完整藏文原文 · 德格版页 当前仅加载第 98 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
སྨན་སྦྱང་བཏགས་བཙགས་བཅལ་ནས་ཀྱང་། །སྦྲང་ཆང་འོ་མས་གོང་བུར་བྱ། །བསེ་ཕོར་མཚན་ལྡན་ནང་དུ་གཞག །ལེགས་པར་ཁ་སྦྱར་རས་ཀྱིས་དཀྲི། །གོང་མ་བཞིན་དུ་ཀུན་སྦྱར་ནས། །དངོས་གྲུབ་མཆོག་རྣམས་བདག་གིས་བྱ། །ཞེས་གསུངས་སོ། །བདུད་རྩི་
D831.098.0098a01.01རི་ལུའི་ཆོ་ག་རྣམ་པར་བཤད་པའོ། །དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ་ཆེན་པོའི་རྣལ་འབྱོར་པ། །སྐྱོ་མའི་ཆོ་ག་འདི་ལྟ་སྟེ། །ཐམས་ཅད་གོང་མ་བཞིན་སྦྱར་ནས། །མཚན་མ་གསལ་པོ་འབྱུང་བ་དང་། །ཕྱེ་མ་ཆུ་ཚགས་ནང་ནས་དབྱུང་། །ཕྱེ་མའི་མཆོག་
D831.098.0098a02.01ཏུ་གྱུར་པ་དང་། །ཕྱེ་མའི་རྒྱལ་མོ་དེ་དག་ནི། །བསེ་ཕོར་ཁ་སྦྱར་ནང་དུ་བླུགས། །རྒྱས་བཏབ་བྱིན་བརླབས་དབང་བསྐུར་ནས། །བཟླས་བརྗོད་འཕྲོ་འདུ་རྒྱུན་མི་ཆད། །སྦྲང་ཆང་རྒྱ་ཆང་བུ་རམ་ཆང་། །རྒུན་ཆང་འོ་མ་ལ་སོགས་པ། །བཅུད་ཀྱི་ཁུ་བ་ཐམས་ཅད་སྦྱར། །རིན་
D831.098.0098a03.01ཆེན་གའུ་མཚན་ལྡན་དུ། །བླུགས་ཏེ་ཁ་སྦྱར་རྒྱས་བཏབ་ནས། །འཕྲོ་འདུ་བཟླས་བརྗོད་གོང་མ་བཞིན། །བྱས་ཏེ་མཚན་མ་བྱུང་བ་དང་། །དངོས་གྲུབ་ཆེན་པོ་བླང་བར་བྱ། །ཕྱེ་མའི་བསྒྲུབ་རྫས་དེ་དག་ནི། །ཆ་ལྔ་དག་ཏུ་བགོས་ནས་ཀྱང་། །རྣལ་འབྱོར་སོ་སོའི་ཆ་རྣམས་
D831.098.0098a04.01ལས། །ཅི་རན་ཙམ་གྱིས་ཆ་གཅིག་དང་། །སྦྱར་ཆང་ཆ་ལྔར་བགོས་པ་ལས། །རྣལ་འབྱོར་སོ་སོའི་ཆ་རྣམས་ལས། །སྦྱར་ཏེ་དངོས་གྲུབ་རྟེན་དུ་བྱ། །ཟླ་བ་གཅིག་ཏུ་ཟོས་པས་ནི། །བ་སྤུ་རངས་ཤིང་གཉེར་མ་རངས། །ཟླ་བ་གཉིས་སུ་ཟོས་བྱས་ན། །གཟི་མདངས་ཐམས་
D831.098.0098a05.01ཅད་འབར་བར་འགྱུར། །ཟླ་བ་གསུམ་གྱི་ཕན་ཡོན་གྱིས། །ནད་ཀྱི་བསྐལ་པ་དག་ལས་ཐར། །ཟླ་བཞི་ཕན་ཆད་གང་ཟག་གིས། །ཟས་དང་མ་འདྲེས་བརྩོན་བསྒྲུབས་ན། །གཞན་གྱི་ནད་རྣམས་འཇོམས་པར་ནུས། །དྲུག་དང་བདུན་དང་བརྒྱད་རྣམས་ལ། །བདུད་རྩི་བཅུད་
D831.098.0098a06.01ཀྱིས་འཚོ་བར་འགྱུར། །དགུ་དང་བཅུ་ལ་ཟག་པ་ཟད། །བཅུ་གཅིག་རིག་འཛིན་ནམ་མཁར་འཕུར། །ཞེས་གསུངས་སོ། །བདུད་རྩི་སྐྱོ་མའི་བསྒྲུབ་པ་རྣམ་པར་བཤད་པའོ། །དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ་ཆེན་པོའི་
D831.098.0098a07.01