完整藏文原文 · 德格版页 当前仅加载第 98 函德格 73b 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་ལམ་འདི་གསུངས་སོ། །འགྲོ་དྲུག་རྒྱལ་བའི་སྲས་པོ་འདི། །མ་རྟོགས་ལོག་པར་འཁྱམས་པ་རྣམས། །རྒྱལ་བའི་སྲས་སུ་བསྐྱེད་ནས་ནི། །འཁོར་བའི་རྒྱུན་རྣམས་གཅད་པར་བྱ། །ཉི་ཟླའི་ནང་དུ་བཞག་ནས་ནི། །བཅུ་དྲུག་ས་ལ་རྫོགས་པར་འགྱུར། །
D831.098.0073b01.01དེས་ན་རིགས་ལྡན་མཚན་བཟང་ལ། །དོན་དང་ལྡན་པའི་མཁས་པ་ཡིས། །སྦྱོར་བའི་ཡན་ལག་ཀུན་རྫོགས་ནས། །ཡུམ་གྱི་མཁའ་དབྱིངས་ཟླ་གམ་ལ། །གྲུབ་པའི་གཞལ་ཡས་ཁང་དུ་བསྐྱེད། །རྩིབས་བརྒྱད་ཟླ་གམ་དགུར་གསལ་ལ། །བྱང་ཆུབ་
D831.098.0073b02.01སེམས་ལས་ཕྱག་རྒྱའི་ཚོགས། །ལྷ་དགུ་གསལ་བའི་ཡེ་ཤེས་བསྐྱེད། །དེས་ནི་ཐམས་ཅད་རྫོགས་པར་འགྱུར། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་གསང་སྦྱོར་སྒྲུབ་པའི་ལེའུ་སྟེ་བཅུ་པའོ།། །།དེ་
D831.098.0073b03.01ནས་སེམས་དཔའི་རྡོ་རྗེ་སྙིང་པོ་དེ་མི་འགྱུར་བ་གཏན་འཕོ་བ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། །རྣལ་འབྱོར་རིག་འཛིན་གང་ཞིག་རྣམས། །མི་འཕོ་བར་ནི་གནས་འདོད་པ། །ལོ་གཅིག་གམ་ནི་ཟླ་གཅིག་གམ། །
D831.098.0073b04.01དེ་བཞིན་ཞག་གི་རྣམ་གྲངས་ཀྱང་། །{བཅྭ་,བཅོ་}ལྔའམ་ཡང་ན་བདུན་བར་དུ། །ཐོ་རངས་ཐུན་ཐའི་དང་པོའི་ཚེ། །རིག་འཛིན་རྣལ་འབྱོར་སྒྲུབ་པ་པོ། །ཤར་གྱི་ཕྱོགས་སུ་ཁ་བལྟས་ཏེ། །ཤར་ཕྱོགས་ནམ་མཁས་བསྡུས་པ་ཡི། །ལྷ་ཀླུ་གནོད་སྦྱིན་འཇིག་རྟེན་
D831.098.0073b05.01བཅས། །ཐམས་ཅད་ཁོང་དུ་བསྡུས་ནས་ཀྱང་། །དབུགས་དེ་སླར་ལ་མི་དབྱུང་བར། །རང་གི་ཁོང་དུ་བསྟིམ་པར་བྱ། །ཐ་མར་སྣ་ཡི་ནང་དུ་བསྲེ། །དེ་ལྟར་མང་པོར་བསྒྲུབས་པ་དང་། །དཔལ་ཆེ་གཟི་བརྗིད་ཐམས་ཅད་འཐོབ། །ཅེས་གསུངས་སོ། །དེ་ནས་ཡང་
D831.098.0073b06.01སེམས་དཔའི་རྡོ་རྗེ་སྙིང་པོ་དེས་རྟེན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། །གང་ཞིག་རྟེན་ལ་གནས་འདོད་པ། །མཚན་མ་བཟང་པོའི་གནས་མཆོག་ཏུ། །ཐམས་ཅད་འབྱོར་བར་བྱས་ནས་ནི། །ས་ལས་བྱས་པའི་
D831.098.0073b07.01