完整藏文原文 · 德格版页 当前仅加载第 98 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་གསོད་པའི་ཐབས། །སྔོན་གྱི་ཐུགས་དམ་བཞིན་དུ་བཞེས། །འཆི་མེད་བདུད་རྩི་གཡུང་དྲུང་ཆུ། །རོ་ཡི་ཁམས་རྣམས་སློང་བར་བྱེད། །དུག་གི་ཕུང་པོ་འཇོམས་བྱེད་པ། །རྩི་མཆོག་སྨན་གྱི་མཆོད་པར་བཞེས། །ཞེས་མཆོད་པའི་ཚོགས་རྣམས་ལིང་ལོང་ཕྱད་པར་བྱུང་
D831.098.0104a01.01བས་རྒྱལ་བ་རྒྱ་མཚོ་ཚོགས་ལོངས་སྤྱོད་དེས་མཉེས་པར་གྱུར་ཏོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་མཆོད་པ་དམ་པ་གསང་བའི་ལེའུ་སྟེ་ཉི་ཤུ་རྩ་དགུ་པའོ།། །།དེ་ནས་སེམས་དཔའི་རྡོ་རྗེ་དེས་རྡོ་རྗེ་གླུའི་ལེའུ་འདི་གསུངས་སོ། །འདིར་ནི་རྡོ་རྗེ་རྣལ་
D831.098.0104a02.01འབྱོར་རྣམས། །བསྙེན་པར་སྣང་བའི་དབང་ཐོབ་ནས། །བསྒོམ་དབྱངས་ཡི་གེ་འབྲུ་བརྒྱད་སྤྲོ། །ཡི་གེ་གླུ་ཡི་རྒྱན་ཡིན་ཏེ། །གླུ་ཡི་ཡི་གེ་བཅུ་དྲུག་ལས། །ཡི་གེ་ཡན་ལག་བསྒྱུར་བསྡེབས་ནས། །གླུ་ཡི་བྱེ་བྲག་བསམ་མི་ཁྱབ། །དང་པོར་གླུ་ཡི་དོན་བྱུང་བ། །ཨོཾ་གྱིས་གླུ་རྣམས་རབ་ཏུ་
D831.098.0104a03.01འདྲེན། །ཨོྃ་ཡང་ཨ་ཡི་ཆོ་འཕྲུལ་ཏེ། །ཨ་ནི་ཆོས་ཀྱི་ཡི་གེ་ཡིན། །ཨ་ལས་ཨོྃ་བྱུང་རྒྱལ་བའི་ཐུགས། །རྒྱལ་བ་ཆོས་ཀྱི་དབྱིངས་ལས་བྱུང་། །ཨ་ལས་ཨཾ་བྱུང་གསུང་གི་མཆོག །གསུང་ལས་གླུ་ཡི་ཡན་ལག་འབྱུང་། །དབྱངས་ཀྱི་ཡན་ལག་དྲུག་ཅུར་གྲགས། །གླུ་ཡི་ཡོན་ཏན་
D831.098.0104a04.01བསམ་མི་ཁྱབ། །སྔོན་གྱི་རྒྱལ་བ་གླུ་ཡིས་གྲུབ། །རིག་འཛིན་རྡོ་རྗེ་གླུ་ཡིས་འདྲེན། །རྣལ་འབྱོར་དབང་ཕྱུག་གླུ་ཡིས་འགྲུབ། །བསྟན་པ་རྒྱ་མཚོ་གླུ་ཡིས་སྤེལ། །སྲིད་པའི་བུ་མོ་གླུ་ཡིས་བསྟེན། །བདུད་དང་སྲིན་པོ་གླུ་ཡིས་འདུལ། །དངོས་གྲུབ་རྒྱ་མཚོ་གླུ་ཡིས་འབེབས། །ཆོས་ཉིད་
D831.098.0104a05.01དབྱིངས་ཀྱི་ཀློང་དཀྱིལ་ནས། །དཔལ་བེའུ་ཉི་མ་དགུ་ཤར་བས། །རྣམ་ཐར་སྒོ་བཞི་རབ་གསལ་ཡང་། །མ་རིག་མུན་གནག་འཐིབས་པ་ཡིས། །བསྒྲིབས་པར་རིག་པའི་སྒོ་མོ་བྱེ། །འཁོར་བའི་མུན་གནག་ཀློང་རུམ་ན། །བྱང་ཆུབ་སེམས་ཀྱི་ཟླ་ཤར་བས། །མུན་བསལ་རྣམ་ཐར་
D831.098.0104a06.01སྒོ་བཞིར་སྣང་། །རིན་ཆེན་འབར་བའི་ཉི་མ་རྣམས། །དཔལ་ཆེན་ཐུགས་ནས་འོད་ཤར་བས། །བག་ཆགས་སྤྲིན་མཐོང་བྱེ་བ་རུ། །རྣལ་འབྱོར་ཐུགས་ཀར་ཟེར་བབ་པས། །མུན་བསལ་རིག་པའི་སྒོ་ཕྱེ་སྟེ། །རྣལ་འབྱོར་དོན་ལ་འཇུག་པར་བྱ། །རིག་པ་ཐུགས་ཀྱི་དཀྱིལ་
D831.098.0104a07.01