完整藏文原文 · 德格版页 当前仅加载第 98 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཉིད་དུ་གྲུབ་པ་དང་། བདེ་བ་ཆེན་པོར་གྲུབ་པ་དང་། ཡོངས་སུ་རྫོགས་པར་གྲུབ་པ་དང་། ཐམས་ཅད་ལྷུན་གྱིས་གྲུབ་པའི་ཕྱིར་གྲུབ་པ་ཆེན་པོ་ཞེས་བྱའོ། །རྒྱུ་དང་འབྲས་བུར་སྦྱོར་བ་དང་། ཐབས་དང་ཤེས་རབ་ཏུ་སྦྱོར་བ་དང་། དབྱིངས་དང་ཡེ་ཤེས་སུ་སྦྱོར་བ་དང་།
D831.098.0021b01.01སེམས་དང་ཆོས་སུ་སྦྱོར་བ་དང་། ལས་དང་ཐུགས་རྗེར་སྦྱོར་བས་སྦྱོར་བ་ཆེན་པོ་ཞེས་བྱའོ། །སྲིད་པ་རྒྱ་མཚོ་དབྱིངས་སུ་ཚིམ་པར་གྲུབ་པ་དང་། འཁོར་བ་རྒྱ་མཚོ་བདག་གིར་གྲུབ་པར་གྱུར་པ་དང་། བདག་ཉིད་ཆེན་པོ་ལྷུན་གྱིས་གྲུབ་པར་གྱུར་པ་དང་། དམིགས་པ་གང་ཡིན་
D831.098.0021b02.01པ་དེ་བཞིན་གྲུབ་པར་གྱུར་པ་དང་། ཆོ་འཕྲུལ་རྫུ་འཕྲུལ་ཐོགས་པ་མེད་པར་གྲུབ་པ་དང་། དོན་དམ་བཅུད་ཀྱིས་རྣམ་ཤེས་རྒྱས་པར་གྲུབ་པའི་ཕྱིར་དངོས་གྲུབ་ཆེན་པོ་ཞེས་བྱའོ། །རྣམ་གྲངས་ཐམས་ཅད་བྱང་ཆུབ་ཀྱི་སེམས་བདེ་བ་ཆེན་པོར་རྫོགས་པར་གྲུབ་པའི་ཕྱིར་
D831.098.0021b03.01རྫོགས་པ་ཆེན་པོ་གཅིག་ཅེས་བྱའོ། །གཞན་ཡང་འདུས་པ་ཆེན་པོའི་ཚོགས་སའི་ཁྱད་པར་ཆེན་པོ་བཅུ་གཅིག་ནོན་པར་འདོད་པས་ཀྱང་ལམ་འདི་ལ་བསླབ་པར་བྱ་སྟེ་གང་ཞེ་ན། འགྱུར་དབང་མ་ངེས་པའི་ས་དང་། བརྟེན་པ་གཞིའི་ས་དང་། གལ་ཆེན་སྦྱོར་བའི་ས་
D831.098.0021b04.01དང་། མི་ལྡོག་གནས་པའི་ས་དང་། བསླབ་པ་རྒྱུན་གྱི་ས་དང་། ཆོ་འཕྲུལ་སྤྲུལ་པའི་ས་དང་། བསྟེན་པས་ཁྱད་པར་དུ་འགྲོ་བའི་ས་དང་། དམིགས་པས་འབྲས་བུ་སྐྱེ་བའི་ས་དང་། གནས་པས་མི་འགྱུར་བའི་ས་དང་། བདལ་བ་ཆོས་ཉིད་ཀྱིས་དང་། རྫོགས་པ་
D831.098.0021b05.01སྤྱིར་ཆིབ་ཀྱིས་ས་སྟེ། ས་འདི་དག་ནོན་པར་འདོད་པས་ཀྱང་ལམ་འདི་ལ་བསླབ་པར་བྱའོ། །གཞན་ཡང་འདུས་པ་ཆེན་པོའི་ཚོགས་འདི་ལྟ་སྟེ། རྣལ་འབྱོར་བསླབ་པའི་མཐའ་བཅུ་ཆིབ་པར་འདོད་པས་ཀྱང་ལམ་འདི་ལ་བསླབ་པར་བྱ་སྟེ། གང་ཞེ་ན་གཞི་དམ་ཚིག་འདིས་
D831.098.0021b06.01བཟུང་བར་བསླབ་པ་དང་། རྒྱུད་ཐོས་པས་དགྲོལ་བར་བསླབ་པ་དང་། ཕུལ་དུ་མཁས་པར་དབྱུང་བར་བསླབ་པ་དང་། སྒོ་ཀུན་ནས་སྡུད་པར་བསླབ་པ་དང་། རིམ་པ་དབང་གིས་བགྲོད་པར་བསླབ་པ་དང་། ལ་སྤྱོད་པས་དོར་བར་བསླབ་པ་དང་། ཐག་ལྟ་
D831.098.0021b07.01