完整藏文原文 · 德格版页 当前仅加载第 98 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱད་པར་ཤིན་ཏུ་གཅེས། །ཚོགས་འདི་བློ་ཆུང་གསར་ཞུགས་པའི། །མདུན་དུ་བརྗོད་པར་བྱ་མི་རིགས། །རྫས་དང་ཡོ་བྱད་ཐམས་ཅད་ཀྱང་། །ཅིས་འདུལ་དེ་ལྟར་སྟོབས་ཀྱིས་སྦྱར། །དེས་ན་ལས་འདི་ཁྱད་པར་ཡང་། །ཚོགས་ལ་ཚོགས་བསྐྱེད་
D831.098.0050a01.01སྒྲིས་སྦྱངས་ཏེ། །བསྙེན་པ་དག་ལ་གོམས་བྱས་ནས། །བསྒྲུབས་པས་འབྲས་བུ་མཐར་ཕྱིན་པའོ། །ཞེས་བཀའ་སྩལ་ཏོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྣལ་འབྱོར་བདེ་བའི་ཚོགས་ཀྱི་ལེའུ་སྟེ་དྲུག་པའོ།། །།དེ་ནས་
D831.098.0050a02.01ཡང་སྨྲ་བའི་སེང་གེ་སེམས་དཔའི་རྡོ་རྗེ་དེ་འདས་པ་བརྗོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ཏིང་ངེ་འཛིན་དེ་ལས་བཞེངས་པར་གྱུར་པ་དང་། འདུས་པ་ཆེན་པོའི་ཚོགས་རྣམས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་སྔགས་ཟབ་མོ་
D831.098.0050a03.01སྤྱོད་པའི་སྐྱོན་དང་ཡོན་ཏན་ཅི་ལགས་པ་བདག་ཅག་གི་རིག་པ་ལ་སྣང་བར་གྱུར་ཏོ། །དེ་ནས་ཡང་བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་ཚོགས་གསང་སྔགས་ཆེན་པོའི་དོན་ནི་རབ་ཏུ་སྤྱད་པར་དཀའ་བར་ཤེས་པར་གྱིས་ཤིག །དེ་ཅིའི་ཕྱིར་ཞེ་
D831.098.0050a04.01ན། གསང་སྔགས་ཀྱི་ཚོགས་ནི་ཤིན་ཏུ་མེ་དང་འདྲ་སྟེ། མེ་ནི་རྒྱུན་དུ་བཅངས་ཤིང་སྤྱད་ལེགས་ན་ཇི་ལྟར་འདོད་པ་བཞིན་དུ་རྒྱུན་དུ་སྤྱད་དུ་ཡོད་དོ། །མེ་ཉིད་ཇི་ལྟ་བ་བཞིན་དུ་སྤྱད་ན་མེའི་ཕུང་པོ་ཆེན་པོར་འགྱུར་ཏེ། སྤྱོད་པར་བྱེད་པ་ཉིད་ཀྱང་བསྲེགས། །ཁྱིམ་ནས་ཁྱིམ་ཡང་
D831.098.0050a05.01བསྲེགས། རྫས་ཀྱི་དངོས་པོ་ཐམས་ཅད་ཀྱང་བསྲེགས་པར་འགྱུར་རོ། །དེ་བཞིན་དུ་གསང་སྔགས་འདི་ནི་ཆུ་དང་འདྲ་སྟེ། ཆུ་ཐབས་ཀྱིས་ཟིན་ཅིང་སྤྱད་ལེགས་ན་ཇི་ལྟར་འདོད་པ་བཞིན་དུ་དགའ་བ་དེར་སྤྱད་དུ་ཡོད་དེ། ཆུ་ལ་དགའ་བ་དེར་ཐར་ཆུ་ཆེན་པོ་ལ་འབོགས་
D831.098.0050a06.01པར་ནུས་སོ། །ཆུའི་རང་བཞིན་དང་ཐབས་ལ་མ་གོམས་པས་ནི་སྤྱོད་པར་བྱེད་པ་དེ་གཡེང་ཞིང་འཆི་བར་བྱེད་དོ། །གཞན་ཡང་གསང་སྔགས་ཆེན་པོ་འདི་ནི་གཅན་གཟན་གདུག་པ་ཅན་དང་འདྲ་སྟེ། གཅན་གཟན་གྱིས་སེམས་ཅན་གཞན་གྱི་སྲོག་གཅོད་
D831.098.0050a07.01