完整藏文原文 · 德格版页 当前仅加载第 98 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ལས་ཆོས་བྱུང་འབུམ་ཕྲག་ཡས། །ཆོས་ཀྱི་རྒྱལ་པོར་དེར་གྱུར་ནས། །སངས་རྒྱས་སྨྲ་བའི་སེང་གེ་ཞེས། །ཞིང་ཁམས་ཀུན་དུ་གྲགས་པར་འགྱུར། །དེ་བཞིན་བསླབ་པ་དག་པར་གྱིས། །ཚོགས་ཆེན་གཅིག་གི་བསོད་ནམས་ནི། །སྐྱེ་ལ་ཉན་ཐོས་
D831.098.0054b01.01བསམ་ཡས་ལ། །སྦྱིན་པའི་ཚོགས་ཆེན་སྤེལ་བས་ནི། །འབུམ་གྱི་ཆར་ཡང་མི་ཕོད་དོ། །ཅི་ཕྱིར་ཞེ་ན་གཅིག་མཉེས་པས། །རྒྱལ་བ་ཐམས་ཅད་མཉེས་པ་ཡིན། །ནམ་མཁའ་ཁྱབ་པའི་རྒྱལ་བ་དང་། །ཉག་གཅིག་སྣང་བའི་རྒྱལ་བ་གཉིས། །སོ་སོ་མ་ཡིན་ཐ་མི་
D831.098.0054b02.01དད། །སྐུ་དང་གསུང་ཐུགས་གཅིག་ལས་མེད། །འདུལ་བའི་ངོ་གང་ཁྱད་པར་ལས། །བསམ་གྱིས་མི་ཁྱབ་བསྟན་པར་ཟད། །དེ་ན་ཁྱད་པར་དེ་ལྟར་སྣང་། །དེ་ཡང་ཇི་ལྟ་བུ་ཞེ་ན། །ལས་རྣམས་དག་པའི་བྲམ་ཟེ་ནི། །དགེ་ལྡན་གསལ་ལྡན་བྱ་བ་གཉིས། །དགའ་བའི་
D831.098.0054b03.01དད་པ་སོ་སོར་སྐྱེས། །གཅིག་ལ་གཅིག་ནི་ཐ་ཚིག་བྱས། །གཅིག་གིས་ཉན་ཐོས་བསམ་ཡས་ལ། །མཆོད་སྦྱིན་བྱ་བ་རྒྱ་ཆེར་བྱས། །གཅིག་གིས་ཚོགས་མཆོད་རྒྱ་ཆེར་བྱས། །ཚོགས་ལ་སྤྱོད་པའི་གསལ་ལྡན་ནི། །འདི་ཚེ་གཅིག་ལ་མངོན་སངས་རྒྱས། །སྦྱིན་པ་
D831.098.0054b04.01སྤེལ་བའི་དགེ་ལྡན་ནི། །བསྐལ་པ་གྲངས་མེད་གསུམ་གྱིས་གྲུབ། །དེ་བས་གནས་འདིར་སྤྱོད་པ་དག །རྣལ་འབྱོར་གསལ་ལྡན་ཚུལ་བཞིན་སྤྱོད། །འདི་དག་རྟག་ཏུ་སུ་འཆང་བ། །རྡོ་རྗེ་སེམས་དཔའ་ལ་སོགས་པའི། །ཆེ་ཡོན་རྟག་ཏུ་ཅི་འདྲ་བར། །དོན་གྱི་གཟུགས་
D831.098.0054b05.01དང་བཅས་པར་འཐོབ། །དེ་ཡང་ཇི་ལྟ་བུ་ཞེ་ན། །ཁྱིམ་བདག་མེས་སྦྱིན་བྱ་བ་དེ། །ཚོམ་བུ་བརྒྱ་དང་བཅས་པ་ཞིག །རྒྱུན་གྱི་རྟག་པར་འདི་སྤྱད་པས། །སངས་རྒྱས་རྡོ་རྗེ་སེམས་དཔའ་ནི། །འཁོར་དང་བཅས་པ་ཅི་འདྲ་བར། །སྐྱེ་བ་དེ་ཡིས་ངེས་པར་ཐོབ། །སྐུ་
D831.098.0054b06.01དང་གསུང་ཐུགས་རྡོ་རྗེ་ཡི། །དོན་དུ་ངེས་པར་སྒྲུབ་པའི་ཚོགས། །རྟོགས་ནས་སྨྲ་བར་གང་བྱེད་པ། །གོམས་དང་བརྗོད་དང་སྨོས་པ་ཡིས། །ཆོས་ཀྱི་རྒྱལ་པོར་དེ་འགྱུར་ཞིང་། །ཡོན་ཏན་སྤྱི་གཙུག་ཉིད་དུ་འགྱུར། །དེ་ཡང་ཇི་ལྟ་བུ་ཞེ་ན། །དྲང་སྲོང་རྣལ་འབྱོར་ཀལ་ཡ་ནས། །
D831.098.0054b07.01