完整藏文原文 · 德格版页 当前仅加载第 98 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
ངང་དུ་གསལ་བར་གྱུར་ཏོ། །ཤེས་རབ་ཉི་མའི་དཀྱིལ་འཁོར་གྱི་ངང་དུ་གསལ་བར་གྱུར་ཏོ། །དེ་ནས་ཉི་མའི་ཟེར་གྱིས་འདི་སྐད་ཅེས་བསྐུལ་ཏོ། །མི་གཡོ་མཆོག་གི་རྒྱལ་པོ་དགོངས་སུ་གསོལ། །རྣམ་པར་མི་རྟོག་ཤིན་ཏུ་དྲི་མེད་སྐུ། །འོད་ཟེར་མདངས་ལྡན་ཟླ་བ་རྒྱས་
D831.098.0072b01.01འདྲའི་ཞལ། །དགྱེས་པ་རོལ་པའི་དོན་ལ་བཞེངས་སུ་གསོལ། །དེ་སྐད་ཅེས་བསྐུལ་བ་དང་། ཟླ་བའི་འོད་ཟེར་ལས་འདི་སྐད་ཅེས་བསྐུལ་ཏོ། །ཡིད་འོང་འབྱོར་ལྡན་རྒྱལ་བ་རྒྱ་མཚོའི་དབྱིངས། །ཤེས་རབ་ཟབ་མོ་རྣམ་དག་པདྨའི་མདངས། །སྒྱུ་འཕྲུལ་རབས་ལ་མཁས་
D831.098.0072b02.01པའི་སྤྱོད་མཆོག་མ། །ཡིད་འོང་འབྱོར་ལྡན་ཆོ་འཕྲུལ་སྣ་ཚོགས་བསྟན། །ཞེས་གསུངས་སོ། །དེ་ནས་ཡོ་བྱད་ཀྱི་ཚོགས་ཐམས་ཅད་ཤིན་ཏུ་འབུལ་བ་ཞེས་བྱ་བའི་ཆོ་འཕྲུལ་བྱུང་སྟེ། ཉི་མའི་འོད་ཟེར་ལས་སྒྲ་བྱུང་བ། པདྨའི་ཟེ་འབྲུ་འབར་བ་འདི། །འཛུམ་པའི་
D831.098.0072b03.01མདངས་ཀྱིས་འབུལ་ལགས་ན། །དགྱེས་པའི་རྡོ་རྗེ་ཆོ་འཕྲུལ་ལས། །བྱང་ཆུབ་ཆར་སྤྲིན་དབབ་ཏུ་གསོལ། །ཟླ་བའི་འོད་ཟེར་ལས་ཆོ་འཕྲུལ་གྱི་སྒྲ་བྱུང་བ། ཨེ་མ་ཡིད་ཀྱི་དགའ་སྡེ་མོ། །གདུང་བའི་སྙིང་ཕྲེང་ཤེས་རབ་གཟུངས། །པདྨའི་གའུ་འཁྱིལ་པ་ལ། །བདེ་
D831.098.0072b04.01བའི་རྡོ་རྗེ་བྱང་ཆུབ་འབར། །ཞེས་སྒྲ་བྱུང་བས། །ཕྱག་རྒྱ་སྣ་ཚོགས་ཀྱི་ཆོ་འཕྲུལ་འབྱུང་བའི་རྒྱུར་གྱུར་ཏོ། །དེ་ནས་སེམས་དཔའ་རྡོ་རྗེ་དམ་པ་དེས་འཁོར་བ་ཐམས་ཅད་ཐུགས་རྗེས་ཡོངས་སུ་བཟུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐབས་མཆོག་
D831.098.0072b05.01ཟླ་བ་རྡོ་རྗེ་ཞེས་བྱ་བ་ལས་ཆོ་འཕྲུལ་གྱི་སྒྲ་འདི་བྱུང་ངོ་། །འདོད་པའི་དབང་པོ་ཐམས་ཅད་ནི། །ཆགས་པའི་འགྱིང་བའི་གཙོ་མོ་ཡིན། །ཆགས་པ་རྣམ་པར་སྦྱང་བའི་ཕྱིར། །འདོད་པ་གནས་སུ་དྲང་བར་བྱ། །ཞེས་བྱུང་བས། འཁོར་བ་ཐམས་ཅད་ཐུགས་རྗེ་ཆེན་
D831.098.0072b06.01པོའི་ལྷུང་བཟེད་ཀྱིས་བཟུང་ངོ་། །དེ་ནས་སེམས་དཔའི་རྡོ་རྗེ་དེ་སྒྲིབ་པ་སྲེག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། །རྡོ་རྗེ་འབར་བའི་ལིངྒ་ལ། །ཨ་ཡི་ཡེ་ཤེས་འོད་འཕྲོས་པས། །ཆགས་པའི་སྒྲིབ་པའི་བུད་ཤིང་རྣམས། །
D831.098.0072b07.01