完整藏文原文 · 德格版页 当前仅加载第 98 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཡབ་ཡུམ་གཉིས། །དོན་ལ་མཁས་པར་བྱས་ནས་ནི། །སོ་སོའི་ཐུགས་ལ་ཐིག་ལེ་དག །ཟླ་གམ་དཀར་དམར་གདབ་པར་བྱ། །དེ་ཡི་རྫས་མཆོག་ཆེན་པོ་ཡང་། །ཐབས་ཀྱི་ག་པུར་ཆེན་པོ་དང་། །ཤེས་རབ་གསང་བའི་ཙནྡན་གཉིས། །དཀར་དམར་ཟླ་གམ་
D831.098.0099b01.01ཆེན་པོར་བྱ། །ཡབ་ཀྱི་ཐུགས་ཀར་དཀར་པོ་ལ། །ཐིག་ལེ་ཁ་ནི་མར་ལྟ་བའོ། །ཡུམ་གྱི་ཐུགས་ཀར་དམར་པོ་ལ། །ཐིག་ལེ་ཁ་ནི་ཡར་ལྟ་བའོ། །ཡབ་ཀྱི་ཐིག་ལེའི་དབུས་སུ་ནི། །དཔལ་བེའུ་དབུས་སུ་ཉི་མ་བྲི། །དབུས་སུ་ཨོཾ་གསལ་ནང་དུ་ཧཱུྃ། །ཡུམ་གྱི་ཐིག་
D831.098.0099b02.01ལེའི་དབུས་སུ་ནི། །པདྨ་དབུས་སུ་ཟླ་བ་བྲི། །དབུས་སུ་ཨ་གསལ་ནང་དུ་ཧཱུྃ། །དེ་ལྟར་གསལ་བར་གྱུར་པ་ན། །ཀུན་དུ་བཟང་པོ་ཡབ་ཡུམ་དུ། །གཉིས་སུ་མེད་པར་བསྒྱུར་བར་བྱ། །ཏིང་འཛིན་གསལ་བར་གྱུར་པ་དང་། །རང་ལས་བྱུང་བའི་བདུད་རྩི་ཡིས། །གསང་
D831.098.0099b03.01བ་གཉིས་ཀྱི་མཆོད་པ་བྱ། །རང་ལས་བྱུང་བའི་དངོས་གྲུབ་དག །རང་ཉིད་ས་ནི་བསྟིམ་པར་བྱ། །འདི་ལྟར་སྒྲུབ་པ་གཙོར་བྱེད་ན། །བདུད་རྩིའི་ཡོ་བྱད་ཐམས་ཅད་དང་། །བཅུད་ཀྱི་མཆོག་ཏུ་གྱུར་པ་རྣམས། །ལོ་ཡི་འཚོ་བར་སྦྱར་ནས་ཀྱང་། །བསྙེན་སྒྲུབ་ཡན་
D831.098.0099b04.01ལག་རྣམ་བཞི་ལས། །བསྙེན་པ་དག་གི་དུས་སུ་ནི། །གང་ཟག་མི་ཡི་ཟས་ལ་བརྟེན། །དེ་ཡང་ལོ་ཡི་སྐད་ཅིག་གམ། །གཉིས་དང་གསུམ་གྱི་བར་དུ་སྦྱར། །ལོ་ཡི་སྐད་ཅིག་བར་དུ་ནི། །བདུད་རྩི་ཡོ་བྱད་རྣམས་ལ་བརྟེན། །དེ་ནས་ལོ་ཡི་སྐད་ཅིག་ནི། །གཅིག་
D831.098.0099b05.01གམ་གཉིས་ཀྱི་བར་དག་ཏུ། །རང་ལས་བྱུང་བའི་རྫས་རྣམ་ལྔས། །འཕགས་པ་མཆོད་ཅིང་རང་གིས་བཟའ། །དེས་ནི་དྲོད་ལ་གནས་པར་འགྱུར། །དྲོད་ཐོབ་གྱུར་པ་ཕན་ཆད་ནི། །ལོ་ཡི་སྐད་ཅིག་ཐང་ཅིག་གིས། །ཏིང་འཛིན་ཟས་ཀྱི་རོ་རྙེད་ནས། །ཁམ་གྱི་ཟས་དང་
D831.098.0099b06.01བྲལ་བར་འགྱུར། །དྲོད་ཆེན་རྣམ་གསུམ་རྫོགས་ནས་ནི། །རྟགས་ཆེན་དག་ནི་ཐོབ་པར་འགྱུར། །རྟགས་ཀྱི་ཆོ་འཕྲུལ་འབྱུང་བ་ནི། །རིན་ཆེན་ཕུང་པོ་འདོད་པ་ན། །ས་རྡོ་ལ་སོགས་བྱས་ན་འགྲུབ། །ཆུ་དང་མཁའ་ལ་འགྲོ་འདོད་ན། །བརྩམས་པས་མི་འབྱིང་ཐོགས་མེད་
D831.098.0099b07.01