完整藏文原文 · 德格版页 当前仅加载第 98 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པར་དོན་དུ་འགྱུར། །ཡི་གེ་གསང་བའི་འཕྲོ་འདུ་ཡིས། །རྒྱལ་བ་དཔའ་བོ་ཐམས་ཅད་མཉེས། །དེ་ཀུན་ཡི་གེས་རྣམ་སྤྲུལ་ཡང་། །རང་བཞིན་དངོས་མེད་ཆོས་ཀྱི་དབྱིངས། །ཡིག་འབྲུ་འབར་བའི་ཆོ་འཕྲུལ་ལས། །དམ་པའི་ངོ་མཚར་སྣ་ཚོགས་འབྱུང་། །
D831.098.0105a01.01དེ་བཞིན་སྒྲིབ་པའི་བུད་ཤིང་བསྲེག །གཏི་མུག་མུན་སེལ་ཡེ་ཤེས་འབར། །རིག་པའི་ཉི་མ་གསལ་བར་འབེབས། །བདག་ཉིད་དཔལ་ཆེན་འབར་བའི་ཐུགས། །ཙིཏྟ་དཔལ་བེའུ་ཟུར་བརྒྱད་འབར། །རིན་ཆེན་ཡི་གེ་འབྲུ་བརྒྱད་གསལ། །དཔལ་ཆེན་རིན་ཆེན་འབར་
D831.098.0105a02.01བའི་ཐུགས། །དཔལ་བེའུ་སྨུག་པོ་ཟུར་བརྒྱད་ལས། །གསེར་གྱི་ཉི་མ་དགུ་ཤར་བ། །འོད་ཟེར་རུ་ལུ་ཡིག་འབྲུ་བརྒྱད། །རྡོ་རྗེ་འབར་བའི་རླུང་སྒྲོམ་དུ། །ཤིན་ཏུ་འབར་འཕྲོ་འཁྲུག་བྱས་ཏེ། །སྤྲོས་པས་རྣལ་འབྱོར་དབང་ཕྱུག་གི། །ན་ས་གཡས་སུ་དྲང་བར་བྱ། །གོ་
D831.098.0105a03.01རོ་ཙ་ནའི་གཞལ་ཡས་སུ། །སེན་ཟླུམ་ཙམ་གྱི་རྒྱ་ཁྱོན་ལ། །གསེར་གྱི་ཉི་མ་གའུ་དགུ། །ཤར་བའི་དཀྱིལ་ན་ཡིག་འབྲུ་དགུ། །གསལ་བས་འོད་ཀྱི་གཞལ་ཡས་ཁང་། །དངོས་པོའི་བག་ཆགས་ཀུན་བསྲེགས་ཏེ། །སེམས་ནི་གསེར་ཆུ་ཞུན་མ་བཞིན། །ལྟེམ་ལ་
D831.098.0105a04.01འཚེར་ཞིང་འོད་འབར་བ། །རྩལ་ལས་གྱུར་པའི་ཟླ་དཀྱིལ་འཁོར། །ཉི་མའི་སྟེང་ན་དཔལ་བེའུ་འབར། །དེ་ལ་རུ་ལུ་འཕྲོ་ཞིང་འདུ། །དཔལ་བེའུ་ཙིཏྟའི་དཀྱིལ་འཁོར་འདི། །ཡིག་འབྲུ་འབར་བའི་གའུར་གསལ། །པདྨ་འབར་བའི་གའུ་འདི། །ཡི་གེ་ཕྲེང་བ་འཁྱིལ་
D831.098.0105a05.01བའི་གནས། །དཔེར་ན་མེ་ཏོག་འབར་བ་ལས། །བཅུད་ལེན་བུང་བས་བཅུད་བླངས་ཏེ། །རྩི་ཡི་བུར་བུ་སོག་པ་ལྟར། །དཔལ་བེའུ་ཐུགས་ཀྱི་དཀྱིལ་འཁོར་ནས། །རིན་ཆེན་འོད་ཀྱི་མེ་ཏོག་འབར། །རུ་ལུའི་ཡིག་འབྲུ་བཅུད་ཀྱིས་རྒྱས། །རྣལ་འབྱོར་སེམས་ལས་བྱས་པ་
D831.098.0105a06.01ཡི། །བཅུད་འབྱིན་བུང་བ་མང་པོ་འཕྲོ། །ཕར་ལྡིང་ཡི་གེའི་བཅུད་ཕྱུང་ནས། །ཚུར་ལྡིང་སེམས་ཀྱི་གའུར་བསྟིམ། །དང་པོ་ཤེལ་གྱི་ཁ་དོག་ལ། །ཤིན་ཏུ་གསལ་ཞིང་འཚེར་འབར་བ། །གནས་དགུ་དག་ཏུ་ཟླ་བ་ཡི། །ཐིག་ལེ་དཀྱིལ་གྱི་དཔལ་བེའུ་ལ། །འབྲུ་བཀོད་གསལ་
D831.098.0105a07.01