完整藏文原文 · 德格版页 当前仅加载第 98 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བཞེངས་ནས་ནི། །ཕྱོགས་མཚམས་ཀུན་དུ་བལྟས་བྱས་ནས། །ཤིན་ཏུ་འགྱིང་ཞིང་བརྗིད་པར་བྱེད། །ཨ་དང་མ་ཡི་འབྲུ་རྣམས་ནི། །སོ་སོར་བརྡབས་ནས་དཀུར་བརྟེན་བྱ། །འགྱིང་བའི་ཚུལ་གྱིས་སྤྱད་བྱས་ནས། །སྟག་གི་སྟབས་ཀྱིས་ཀུན་དུ་བསྐོར། །དེ་ནས་རྨུན་བྱ་སྟབས་ཀྱིས་
D831.098.0103b01.01ནི། །གོང་མ་བཞིན་དུ་བསྐོར་བར་བྱ། །དེ་བཞིན་རུས་སྦལ་གཟིག་དང་སྟག །སྤྱང་ཀི་སེང་གེ་དོམ་སྟབས་དང་། །ཕག་ཆེན་དྲེད་ཀྱི་སྟབས་ཀྱིས་ནི། །ཐམས་ཅད་ཐམས་ཅད་བསྐོར་བར་བྱ། །དེ་བཞིན་འདབ་ཆགས་ཐམས་ཅད་ཀྱིས། །འཇོ་ཚུལ་སྟབས་རྣམས་རྫོགས་བྱས་ནས། །
D831.098.0103b02.01དཀྱིལ་འཁོར་ཐམས་ཅད་རྫོགས་པར་འགྱུར། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་སྒྱུར་བ་ཕྱག་རྒྱའི་ལེའུ་སྟེ་ཉི་ཤུ་རྩ་བརྒྱད་པའོ།། །།དེ་ནས་སེམས་དཔའི་རྡོ་རྗེ་དེས་མཆོད་པ་དམ་པ་གསང་བའི་ལེའུ་འདི་གསུངས་སོ། །ཧཱུྃ་
D831.098.0103b03.01འབྱུང་བ་ཆེན་པོ་ནམ་མཁའ་ནི། །འབྱུང་བ་ཆེན་པོ་ལྔ་ཡི་མཛོད། །ནམ་མཁའ་ལས་ནི་འདོད་པ་འབྱུང་། །འདོད་པའི་མཆོད་པ་འབྱུང་གྱུར་ཅིག །ཟླ་རྒྱས་ལ་སོགས་སྙིང་པོ་མཆོག །མཾ་ས་ལ་སོགས་རྣམ་ལྔའི་རྫས། །མེ་ཏོག་ལ་སོགས་ཙནྡན་ཕྲེང་། །སྣ་ཚོགས་མཆོད་པ་འབྱུང་གྱུར་
D831.098.0103b04.01ཅིག །མི་མོ་རྣམས་ཀྱི་རེག་བྱ་མཆོག །འཁྲིལ་འཁྱུད་སྒྱུར་བའི་གཟུངས་ཆེན་མ། །དབང་པོ་སྦྱོར་བའི་དགྱེས་མཆོད་དེ། །བདེ་བའི་མཆོད་པས་ཚིམ་གྱུར་ཅིག །རྡོ་རྗེ་རོལ་པས་ཚོགས་མཆོག་འདི། །མཆོད་སྤྲིན་ཀུན་དུ་རྒྱས་གྱུར་ཅིག །དུག་གསུམ་བརྩིགས་པའི་རི་བོ་འདི། །སྐུ་
D831.098.0103b05.01གསུང་ཐུགས་ཀྱི་ཀློང་དུ་བསྟབས། །དུག་ལྔ་རོལ་པའི་ཚོགས་མཆོག་འདི། །ཡེ་ཤེས་ལྔ་ཡི་ནང་དུ་ཐིམ། །གཟུང་འཛིན་རྟོག་པའི་མཚན་མ་འདི། །དབྱིངས་དང་ཡེ་ཤེས་ཀློང་དུ་ཐིམ། །འཁོར་བ་མཚན་མའི་ཆོས་ཅན་འདི། །ཆོས་ཉིད་དབྱིངས་ཀྱི་ངང་དུ་ཐིམ། །ཕུང་པོ་ཚོགས་ཀྱི་ཡན་
D831.098.0103b06.01ལག་འདི། །རྣམ་གྲོལ་ཕུང་པོ་ལྔ་རུ་ཐིམ། །འབྱུང་ཆེན་རྒྱུ་ཡི་མཚན་མ་འདི། །མཁའ་ཀློང་འབར་བ་ལྔ་རུ་ཐིམ། །རོལ་པ་ཆེན་པོ་མཆོད་སྦྱིན་ལ། །རྒྱལ་བ་རྒྱ་མཚོའི་ཚོགས་རྣམས་རོལ། །བླ་མེད་སྟན་འགན་མཆོད་པ་འདི། །སྔོན་ཆད་རྒྱལ་བས་བགྲོད་པའི་ལམ། །དུག་གསུམ་གཏིང་
D831.098.0103b07.01