完整藏文原文 · 德格版页 当前仅加载第 98 函德格 40a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་དགྲར་མཐོང་ནས། །དེ་དག་སྡིག་པ་མཐོང་བ་ལྟར། །སྐྲོད་ཅིང་ཆད་པས་གཅོད་བྱེད་པ། །སྐྱེས་བུ་དེ་ནི་རྒྱལ་བའི་སྲས། །དཔེར་ན་བློན་པོ་གང་དག་གིས། །ཉེས་བྱས་ཁྲིམས་དང་འགལ་འགྱུར་ན། །འགལ་བར་མི་གཏོང་ཁྲིམས་དང་སྦྱོར། །
D831.098.0040a01.01བཀའ་ཡི་ཡོ་སྲོང་བློན་པོ་དེ། །རྒྱལ་པོའི་ཐུགས་འཛིན་དམ་པ་ཞེས། །ཀུན་དུ་རྒྱ་ཆེར་གྲགས་པར་འགྱུར། །ལྡུམ་རར་དུག་གི་སྡོང་སྐྱེས་ན། །བདག་པོས་དུག་ཏུ་ཤེས་མ་ཐག །རྩད་ནས་ཕྱུང་སྟེ་མེད་པར་བྱེད། །ཅི་ཕྱིར་ལྡུམ་ཟས་དེ་དག་ལས། །དུག་འཕེལ་གྱུར་ན་
D831.098.0040a02.01འཆི་ཕྱིར་རོ། །དེ་བཞིན་ཉམས་འགྱུར་དུག་ཅན་དེ། །བརྟུལ་ཞུགས་ཅན་གྱི་རྣལ་འབྱོར་དེས། །གནས་སམ་ལོ་ཡིས་སྤྱུགས་ཏེ་སྤང་། །གང་དག་མི་སྤོང་མགོན་བྱེད་པ། །དེ་དག་གསང་བའི་དམ་སྲི་ཡིན། །དོན་ལ་རྣལ་འབྱོར་གང་ཞིག་གིས། །ཐ་ཚིག་ཟབ་མོར་
D831.098.0040a03.01བཅས་རྣམས་ལས། །བསྲུང་བའི་བསམ་པ་མི་གཡོ་བཞིན། །རྩ་བ་ཡན་ལག་བཅས་རྣམས་ལ། །གལ་ཏེ་མ་ཚོར་ཞིག་གྱུར་ཀྱང་། །རྣམ་སྨིན་ཡོད་ཀྱང་རྩ་མི་ཉམས། །ཇི་ལྟར་གླང་པོ་ཨེ་ནེ་ཡ། །ཤི་ནས་རོ་རུ་གྱུར་མོད་ཀྱང་། །གི་ཝང་རྩིས་ནི་དོན་བྱེད་ལྟར། །རྣལ་
D831.098.0040a04.01འབྱོར་ཉམས་དེ་རོར་གྱུར་ཡང་། །གཞན་གྱིས་བཀུར་པའི་གནས་ཡིན་ཞིང་། །དེ་ཡི་དོན་བྱེད་ནུས་པ་ཡིན། །དེ་ལྟར་མོད་ཀྱང་འདི་ཀུན་རྣམས། །རྨི་ལམ་དུ་ཡང་མཐོང་མི་བྱ། །ཅི་ཕྱིར་འོ་མ་ཉུང་ངུ་ཞིག །རུལ་བས་འོ་མ་ཀུན་རུལ་བཞིན། །རྣལ་འབྱོར་ཉམས་གྱུར་གཅིག་
D831.098.0040a05.01གིས་ནི། །རྣལ་འབྱོར་ཅན་ཀུན་མ་རུང་འགྱུར། །འཁོར་བའི་གཡུལ་རྒྱལ་བྱེད་པ་ཡི། །ལོག་པའི་རྣལ་འབྱོར་ཐམས་ཅད་ཀུན། །དོན་ལ་མཁས་པའི་རྣལ་འབྱོར་པས། །ཐམས་ཅད་བསྒྲིམས་ཏེ་སྤང་བར་བྱ། །གལ་ཏེ་མ་སྤངས་ལོག་སྤྱད་ན། །འཁོར་བའི་གཡུལ་ནི་
D831.098.0040a06.01རྒྱལ་འགྱུར་ཏེ། །བདེན་པའི་བྱིན་བརླབས་མཐུ་ཆུང་འགྱུར། །ཀུན་ཀྱང་དགེ་སྤྱད་དོན་ཆུང་ཞེས། །ཡང་དག་དོན་ལས་ཡིད་བྱུང་ཞིང་། །ལོག་པའི་ཆོས་ལ་སྤྲོ་བར་བྱེད། །ཀུན་ཀྱང་ལོག་པའི་ལས་སྤྱད་པས། །ཡིད་དུ་མི་འོང་སྣ་ཚོགས་འབྱུང་། །དེས་ནི་སྒྲོ་སྐུར་གཉིས་
D831.098.0040a07.01