完整藏文原文 · 德格版页 当前仅加载第 98 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་དབྱིངས་ལ་སྣང་། །ལས་ཀུན་རྫོགས་པའི་མཆོག་ཡིན་ཏེ། །གཞན་དུ་ཕྲིན་ལས་ལུས་པ་མེད། །སྡུག་བསྔལ་བྱང་ཆུབ་ཆེན་པོ་སྟེ། །འཁོར་བ་ཡེ་ནས་མྱ་ངན་འདས། །སྒྲིབ་པ་རྣམ་དག་ཆོས་ཀྱི་དབྱིངས། །ཉོན་མོངས་ཀུན་ཀྱང་བྱང་ཆུབ་དོན། །སྣང་བ་
D831.098.0043b01.01མེད་པའི་དོན་མཐོང་དང་། །ས་དང་ས་ཡི་རིམ་པར་ནི། །འདི་དང་འདི་ཞེས་གཟུང་དུ་མེད། །འདི་ནི་སྣང་མེད་ཐོབ་པའི་གནས། །སྐུ་དང་གསུང་ཐུགས་མི་གཡོ་བའི། །ཇི་བཞིན་ཉིད་ཀྱི་ངང་ལ་གནས། །ཇི་ལྟར་བསྒྱུར་ཡང་ཆོས་ཉིད་པས། །ཆད་པའི་
D831.098.0043b02.01གནས་ཞེས་བརྗོད་དང་བྲལ། །མེད་དང་ཕྱལ་བ་གཅིག་པོ་དང་། །ལྷུན་གྱིས་རྫོགས་པའི་དམ་ཚིག་ཆེ། །འདི་ཞེས་རིས་སུ་ཆད་མེད་པ། །འདི་ནི་བསྲུང་བའི་དམ་ཚིག་གོ། །སྤྱད་དང་སྤྱོད་པར་བྱ་མེད་པས། །སྲིད་དང་མུ་སྟེགས་འཇིག་རྟེན་པའི། །སྤྱོད་པར་
D831.098.0043b03.01སྣང་བ་ཐམས་ཅད་ཀུན། །ལྷུན་གྱིས་གྲུབ་པའི་མཛད་སྤྱོད་དོ། །མ་སྤངས་ལྷུན་གྲུབ་དབྱེར་མེད་པས། །དབྱིངས་ལས་གཞན་ན་ལྟ་ཡུལ་མེད། །འདི་ནི་ལྟ་བའི་དམ་ཚིག་གོ། །ས་ཆུ་མེ་རླུང་སྣོད་བཅུད་བཅས། །ཀུན་ཀྱང་རང་བཞིན་ཆོས་ཉིད་དོ། །ཆོས་ཉིད་དོན་
D831.098.0043b04.01ལ་གཞན་མེད་པ། །རང་འབྱུང་ཡེ་ཤེས་གསལ་བའོ། །ཡིད་བཞིན་ནོར་བུ་རིན་པོ་ཆེ། །མ་བཙལ་རང་ལ་ཡོད་པ་ཡིན། །འདོད་པ་འབྱུང་བའི་ལོངས་སྤྱོད་དེ། །བདེ་ཆེན་ལོངས་སྤྱོད་ཚོགས་ཡིན་ནོ། །ངན་སོང་མཐོ་རིས་ཐམས་ཅད་དང་། །འཕགས་ལམ་
D831.098.0043b05.01འཁོར་བའི་ཆོས་རྣམས་ཀུན། །རང་བཞིན་སོ་སོར་མི་དམིགས་ཏེ། །སངས་རྒྱས་ཀྱི་ནི་རང་བཞིན་ཡིན། །སྤྱོད་དང་གཟུགས་རིགས་ཐམས་ཅད་ཀུན། །ཕྱག་རྒྱ་ཆེན་པོའི་རང་བཞིན་ཏེ། །སྐུ་གསུང་ཐུགས་ཚིག་རྒྱ་ཆེར་སྟོན། །དོན་རིག་ཐུགས་ཀྱི་རང་བཞིན་
D831.098.0043b06.01ནོ། །མ་སྐྱེས་པ་དང་མ་བྱུང་བ། །མི་གནས་པ་ལ་ཆགས་པ་མེད། །དོན་གྱི་ཁྱད་པར་རྟོགས་ཆུད་ན། །ཀུན་དུ་བཟང་པོ་མཆོག་གི་སའོ། །མཚན་དང་དཔེ་བྱད་ཀུན་རྫོགས་ཏེ། །ཐམས་ཅད་སྐུ་གསུང་ཐུགས་ཀྱི་དོན། །བདག་ཉིད་ཆེན་པོར་ཐམས་ཅད་རྫོགས། །
D831.098.0043b07.01