完整藏文原文 · 德格版页 当前仅加载第 98 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་ཁྲོ་པོ་ཀུཎྜ་ལི། །ཨེ་ཀ་ཛ་ཊི་མཚན་ལྡན་པ། །ཨ་བི་མུ་ཀ་རྫོགས་པའོ། །འདོད་པ་བརྟན་ལྡན་བདེ་བ་སྐྱེ། །གཉིས་མེད་དོན་ལྡན་ཐོབ་པའོ། །པུ་ཏྲ་མང་འཕེལ་ལྕུག་ཕྲན་རྒྱས། །རྡོ་རྗེ་བསེ་ཕོར་མཚན་རྫོགས་ནས། །ཤེལ་ཕོར་གསང་
D831.098.0088a01.01བའི་དོན་འབྱུང་བ། །སྐུ་གསུང་ལྷུན་གྲུབ་ཀ་པཱ་ལ། །ཐམས་ཅད་རེ་བ་ཡིད་བཞིན་སྐོར། །དེ་བཞིན་ཡོན་ཏན་རྫོགས་ཀུན་རྫོགས། །བཀྲ་ཤིས་མཚན་ནི་ཀུན་ལྡན་པ། །དེ་བཞིན་མི་འགྱུར་གཡུང་དྲུང་བརྟན། །མི་ཤིགས་མཛོད་ཡིན་ཀུན་འབྱུང་བའོ། །ཆོ་འཕྲུལ་
D831.098.0088a02.01རྟགས་འབྱིན་དམ་པ་འབྱུང་། །སྲིད་པ་ཡོངས་སྒྲོལ་ལས་ཀྱི་མཆོག །ཁམས་གསུམ་དབང་སྡུད་ཁྱད་པར་ལྡན། །དྲུག་གསུམ་གཏན་སྤྲུགས་ལས་མཆོག་ཅན། །མཚན་མའི་སྤྲོས་བྲལ་ངེས་པའི་དོན། །རིགས་དྲུག་མདོག་དྲུག་དབྱིབས་དྲུག་དང་། །ཡོན་ཏན་
D831.098.0088a03.01སྐྱོན་རྣམས་སྦྱར་བར་བྱ། །མང་དང་ཉུང་བའི་གསང་བ་ནི། །བཅས་དཀར་འཕེལ་དང་མགོ་མི་འབྱུང་། །རྗེས་འདྲ་ལ་སོགས་སྐྱོན་རྣམས་སྤང་། །དུག་གསུམ་སྟོངས་མཛད་རྒྱལ་བའི་བཀའ། །སྐུ་གསུམ་སྨིན་པའི་གཡུང་དྲུང་རྟགས། །སྦ་ཐབས་གསང་བའི་
D831.098.0088a04.01མན་ངག་འདི། །སྐལ་ལྡན་རྣལ་འབྱོར་རྣམས་ཀྱི་སྟེ། །སྐལ་མེད་ཀུན་གྱི་རྟོག་པའི་བདུད། །མིང་ཙམ་འཛིན་ལ་ག་ལ་བརྟེན། །མཁས་པས་བརྟག་ཅིང་བཟང་པོ་བརྟེན། །དངོས་གྲུབ་འབྱུང་བའི་དུས་ཆེན་ཡང་། །གཅིག་དང་གསུམ་ནི་རབ་ཏུ་བཤད། །དེ་
D831.098.0088a05.01བཞིན་ལྔ་བདུན་འབྲིང་དུ་གྲགས། །དགུ་ནི་དངོས་གྲུབ་ཐ་མ་སྟེ། །བཅུ་གཅིག་ཕན་ཆད་ཡལ་བར་བཤད། །དེ་བས་རྣལ་འབྱོར་རྩལ་ཅན་གྱིས། །ངེས་པར་བརྩོན་ཏེ་བརྟག་པར་རིགས། །འདོད་ཆགས་བདག་པོས་དེ་སྐད་བཤད། །མཚན་མ་ཡིན་ཕྱིར་དེར་ངེས་
D831.098.0088a06.01པ། །མཚན་མ་ཅན་དང་མཐུན་བྱའི་ཕྱིར། །ཐབས་ཀྱིས་དེ་དང་མཐུན་སྤྱོད་ལ། །ཡང་དག་དོན་ལ་ཁ་ལོ་སྒྱུར། །དེ་དག་རྣམ་པར་སྦྱང་བ་དང་། །འགྲོ་དྲུག་ཤིན་ཏུ་གཡེང་བ་ཅན། །ཡིད་རྣམས་དྲངས་ཏེ་བརྟེན་བྱས་ནས། །ཐབས་ཀྱི་དོན་ལ་སྦྱར་བའི་ཚིག །རྒྱུ་
D831.098.0088a07.01