །མེ་ལོང་དག་ལ་ལྟ་བ་དང་། །ཤེལ་
D831.098.0037a06.01གྱི་བུམ་པ་གང་བ་ལ། །ལྟ་ཞིང་བརྟགས་ཏེ་འཐུང་བ་དང་། །རིན་ཆེན་ནོར་བུ་ཐུ་བ་དང་། །འཁོར་ལོ་ལག་ཏུ་བབས་པ་དང་། །ཉི་ཟླ་ལག་པས་ཟིན་པ་དང་། །རི་རབ་ཀླད་ལ་སྐོར་བ་རྣམས། །ཆོས་ལ་དབང་ཐོབ་སྔ་ལྟས་སོ། །བདེན་པ་མཐོང་བའི་སྔ་ལྟས་ཀྱང་། །
D831.098.0037a07.01