完整藏文原文 · 德格版页 当前仅加载第 98 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
སྣིགྡྷ། པཉྩ་ཨ་མྲྀ་ཏ། ཙིཏྟ། བཱ་སུ་ཏ། གོ་རོ་ཙ་ན། ཌཱ་ཀི་ནཱ། ཡོ་གི་ནི། མ་ཧཱ་ཙིཏྟ། ཁ་རྃ་ཁཱ་ཧི། ཁ་ཁ་ལེ། ཤ་ཏ་པ་ཁཱ་ཧི། ཨ་ལ་ལ་ཧོ། ས་མ་ཡ་ཧོཿ ཨི་ད་ན་དེ་ནཱ་ར་ཀཱ་ན། ཨུ་ཙི་ར་ས་མ་ཡ་ཕཊ། བཛྲ་ས་མ་ཡ་ཨ་བེ་ཤ་ཨཱཿཨཱཿ། ཞེས་གསུངས་པས་ལས་ཀྱི་འབར་
D831.098.0103a01.01བའི་ཆོ་ག་ཞེས་ཐམས་ཅད་ཤིན་ཏུ་འབར་ཞིང་རྒྱས་པར་གྱུར་ཏོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་གསང་སྔགས་ཀྱི་ལེའུ་སྟེ་ཉི་ཤུ་རྩ་བདུན་པའོ།། །།དེ་ནས་ཡང་སེམས་དཔའི་རྡོ་རྗེ་དེས་སྒྱུར་བ་ཕྱག་རྒྱའི་ལེའུ་འདི་རྒྱ་ཆེར་གསུངས་སོ། །
D831.098.0103a02.01རྣལ་འབྱོར་མཆོག་གི་ལག་གཉིས་ལ། །ཉི་ཟླ་འབར་བའི་ལིངྒར་ནི། །ཨ་དང་པདྨ་གཉིས་གསལ་ཏེ། །ཐབས་དང་ཤེས་རབ་གཉིས་མེད་སྦྱར། །མཉམ་པའི་ཚུལ་གྱིས་གནས་པ་ལ། །མེ་ཡི་སྟེང་དུ་ཨ་ཉིད་གཞག །བྱ་བ་ཐམས་ཅད་བྲལ་བའི་རྒྱ། །ཨ་དང་མ་ཡི་འབྲུ་བཅུ་རྣམས། །
D831.098.0103a03.01འཕྲོ་འདུ་བྱ་ཞིང་ཀུན་དུ་བསྒྱུར། །གཡས་སུ་འཁྱིལ་ཅིང་གཡོན་དུ་འཁྱུད། །འདི་ནི་ཆོ་འཕྲུལ་འབྱུང་བའི་རྒྱ། །ཨ་དང་མ་ཡི་འབྲུ་རྣམས་བཅུ། །སོ་སོར་བཅངས་ཏེ་མྱུ་གུར་བྱ། །ཤིན་ཏུ་བསྟོད་དེ་ཀུན་དུ་བསྒྱུར། །འདི་ནི་སྙིང་པོར་གྱུར་པའི་རྒྱུ། །མ་ཡིས་སྦྱིན་པ་གཏོང་ཚུལ་ལ། །ཨ་
D831.098.0103a04.01ཡིས་ཐམས་ཅད་སྐྱོབ་བྱེད་པ། །འདི་ནི་ཚད་མེད་ཆེན་པོའོ། །ཀུན་ལ་སྙོམས་པའི་ཕྱག་རྒྱ་ཡིན། །མ་ཉིད་ཁྲག་འཕྲོག་པ་ཡི་སྣོད། །ཨ་ཉིད་སོ་ཕྲེང་མཆེ་བར་སྦྱར། །འདི་ནི་ཐམས་ཅད་རོལ་པ་ཡི། །འཇིགས་ཚུལ་སྟོན་པའི་ཕྱག་རྒྱ་ཡིན། །ཨ་དང་མ་གཉིས་གཏིང་སྦྱར་ཏེ། །སོ་ཕྲེང་མཆེ་
D831.098.0103a05.01བའི་ཚུལ་གྱིས་ནི། །ཤིན་ཏུ་ཁ་གླལ་བ་ཡི་ཚུལ། །འདི་ནི་འཇིགས་བྱེད་ཆེན་པོའི་རྒྱ། །མ་ཡིས་བཟུང་སྟེ་འཐེན་ནས་ནི། །ཨ་ཡིས་གདེངས་ཤིང་འཇོམས་བྱེད་པ། །འཇོམས་བྱེད་ཆེན་པོའི་ཕྱག་རྒྱ་ཡིན། །མ་དང་ཨ་ཡིས་མགོ་མཇུག་ནས། །བཟུང་བའི་ཚུལ་དུ་བྱས་ནས་ནི། །ཁ་
D831.098.0103a06.01ཡིས་འདྲང་ཅིང་འཐེན་བྱེད་པ། །ཟ་བྱེད་ཆེན་པོའི་ཕྱག་རྒྱ་ཡིན། །ཨ་དང་མ་ཡི་ཤེས་རབ་ལས། །གཡས་གཡོན་ཚུལ་གྱིས་བསྒྱུར་བྱས་ཏེ། །སོ་སོ་ཇི་ལྟར་ཡིན་ཐབས་སྦྱར། །གནས་དང་ཡུལ་གྱི་གཏན་ཚིགས་སུ། །བསྒྱུར་བ་གར་གྱི་ཕྱག་རྒྱར་བཤད། །དབའ་བོ་གདན་
D831.098.0103a07.01