完整藏文原文 · 德格版页 当前仅加载第 98 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ་ཆེན་པོའི་ཚོགས་བྲ་ཐམས་ཅད་ནི་འདི་ལྟར་རིག་པར་བྱའོ། །མཎྜལ་གྲུ་བཞི་པ་གཅིག་ལ། །ཟླ་གམ་སྒོ་གཅིག་རྡོ་རྗེས་བསྐོར། །མཐའ་ཁྱུད་སྒོ་བཞི་ལྡན་པར་བྲི། །རྒྱུ་མཆོག་དབང་པོ་ཕྱེད་
D831.098.0092a01.01ལྡན་ཤིས། །ཕྱི་ཡི་ཁྲུས་རྣམས་བྱས་ནས་ནི། །ཤར་དུ་ཁ་བསྟན་དབུས་སུ་གཞག །ལྕེ་ལ་གཟུངས་ཐག་སྣ་ལྔས་གདགས། །རྣལ་འབྱོར་རྣམས་ཀྱིས་བསྐོར་བར་བྱ། །ཕྱག་རྒྱ་རྫས་དང་བཅས་པར་དགྲམ། །དེ་ཡི་ཁོང་དུ་གཞལ་ཡས་བསྐྱེད། །རིམ་པར་བརྩེགས་
D831.098.0092a02.01པའི་དཀྱིལ་འཁོར་ནི། །འབར་བའི་འབྱུང་ཆེན་འབར་བ་ལྔ། །དོན་གྱི་ལྷ་མོ་ལྔ་རུ་གསལ། །ཀུན་གཞི་ཀུན་དུ་བཟང་མོར་གསལ། །དེ་ཡི་ཐུགས་ཀྱི་ཁོང་ཐག་ཏུ། །ཐིག་ལེ་ཟླ་བ་ཉ་རྒྱས་ལ། །ཡེ་ཤེས་སེམས་དཔའ་ཚོན་གང་བ། །ཐུགས་ཀར་ནོར་བུ་རིན་ཆེན་
D831.098.0092a03.01འབར། །དབུས་སུ་ཉི་མའི་གའུ་ལ། །དཔལ་བེའུ་ཡུངས་འབྲུའི་བུམ་པ་ལ། །ཧཱུྃ་དམར་ཏིལ་འབྲུར་གནས་པ་ནི། །བདེ་ཆེན་བྱང་ཆུབ་སེམས་ཞེས་བྱ། །རྡོ་རྗེ་གསང་ཐག་རྒྱུན་མི་གཅད། །རྡོ་རྗེ་ཁ་པྲ་གདབ་པར་བྱ། །དེ་ནས་མཚན་མ་བྱུང་གྱུར་ན། །དངོས་གྲུབ་བླངས་
D831.098.0092a04.01ཏེ་དེ་བསྒྲལ་ལ། །བསྐམས་ཏེ་བདུད་རྩི་རྩ་བར་བྱ། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་མཆོག་ཕྲན་ཐབས་ཀྱིས་བསྒྲུབ་ལུགས་ཀྱི་ལེའུ་སྟེ་བཅུ་བདུན་པའོ།། །།དེ་ནས་ཡང་སེམས་དཔའི་རྡོ་རྗེ་དེས་འདི་སྐད་
D831.098.0092a05.01ཅེས་གསུངས་སོ། །འདུས་པ་ཆེན་པོའི་ཚོགས་ཆོས་ཐམས་ཅད་ནི་སྒྱུ་མའི་རང་བཞིན་དུ་ཤེས་པར་བྱའོ། །དེ་ཅིའི་ཕྱིར་ཞེ་ན། །སྒྱུ་མ་ནི་དངོས་པོར་སྣང་ཡང་རང་བཞིན་མེད་པ་ཡིན་ཏེ། རང་བཞིན་མེད་པའི་དོན་ནི་ཆོས་ཉིད་རྡོ་རྗེ་ཡིན་ནོ། །དེ་བས་ན་སྒྱུ་མའི་ཆོས་ཐམས་
D831.098.0092a06.01ཅད་ཁོང་དུ་ཆུད་པར་བྱའོ། །དེ་ནས་འཁོར་དེར་འདུས་པར་གྱུར་པའི་ལྷ་མ་ཡིན་གྱི་ཚོགས་བདག་སྒྱུ་མ་མཁན་ཞེས་བྱ་བས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་རྣམས་ཀྱི་དམ་ཚིག་ནི་སྒྱུ་མའི་ཆོ་འཕྲུལ་ལ་གནས་ཤིང་སྒྱུ་མ་ཆེད་དུ་བགྱིད་ལགས་
D831.098.0092a07.01