完整藏文原文 · 德格版页 当前仅加载第 98 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཅག་རྣམས་ལ་རྒྱ་ཆེར་བཤད་དུ་གསོལ། དེ་སྐད་ཅེས་གསོལ་པ་དང་། སེམས་དཔའ་ཆེན་པོས་བཀའ་སྩལ་པ། འདུས་པའི་རྣལ་འབྱོར་ཆེན་པོའི་ཚོགས། །ཤེས་རབ་གཟུངས་ཀྱི་རང་བཞིན་ནི། །རྒྱ་ཆེར་བཤད་ཀྱིས་ཤེས་པར་གྱིས། །
D831.098.0047a01.01ཇི་ལྟར་ཐབས་ཀྱིས་ཚོགས་སྦྱར་ལྟར། །གང་དག་རྣལ་འབྱོར་མར་ལྡན་རྣམས། །རྡོ་རྗེ་འཛིན་མ་ལ་སོགས་པ། །ལྷ་མོའི་ཚོགས་སུ་སྦྱར་ནས་ཀྱང་། །གནས་འདིར་འཇུག་དགའ་ལ་སོགས་པ། །ཐབས་ཀྱི་ཕྱག་རྒྱ་མཚན་མར་སྦས། །རྡོ་རྗེ་མཉམ་པའི་གཟུངས་
D831.098.0047a02.01རྣམས་ལ། །མཉམ་པའི་མཆོད་པས་མཉེས་པར་བྱ། །བྲོ་གར་གླུ་ཚིག་ལ་སོགས་པས། །རིག་འཛིན་རྣལ་འབྱོར་མ་རྣམས་བསྒྲུབ། །ཅེས་བཀའ་སྩལ་ཏོ། །དེ་ནས་ཡང་སེམས་དཔའི་རྡོ་རྗེ་དེ་ཆོས་ཐམས་ཅད་ཐབས་དང་ཤེས་རབ་ཕན་ཚུན་དྲ་བར་འབྲེལ་པའི་
D831.098.0047a03.01ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ཏིང་ངེ་འཛིན་དེ་ལས་བཞེངས་པ་དང་། འཁོར་རྣམས་ཀྱིས་གསོལ་པ། བཅོམ་ལྡན་འདས་ཆོས་ཐམས་ཅད་ཀྱི་རང་བཞིན་ནི་ཐབས་དང་ཤེས་རབ་ཏུ་འབྲེལ་པའི་རང་བཞིན་ཅན་དུ་བདག་ཅག་རྣམས་ཀྱིས་མཐོང་ངོ་། །ཞེས་
D831.098.0047a04.01གསོལ་ཏོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་རྣལ་འབྱོར་པ་ཆོས་ཐམས་ཅད་ནི་ཐབས་དང་ཤེས་རབ་ཏུ་འབྲེལ་བ་སྟེ། གཉིས་སུ་མེད་པར་ཤེས་པར་གྱིས་ཤིག །དེ་ནས་འདུས་པའི་རྣལ་འབྱོར་པ་
D831.098.0047a05.01རྣམས་ཀྱིས་གསོལ་པ། སེམས་དཔའ་ཆེན་པོ་ཆོས་ཐམས་ཅད་དྲ་བར་འབྲེལ་པའི་དོན་བཤད་དུ་གསོལ། སེམས་དཔའ་ཆེན་པོས་བཀའ་སྩལ་པ། འབྲེལ་བའི་དོན་ནི་འདི་ལྟ་སྟེ། །ཆོས་རྣམས་ཀུན་གྱི་མཚན་ཉིད་ནི། །ཕན་ཚུན་འབྲེལ་བའི་ཚུལ་དུ་
D831.098.0047a06.01སྣང་། །ཆོས་ཀུན་ནམ་མཁའི་མཚན་ཉིད་ལས། །སྤྲུལ་པ་བྱེ་བ་ཅིར་ཡང་སྣང་། །གཉིས་མེད་དྲ་བའི་ཚུལ་དུ་འབྲེལ། །རྣལ་འབྱོར་གསང་བའི་མཆོག་ཡིན་ཏེ། །རྩལ་དང་ལྡན་པ་གསང་སྒོ་བ། །འདི་ལ་གསང་སྒོ་དབྱེ་བར་བྱ། །གསང་འདིར་ཆུད་པའི་བུ་རྣམས་
D831.098.0047a07.01