完整藏文原文 · 德格版页 当前仅加载第 98 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
མོངས་པ་རགས་པ་མངོན་དུ་རྒྱུ་བ་བཤགས་པ་དང་། བག་ལ་ཉལ་དང་ཤེས་བྱའི་སྒྲིབ་པ་བཤགས་པའོ། །དེའི་ཕྱིར་ལྟུང་བར་གྱུར་པའི་ལས་རྣམས་འགྱོད་པ་དྲག་པོས་བསྟེན་ལ་ཐབས་ལ་མཁས་པས་དཔྱད་དེ། །སྒྲིབ་པ་ཆེ་ཆུང་ཆ་ཤས་ཀྱིས་
D831.098.0063a01.01ཕྱེ་ལ་གུས་པར་བཤགས་པ་གྱིས་ཤིག །དེ་སྐད་ཅེས་བཀའ་སྩལ་པ་དང་། རིག་འཛིན་ཆེན་པོ་མིའི་ཐོད་པ་ཅན་རྣམས་མགུ་ཞིང་རངས་ཏེ་རྣལ་འབྱོར་སྦྱོར་བའི་ཕྱག་བྱས་ནས། །འགྱོད་ཅིང་གདུང་བའི་གླུ་འདི་བླངས་སོ། །ཨོྃ་ཡེ་ཤེས་སྐུ་མཆོག་རང་བཞིན་
D831.098.0063a02.01དཀྱིལ་འཁོར་ནི། །ཟླ་རྒྱས་བཞིན་དུ་སྤྲོས་པ་མི་མངའ་ཡང་། །ཐུགས་རྗེ་ཉི་གསལ་འོད་བཞིན་སྙོམས་མཛད་ལྷ། །བདེར་གཤེགས་བཞུགས་ཤིང་བདག་ལ་དགོངས་སུ་གསོལ། །བརྗོད་མེད་ཤེས་རབ་མི་གཡོ་ཆོས་མཆོག་དབྱིངས། །བདེ་ཆེན་ལོངས་སྤྱོད་
D831.098.0063a03.01རྫོགས་སྐུ་རིགས་ལྔའི་གཙོ། །ཐུགས་རྗེ་ཐབས་མཁས་རྒྱ་ཆེ་རོལ་པ་ཡི། །ཆོ་འཕྲུལ་སྤྲུལ་པའི་ཚོགས་ལ་ཕྱག་འཚལ་ལོ། །དངོས་སུ་འབྱོར་དང་ཡིད་ཀྱིས་སྤྲུལ་པ་ཡི། །ཀུན་དུ་བཟང་པོའི་བླ་མེད་མཆོད་སྤྲིན་གྱིས། །མཁའ་དབྱིངས་རྣམ་དག་རྒྱ་ཆེན་
D831.098.0063a04.01ཡོངས་བཀང་ནས། །ཕྱི་ནང་གསང་བའི་མཆོད་པ་རྒྱ་ཆེར་མཆོད། །ཀུན་དུ་བཟང་མོ་ཡུམ་གྱི་བྷ་ག་ལ། །འདུ་འབྲལ་མེད་པའི་ངང་དུ་རོ་གཅིག་པའི། །གཉིས་མེད་བྱང་ཆུབ་སེམས་ཀྱིས་མཉེས་གྱུར་ཅིག །སེམས་ཀྱི་རང་བཞིན་ཆོས་དབྱིངས་ནམ་མཁའ་ཆེ། །
D831.098.0063a05.01ཆོས་ཉིད་རྣམ་དག་རྒྱ་ཆེ་འོད་གསལ་བས། །རྣལ་འབྱོར་ཉིད་དབྱིངས་སྨྲ་བསམ་ལས་འདས་པས། །མཉམ་ཉིད་བྱང་ཆུབ་སེམས་ལ་རྟག་ཏུ་འདུད། །ཀུན་བཟང་རྫོགས་ཆེན་ཡེ་ནས་བདལ་བ་ལ། །ཕྱི་ནང་གསང་བའི་དཀྱིལ་འཁོར་བཀོད་པ་ནི། །སྣང་སྲིད་རྣམ་
D831.098.0063a06.01དག་ཀུན་བཟང་ཡུམ་གྱི་དབྱིངས། །འབྱུང་དང་འབྱུང་འགྱུར་ཡབ་ཡུམ་ལྷུན་རྫོགས་རྣམས། །གསང་ཆེན་རབ་རྫོགས་གཟུངས་ཆེན་བདག་ཉིད་མ། །གཉིས་མེད་ཐིག་ལེ་ཆེན་པོར་འོད་གསལ་བ། །ཅིར་ཡང་སྣང་བས་བདེ་ཆེན་གཡུང་དྲུང་ལྷ། །འདུ་འབྲལ་མེད་པ་
D831.098.0063a07.01