完整藏文原文 · 德格版页 当前仅加载第 98 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་འདས་པའི་སྤྱོད་ཚུལ་དག །ཇི་ལྟར་འབྱུང་བ་དེ་ལྟར་སྤྱད། །ཨེ་མ་དུར་ཁྲོད་གསང་བ་ཡི། །རྨད་བྱུང་ཞིང་ཁམས་དགའ་ཚལ་འདིར། །སྐལ་ལྡན་དབང་ཕྱུག་རྒྱལ་བའི་སྲས། །འདུས་པས་ཚོགས་པའི་རིག་འཛིན་རྣམས། །ཨེ་མའོ་
D831.098.0079a01.01དགའ་མཆོག་བདེ་ཆེན་གྲོགས། །དམ་ཚིག་སྲོག་གི་ལུ་གུ་རྒྱུད། །ཐབས་དང་ཤེས་རབ་འབྲེལ་པ་ཡིས། །སྤྲུལ་པའི་གཤོག་སྤྲུགས་གྲྭ་རྒྱས་པས། །ཚོགས་གཉིས་རྩལ་གྱིས་བརླབས་སྤར་ནས། །ཆོས་ཉིད་མཁའ་ལ་ལྡིང་བར་རིགས། །ཨ་ཡྃ་ཛ་ལྃ་
D831.098.0079a02.01ཁྃ་ལྷན། །དེ་རིང་ཕན་ཅད་རྒྱལ་བའི་སྲས། །དབང་ཕྱུག་ཡིན་པས་ཅི་བདེར་སྤྱོད། །རྣལ་འབྱོར་ལོངས་སྤྱོད་བསྐྱེད་པ་དང་། །དུག་རྣམས་བདུད་རྩིར་འགྱུར་བ་ཡི། །མཱྃ་ལས་སྐྱེས་པའི་ཡེ་ཤེས་ཀྱིས། །ཟངས་ཀྱི་དངོས་པོ་འཇུ་འདུལ་བྱ། །དམ་རྫས་ཡོ་བྱད་
D831.098.0079a03.01ལོངས་སྤྱོད་རྣམས། །གོང་ནས་ཆ་གསུམ་སོ་སོ་ནས། །ཤན་མ་འདྲེས་པར་སྟ་གོན་བྱ། །ཕྱི་ཡི་ཆ་ལ་འཇུག་པ་ཡི། །མཆོད་སྦྱིན་སྤེལ་བའི་ཡོ་བྱད་བྱ། །དེ་གཉིས་གཉིས་པའི་ཆ་དག་ལས། །མཇུག་གི་རྒྱལ་ཆོས་ལོངས་སྤྱོད་བྱ། །རྨད་འབྱུང་ནང་གི་ཆ་དག་
D831.098.0079a04.01ནི། །ཐམས་ཅད་གཅིག་ཏུ་བྱས་ནས་ནི། །རས་སམ་ཤིང་ཁྱོན་དག་ཏུ་ནི། །བསྡུས་ཏེ་བསྒྲུབ་པའི་རྫས་ཀྱིས་དགབ། །བྱུག་པ་ཆེན་པོས་དེ་ལ་གཏོར། །ལྕེ་པོག་ནག་པོའི་དུད་པས་བདུག །རྡོ་རྗེ་གར་གྱི་ཕྱག་རྒྱ་དང་། །འབར་བའི་ལྟ་བས་བརྗིད་པར་བྱ། །
D831.098.0079a05.01ཚམ་ངམ་ཆེན་པོའི་སྟབས་ཀྱིས་བསྐོར། །སྣ་ཚོགས་བསུར་གྱི་དྲི་ཆེན་གདོན། །དེ་ནས་རྒྱལ་པོའི་བྱིན་བརླབས་ཀྱིས། །ཡོ་བྱད་དེ་དག་བདུད་རྩི་ལྔ། །དམ་རྫས་ངོ་བོར་བསྡུས་ནས་ནི། །དེ་ལ་འབྲུ་ལྔའི་འཕྲོ་འདུ་ལས། །ཞུ་ནས་ཕྱག་མཚན་རྣམ་ལྔར་
D831.098.0079a06.01འབར། །དག་པའི་བདུད་རྩི་ཆེན་པོར་ཞུ། །ཤེས་རབ་ལྷ་མོ་རིག་འཛིན་མ། །བཞི་འམ་ཡང་ན་རྣམ་པ་བརྒྱད། །རྫས་སམ་ཡོ་བྱད་རང་བཞིན་པས། །ཟས་མཆོག་གར་གྱིས་སྤྱིར་བླངས་ཏེ། །ལོངས་སྤྱོད་སྤེལ་བའི་དབྱངས་འདིས་བསྟན། །བདག་ཅག་རིག་
D831.098.0079a07.01