完整藏文原文 · 德格版页 当前仅加载第 98 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །ཡོད་མཐོང་སྒྲ་ཐོས་ཀུན་ལ་འབྱུང་། །ལུས་ཀྱི་དྲོད་དང་རྨི་ལམ་དང་། །སེམས་ཀྱི་རྟགས་སུ་གསལ་བ་དང་། །དབུགས་དག་ལ་ཡང་ངེས་པར་འབྱུང་། །ཤིང་བལ་ལྟ་བུར་ཡང་བ་དང་། །མི་བདེའི་གནོད་པ་བྲལ་བ་ཡིན། །རེག་ལ་
D831.098.0106a01.01ཏིང་འཛིན་གསལ་བ་དག །རྨི་ལམ་དུ་ཡང་མྱོས་པར་འགྱུར། །དང་ཞིང་དགའ་ལ་མགུ་བ་སྐྱེ། །གདུང་བའི་བྱང་ཆུབ་སེམས་སྐྱེས་ཤིང་། །ངོ་མཚར་སྐྱེས་པ་དེ་ཉིད་དོ། །འགྱུར་བའི་དབུགས་ལ་དབང་ཐོབ་སྟེ། །དགག་དང་དབྱུང་བ་ཇི་ལྟ་བའོ། །རྫས་ནི་འབར་
D831.098.0106a02.01དང་འཕར་བ་དང་། །དྲི་དང་འོད་འབྱུང་རོ་མཆོག་སྐྱེ། །མི་ཟད་མང་དུ་འཕེལ་བ་དང་། །མངར་འཇམ་དང་ཞིང་རོ་མཆོག་རྙེད། །ལྟོ་ལ་མི་གནོད་མགྲིན་ལ་མིན། །ཟོས་ན་བཞིན་འགྱུར་ལུས་རྟས་འགྱུར། །སིལ་སྙན་ཡིད་འོང་སྒྲ་སྙན་གཟུགས། །དྲི་ཞིམ་འབྱུང་
D831.098.0106a03.01བ་དེ་ལྟའོ། །རྡོ་རྗེ་པྲ་རྣམས་བཟང་བ་ན། །རྟགས་དང་མཚན་མ་ཕེབས་པ་སྟེ། །སྨྱུར་ཏེ་དངོས་གྲུབ་བླང་བར་བྱའོ། །བེད་དང་གའུའི་ཕྱག་རྒྱ་དང་། །རྡོ་རྗེ་བུམ་པའི་འཕྲོ་འདུ་ཡིས། །དངོས་གྲུབ་ཡུམ་གྱི་མཁའ་ལ་དབབ། །ཡབ་ཡུམ་སྦྱོར་བའི་ལྷག་སེམས་དག །
D831.098.0106a04.01མ་ཕེབས་པ་ཡི་བར་དུ་དག །ཤེས་རབ་གསལ་བའི་ལྷ་མོ་བཞིས། །ཧ་སྟ་མེ་ལོང་བྷན་དྷ་དང་། །ཞིང་ཆེན་ཕྲེང་བ་ལ་སོགས་དང་། །ཁ་དོག་ལྔ་ཡི་དར་གཡབ་ཀྱིས། །གཡབ་ཅིང་རིག་འཛིན་མང་པོ་འབོད། །རོལ་མོ་ཆ་བྱད་མང་པོ་དག །རྡོ་རྗེ་གར་དང་སྙན་པའི་
D831.098.0106a05.01གླུ། །སྲིད་པའི་མ་མོ་ཀུན་རྟེན་ཅིང་། །བྱིན་བརླབས་ཆེན་པོ་དབབ་པར་བྱ། །ཕེབས་མ་དག་ཏུ་དངོས་གྲུབ་བསྟིམ། །འདི་ནི་རྡོ་རྗེ་གླུ་འཁོར་ལོ། །ཡེ་ཤེས་རྒྱན་གྱི་ལས་ཡིན་ནོ། །ཞེས་སེམས་དཔའི་རྡོ་རྗེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་
D831.098.0106a06.01བཀོད་པ་ཀུན་འདུས་རིག་པའི་མདོ་ལས་རྡོ་རྗེ་གླུའི་ལེའུ་ཞེས་བྱ་སྟེ་སུམ་ཅུ་པའོ།། །།དེ་ནས་ཡང་སེམས་དཔའི་རྡོ་རྗེ་དེས་རྡོ་རྗེ་རྣལ་འབྱོར་འཇུག་པ་ཞེས་བྱ་བའི་ལེའུ་འདི་གསུངས་སོ། །འདུས་པ་ཆེན་པོའི་རྣལ་འབྱོར་བ། །གསང་བའི་དཀྱིལ་
D831.098.0106a07.01