完整藏文原文 · 德格版页 当前仅加载第 98 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
ན་ཆོས་རྣམས་ཐམས་ཅད་ཀྱི། །རྩ་བའི་སེམས་འདི་ཡིན་པས་ན། །ནམ་མཁའ་ལྟ་བུའི་དཔེས་མཚོན་ཏེ། །ཀུན་གྱི་རྩ་བ་ཤེས་པར་བྱ། །འདི་ལྟར་ཤེས་པའི་རྣལ་འབྱོར་བ། །ལམ་གྱི་ཐབས་ལ་མཁས་པ་སྟེ། །ལམ་སྟོར་ལམ་བཙལ་ལམ་རྙེད་པས། །ཉེ་ལམ་
D831.098.0026b01.01བདེ་རྙེད་གྲུབ་པའོ། །རྙེད་པའི་ལམ་ཉིད་གང་ཞེ་ན། །རྣལ་འབྱོར་སྤྱོད་པའི་ས་ཡིན་ཏེ། །ས་བཅུ་རིམ་གྱིས་བགྲོད་པའི་ཕྱིར། །ས་ཡི་ཁྱད་པར་བཤད་པར་བྱ། །འདི་ཡི་གནས་འཛིན་སྤྱོད་པའི་ས། །རྣམ་པ་བཅུ་ཕྲག་གཅིག་གིས་རྫོགས། །འགྱུར་དབང་མ་
D831.098.0026b02.01ངེས་ས་འདི་ལ། །བཅོས་མ་ཕྲ་མེན་སྤྱོད་པ་དང་། །ཚུལ་རྟགས་འཛིན་དང་མོས་པ་དང་། །དགེ་ལ་འདུན་པའི་རྣལ་འབྱོར་ལྔ། །འཇུག་ལྡོག་ལྟུང་དང་བཅས་པ་ཡིས། །ཀུན་དུ་འཁོར་ཞིང་མ་ངེས་པའོ། །འདུན་པ་སེམས་པའི་རྣལ་འབྱོར་བ། །གནས་ཤིང་སྤྱོད་
D831.098.0026b03.01པའི་ས་ཞེས་བྱ། །བསྟེན་པ་གཞི་ཡི་ས་འདི་ལ། །དང་པོ་ལས་ཅན་རྣལ་འབྱོར་དང་། །བསླབ་པ་སྦྱོང་དང་ངེས་པ་ལ། །དག་དང་མ་དག་གིས་སྤྱོད་པའོ། །བཀའ་སྡོད་ལས་ཀྱི་དང་པོ་པ། །གནས་ཤིང་སྤྱོད་པའི་ས་ཞེས་བཤད། །གལ་ཆེན་སྤྱོད་པའི་ས་
D831.098.0026b04.01འདི་ལ། །གནས་ཤིང་སྤྱོད་པའི་ས་ཡིན་ཏེ། །རིགས་ཆེན་འབྱེད་པའི་རྣལ་འབྱོར་ཉིད། །དགེ་དང་མི་དགེའི་ལས་རྣམས་ཀུན། །གཅོད་སྦྱོང་སྦྱོར་བའི་ཚུལ་ཉིད་ཀྱིས། །ལེགས་ཉེས་སྟོབས་ཆེན་བྱེད་པའོ། །བསླབ་པ་རྒྱུན་གྱིས་འདི་ལ། །གཡོ་དང་ཐོབ་
D831.098.0026b05.01དང་བརྟན་པའི་དྲོད། །དེ་བཞིན་རྟགས་ཆེན་གཡོ་བ་དང་། །ཐོབ་པ་ཉིད་དང་བརྟན་པ་ཡི། །རྣལ་འབྱོར་རྣམ་པ་དྲུག་པོ་དག །བསླབ་པའི་གནས་བཅུ་མཐར་འབྱིན་ཅིང་། །ཇི་ལྟར་ཟླ་བ་ཡར་གསལ་བཞིན། །བསླབ་པའི་ཡེ་ཤེས་འཕེལ་འགྱུར་ཏེ། །དོན་ལ་མི་
D831.098.0026b06.01སྐྲག་ངོ་མཚར་སྐྱེ། །དཔྱོད་སེམས་འཇུག་པའི་ཤེས་པ་དེས། །ངན་སོང་མི་ལྡོག་དགོན་པར་འཇུག །བར་ཆད་དག་ཀྱང་དེ་ལ་བྱུང་། །གསང་སྒོ་ལུང་གི་རྣལ་འབྱོར་དང་། །སྤྱོད་པ་རྒྱུན་གྱི་རྣལ་འབྱོར་དང་། །མཚན་མ་རྟགས་ཀྱི་རྣལ་འབྱོར་གསུམ། །
D831.098.0026b07.01