完整藏文原文 · 德格版页 当前仅加载第 98 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་དུ་སྣང་། །བང་རིམ་རི་བདུན་བཅས་པ་རྣམས། །དེ་ཉིད་བང་རིམ་ཁྲི་འཕང་བརྟན། །རི་བོ་བུམ་རྟེན་བུམ་པར་བཅས། །འདི་ཡང་ཆོས་སྐུ་རྒྱུན་མི་ཆད། །སེམས་དཔའི་རྡོ་རྗེ་དེས་ཡང་འདི་སྐད་ཅེས་གསུངས་སོ། །འཛུགས་པའི་ཡན་ལག་བཞི་རྨང་རྟེན། །འཁོར་
D831.098.0068b01.01ལོ་ཚོགས་ཆེན་ཁྲི་འཕང་བརྟན། །ཡན་ལག་དང་པོ་བུམ་རྟེན་བཅས། །ལྕང་ལོ་ཅོད་པན་ཕྲེང་བས་བཀླུབས། །ཞེས་གསུངས་སོ། །དེ་ནས་སེམས་དཔའི་རྡོ་རྗེ་སྙིང་པོ་དེས་ཤི་བ་ཡོངས་སུ་སློང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །རོ་ཡི་སྒྲུབ་
D831.098.0068b02.01ལུགས་ཆེན་པོ་ནི། །དུར་ཁྲོད་ཆེན་པོའི་གནས་རྣམས་སུ། །རོ་ཡི་རྫས་རྣམས་བཙལ་ནས་ཀྱང་། །འདོད་པ་བསྒྱུར་བའི་སྔགས་ཀྱིས་གདབ། །རོ་ཡི་སྟེང་དུ་གནས་ནས་ནི། །རོ་ཡི་གཉེན་པོར་བདག་བསམས་ནས། །རོ་སྔགས་རྒྱུན་མི་འཆད་པར་བཟླས། །རོལ་
D831.098.0068b03.01བཀྲག་དང་མདངས་བྱུང་ན། །གྲུབ་པར་འགྱུར་བའི་རྟགས་ཡིན་ཏེ། །རྒྱུན་མི་འཆད་པར་ཏིང་འཛིན་བྱ། །རོ་ནི་འགུལ་བར་གྱུར་པ་དང་། །གསེར་འགྱུར་རྩིས་ནི་བྱུག་པར་བྱ། །རོ་ཡི་ཡན་ལག་ཀུན་བཅིངས་ནས། །སྔགས་ནི་དག་པར་བཟླས་པར་བྱ། །རོ་ཉིད་
D831.098.0068b04.01ལངས་པར་གྱུར་པ་དང་། །རོ་ཡི་ཆོ་འཕྲུལ་སྟོན་པར་བྱེད། །བརྟུལ་ཞུགས་ལྡན་པའི་སྐྱེས་བུ་ཡིས། །དེ་ཚེ་རོ་ཡི་ལྕེ་བཅད་ནས། །རོ་ལ་བརྡབས་ན་གསེར་དུ་འགྱུར། །དེ་བཞིན་ཇི་ལྟར་འདོད་པ་ཡི། །རྐྱེན་གྱིས་བསྒྱུར་ན་དེ་ལྟར་འགྱུར། །ལྕེ་བཅད་རལ་གྲི་
D831.098.0068b05.01མཚོན་ཆ་དེས། །རོ་ཡི་བྷན་དྷ་བཅད་པ་དང་། །ཇི་ལྟར་འདོད་པའི་རྫས་འགྲུབ་སྟེ། །བྷན་དྷ་གོ་རུ་བཟུང་ནས་ནི། །ལྕེ་ཡི་རལ་གྲི་ཐོགས་ནས་ནི། །ལྷ་མིན་གཡུལ་ཡང་བཟློག་པར་འགྱུར། །རོ་ལངས་གྲུབ་པའི་རྐང་མགྱོགས་ནི། །དཔག་པའི་ཚད་ལས་འདས་པ་
D831.098.0068b06.01སྟེ། །སྐྱེས་བུ་རྩལ་དང་ལྡན་པ་བཞིས། །ཕྱོགས་བཞི་དག་ཏུ་ཁ་བལྟས་ནས། །དུས་གཅིག་མདའ་ཡི་རྒྱང་འཕངས་ནས། །མདའ་ནི་ས་ལ་མ་འབབས་པར། །བཞི་ཀ་བར་སྣང་ལས་བླངས་ནས། །སྐད་ཅིག་ཙམ་གྱིས་འཇིག་རྟེན་སྐོར། །སྐྱེས་བུ་ལག་ཚོད་མ་
D831.098.0068b07.01