完整藏文原文 · 德格版页 当前仅加载第 98 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
ལོངས་སྤྱོད་རྐྱེན་དང་བཅས། །ཡོན་ཏན་ཆ་ལས་སྨོན་བཅོལ་མཆོད། །མཉེས་ནས་སྐོངས་པའི་སྟོངས་སུ་འགྱུར། །ཁམས་གསུམ་སྙིང་རྗེའི་གནས་རྣམས་ལ། །ཡོ་བྱད་སྦྱིན་ཚོགས་ཆེན་པོ་ལས། །འདོད་པའི་བསམ་པ་རངས་བྱས་ན། །མགུ་བས་
D831.098.0058a01.01སྐོངས་པའི་སྟོངས་སུ་འགྱུར། །བགེགས་སུ་གྱུར་པའི་བགེགས་རིས་ཀྱང་། །མཉམ་པའི་དོན་གྱིས་སེམས་མི་དབྱུང་། །དམིགས་ཀྱིས་ཁ་ཟས་སྣ་ཚོགས་ལས། །བགེགས་རྣམས་མགུ་ན་ཐམས་ཅད་ཀྱང་། །མཉམ་པའི་དོན་གྱིས་སྐོངས་པའི་རྒྱུར། །ཅུང་ཟད་ཙམ་དུ་
D831.098.0058a02.01སྣང་བ་ཡིན། །དེ་ལྟར་སྐོངས་པའི་ལས་རྣམས་ཀྱིས། །བསྐང་བར་བྱ་བའི་དམིགས་རྣམས་ནི། །རྣམ་པ་ལྔར་ནི་སྣང་བ་སྟེ། །ཀུན་དུ་ཉམས་པ་ཆེན་པོ་དང་། །རྩ་བ་ཉམས་དང་ཡན་ལག་ཉམས། །དེ་བཞིན་ཟླས་ཉམས་ཞར་ཉམས་ལྔ། །བསྐང་བའི་ཐབས་ཀྱང་ལྔ་
D831.098.0058a03.01ཡོད་དེ། །སྤྱད་པའི་ལས་ཀྱིས་བསྐང་བ་དང་། །རྫས་དང་དོན་དང་ཏིང་འཛིན་དང་། །མན་ངག་གསང་བའི་ཐབས་ཆེན་ནོ། །དེ་དག་ལ་ཡང་ལྔ་ལྔ་སྟེ། །སྤྱོད་པའི་ཚུལ་གྱིས་བསྐང་བ་ལ། །རྣམ་པ་ལྔ་རུ་བཤད་པར་བྱ། །དང་པོ་འབུམ་ལྔ་ཁྲི་གསུམ་སྟེ། །རྩ་ཉམས་
D831.098.0058a04.01ཁྲི་ལྔ་སྟོང་གསུམ་མོ། །ཡན་ལག་ཉམས་པར་གྱུར་པ་ལ། །སྟོང་ལྔ་བརྒྱ་གསུམ་ཐོན་པར་བྱ། །བཟླས་ཉམས་བརྒྱ་ལྔ་བཅུ་གསུམ་མོ། །ཞར་གྱིས་ཉམས་པར་གྱུར་པ་ལ། །བཅུ་ལྔ་གཅིག་གསུམ་དག་གིས་སྐོངས། །རྫས་ཀྱིས་བསྐང་བའི་ཐབས་མཆོག་
D831.098.0058a05.01ནི། །གལ་ཏེ་བསྲུང་བ་འགའ་ཞིག་ལས། །བྱང་ཆུབ་ཐ་ཚིག་རལ་གྱུར་ན། །གཏི་མུག་རིགས་ཀྱི་ཐ་ཚིག་བསྐང་། །དམངས་རིགས་བླ་མ་སྤྱན་དྲངས་ལ། །ཉེས་འགལ་མི་བཅབ་སྟོང་དུ་བཤགས། །གསེར་ལ་སོགས་པའི་རྫས་ཆེན་གྱིས། །ཐ་ཚིག་གང་
D831.098.0058a06.01བརླག་ནོར་དེས་བླུ། །བྱང་ཆུབ་སེམས་བསྐྱེད་རྒྱུད་སྦྱང་མཉན། །རྡོ་རྗེ་ཐ་ཚིག་རལ་གྱུར་ན། །ཞེ་སྡང་རིགས་ཀྱི་ཐ་ཚིག་བསྐང་། །རྗེའུ་རིགས་བླ་མ་སྤྱན་དྲངས་ཏེ། །ཉེས་བྱས་མི་བཅབ་འབུམ་དུ་བཤགས། །ཤེལ་ལ་སོགས་པའི་རྫས་ཆེན་གྱིས། །ཐ་ཚིག་
D831.098.0058a07.01