完整藏文原文 · 德格版页 当前仅加载第 98 函德格 33b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སངས་རྒྱས་རྣམས། །ཕྲིན་ལས་རིགས་ཀྱི་གདུང་རྒྱུད་འཛིན། །ཅི་ཕྱིར་རིགས་ཞེས་བྱ་ཞེ་ན། །དང་པོ་དེ་ལས་བྱུང་བ་དང་། །བར་དུ་དེ་ཡི་བྱ་བ་བྱེད། །ཐ་མར་དེ་ཡི་རྒྱུད་འཛིན་ཕྱིར། །དེ་ཕྱིར་རིགས་ཞེས་གྲགས་པ་ཡིན། །དཔེར་ན་མེ་དང་ཆུ་དག་དང་། །ནམ་
D831.098.0033b01.01མཁའ་དང་ནི་ས་དག་ལ། །གནས་པའི་སེམས་ཅན་མཐའ་དག་ཀུན། །གནས་རྒྱུན་ཉིད་ཀྱི་མིང་འཛིན་དེ། །མེ་ལ་གནས་པའི་སེམས་ཅན་ལ། །མེ་ཡི་{ཡི་དགས་,ཡི་དྭགས་}མ་ཞེས་ཟེར། །ཆུ་ལ་གནས་པའི་སེམས་ཅན་ལ། །ཆུ་སྲིན་ཏྭ་ར་ན་ཞེས་ཟེར། །ཅི་ཕྱིར་ལྔ་ཞེས་བྱ་
D831.098.0033b02.01ཞེ་ན། །རྒྱལ་བ་སངས་རྒྱས་ཐམས་ཅད་ལ། །སྐུ་དང་གསུང་ཐུགས་ཡོན་ཏན་དང་། །མཛད་པ་ཕྲིན་ལས་ཉིད་དང་ལྔ། །རིག་པ་ལྔ་དང་ལྔ་ཉིད་དུ། །ཐམས་ཅད་ཀུན་ཏུ་གསལ་བར་སྣང་། །དེས་ན་ལྔ་ཞེས་ངེས་པར་བཤད། །ཅི་ཕྱིར་ཞེ་ན་སངས་རྒྱས་ཀུན། །
D831.098.0033b03.01ལྔ་པོ་དེ་ལས་མ་གཏོགས་པ། །གཞན་ལས་བྱུང་ཞིང་གཞན་ན་མེད། །སངས་རྒྱས་མཚན་གྱི་ཁྱད་པར་ཡང་། །མཚན་མེད་པ་ལས་མཚན་བཏགས་པ། །ཐམས་ཅད་ལྔ་པོ་ཉིད་ལས་བཏགས། །མཚན་གྱི་བྱེ་བྲག་ཐམས་ཅད་ཀུན། །ཐ་སྙད་ཙམ་དུ་གདགས་
D831.098.0033b04.01པར་ཟད། །རིགས་མེད་པ་ལས་རིགས་སྨོས་པ། །འདུལ་བའི་དབང་དུ་ལྔར་སྣང་ཡང་། །དྲང་བའི་དོན་ཏེ་དངོས་གཞི་མེད། །ཅི་ཡང་མེད་ལས་ཅི་སྣང་བ། །མཁའ་ལ་འཇའ་ཚོན་བྱུང་བ་འདྲ། །ཆོས་ཀུན་ནམ་མཁའ་འདྲ་བ་ཞེས། །གསང་བ་མཆོག་གི་བདག་
D831.098.0033b05.01པོས་བཤད། །མཉམ་དང་མི་མཉམ་མཉམ་པ་ཡིན། །སངས་རྒྱས་མེད་ཅིང་སེམས་ཅན་མེད། །འཁོར་བ་མེད་ཅིང་ཆོས་ཉིད་མེད། །དམིགས་པ་མེད་དེ་མི་དམིགས་མེད། །དེ་ལྟར་ཤེས་པ་མཁས་པ་ཡིན། །རིག་དང་མ་རིག་ཚུལ་གཅིག་སྟེ། །དེ་ལྟར་ཤེས་པ་རྒྱལ་
D831.098.0033b06.01བ་ཡིན། །སེམས་ཅན་རང་བཞིན་སངས་རྒྱས་ཉིད། །སངས་རྒྱས་རང་བཞིན་སེམས་ཅན་ཏེ། །སེམས་ཅན་སངས་རྒྱས་གཅིག་པ་ཡིན། །དེ་ལྟར་ཤེས་པ་རྒྱལ་བའི་སྲས། །བྱང་ཆུབ་ཕྱིར་ནི་གང་མ་བརྙེས། །མ་བརྙེས་གང་ཡང་དེ་མ་བརྙེས། །བརྙེས་པ་མེད་པའི་
D831.098.0033b07.01