完整藏文原文 · 德格版页 当前仅加载第 98 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་དམ་ཚིག་ནི། །ད་མ་ཚིག་ཀུན་གྱི་ཐོག་མར་འགྲོ། །ཝ་དང་ཅང་ཤེས་གྱི་ལིང་དང་། །བླང་དོར་མིང་བྲལ་ཁྲོ་ཆེན་བདག །ཤིན་ཏུ་གླང་ཆེན་མྱོས་འདྲའི་སེམས། །དཔའ་རྟུལ་སྟག་མཆོག་རྔམ་ཞིང་གཏུམ། །མཁའ་ལྡིང་ཁྱུང་ཆེན་ལྷག་མི་ལྟ། །
D831.098.0041a01.01གཏུམ་ཐུང་དོམ་ཆེན་སྡོང་གཅིག་པ། །ཡིད་ཐུབ་མི་ལྡོག་རྒྱ་མཚོའི་གསེར། །གཏི་མུག་ལྐུགས་པའི་བློ་ཚོལ་ལྡན། །རི་པོ་མི་འགྱུར་བརྟན་པ་ཆེ། །མཁའ་ལྟར་ཡངས་དོག་ཀུན་དང་བྲལ། །གནམ་ལྕགས་ལྕེ་ཡི་དྲག་ཤུལ་ཅན། །ཕྱག་ན་རྡོ་རྗེའི་བརྟུལ་ཞུགས་
D831.098.0041a02.01བདག །ཟོན་བག་ཁུ་འཕྲིག་ཁ་རོག་སེམས། །ངེས་པའི་ང་རྒྱལ་གླང་ཚུལ་ལྡན། །ཟླ་བྲལ་སེང་གེ་{རི་དགས་,རི་དྭགས་}རྒྱལ། །རེ་འཇམ་བྱ་ལྟར་ཆགས་འགྲོགས་བློ། །གཡོ་ལྡན་ལྕག་ཆེན་སྒྱུ་མའི་རྒྱ། །གཙང་སྨེ་མེད་པར་ཀུན་སྤྱོད་ཅིང་། །ཐོགས་མེད་གསོད་སྤྱོད་ཅེ་
D831.098.0041a03.01སྤྱང་ཁྭ། །ཆེ་བའི་ང་རྒྱལ་སྟག་མཆོག་བློ། །ཀུམ་འཛེམ་བློ་ལྡན་ནམ་མཁའ་ལྡིང་། །ས་ཐུབ་བག་ལེན་རྒྱལ་འཁོར་སྐྱོང་། །རྣལ་འབྱོར་བརྟུལ་ཞུགས་ཆེན་པོ་ནི། །བཅུ་གཉིས་དང་ནི་གསུམ་བློར་ལྡན། །གོམས་ནས་ཉམས་སུ་ལེན་བྱེད་པ། །རྣལ་འབྱོར་གསང་
D831.098.0041a04.01བའི་བཀའ་བ་ཡིན། །དལ་བའི་རྒྱུད་ལྡན་ཐ་ཚིག་ཅན། །སྐུ་དང་གསུང་ཐུགས་རྡོ་རྗེ་ཡི། །བསྲུང་དང་བརྗོད་དང་གསང་བ་དང་། །ཡན་ལག་སྤྱད་པའི་དམ་ཚིག་དང་། །ཡིད་འོང་དང་དུ་བླང་བ་དང་། །བརྟུལ་ཞུགས་ཟབ་མོར་སྤྱད་པ་དང་། །རྣལ་འབྱོར་རྣལ་འབྱོར་
D831.098.0041a05.01ཐམས་ཅད་ཀྱི། །མི་འདོར་མི་སྤོང་སྦྱར་པ་ཡི། །རིགས་ལྡན་ཤེས་པར་བྱ་བ་དང་། །ཐོབ་ཅིང་གྲུབ་པར་བྱ་བ་ཡིན། །རེ་རེ་ལ་ཡང་ལྔ་ལྔ་སྟེ། །རྩ་བ་དང་ནི་ཡན་ལག་ལས། །བཅུ་གཉིས་དང་ནི་བརྒྱད་ལྡན་པ། །སྤྱད་པར་བྱ་བའི་ནོར་མཆོག་ཡིན། །རྣལ་འབྱོར་
D831.098.0041a06.01བྱང་ཆུབ་སེམས་རྒྱུད་ལ། །ངེས་པར་བརྟགས་ཏེ་སྤྱོད་པའི་བུ། །ཟབ་མོར་རྫོགས་མཆོག་བདེ་བ་ཡི། །བློ་ལ་ངེས་པའི་ལུང་འདི་བསྟན། །འདི་ནི་སྔར་འགྲོ་ཐ་ཚིག་སྟེ། །ཟབ་མོ་སྒྲུབ་པའི་སྔོན་ལོགས་སུ། །རྡོ་རྗེ་ཐ་ཚིག་དྲག་པོའོ། །གཅན་འཕྲང་ལམ་རྣམས་
D831.098.0041a07.01