完整藏文原文 · 德格版页 当前仅加载第 98 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
མ་བཞིན་དུ་ལེགས་སྦྱར་ནས། །མཎྜ་ལ་ཚད་དང་མཐུན་པ་ལ། །པདྨ་དམར་པོ་འོད་ཀྱི་མཁའ། །ཕྱི་རིམ་ཟླ་གམ་དམར་པོ་བཞི། །རྡོ་རྗེ་འབར་བས་མཛེས་པར་བསྐོར། །མེ་ལྕེ་འབར་བའི་ཕྲེང་བ་ནི། །ཟླ་གམ་མཐའ་ཟད་བྲི་བར་བྱ། །རིན་ཆེན་གེ་
D831.098.0097a01.01སར་ཕྲེང་བས་ནི། །པདྨའི་ལྕེ་ལ་བསྐོར་བར་བྱ། །སྒོ་བཞི་རིན་ཆེན་འབར་བས་བྱ། །ཕྱག་རྒྱ་འབར་བའི་ལྷ་བཀོད་ན། །དབུས་སུ་གསེར་ཕོར་སུལ་མེད་ལ། །དུང་ཆེན་འཁོར་བ་ཅན་གྱིས་སྦྱར། །ཤར་དུ་ཤེལ་ཕོར་སུལ་འགྲེང་ལ། །རིན་ཆེན་མཛོད་སྤུ་གསལ་བས་
D831.098.0097a02.01སྦྱར། །ལྷོ་རུ་རིན་ཆེན་སུལ་མང་ལ། །རིན་ཆེན་ལོ་འདབ་རྒྱས་པས་སྦྱར། །ནུབ་ཏུ་རྒྱ་ཕོར་ཟླ་གམ་ལ། །བཞིན་མཚམས་རིན་ཆེན་འབུར་གཉིས་སྦྱར། །བྱང་དུ་བསེ་ཕོར་རྒྱ་གྲམ་ལ། །གཙུག་ཏོར་རིན་ཆེན་འབུར་བཞི་རྒྱས། །རྩ་བ་ལྔ་ནི་ཕྱོགས་ཕྱོགས་སྦྱར། །
D831.098.0097a03.01སྒོ་ལྔའི་གཙོ་བོ་རིགས་སུ་སྦྱར། །དབུས་ནས་ཤར་ལྷོ་ནུབ་བྱང་དུ། །ཀ་ཀོ་ལ་དང་དུ་རུ་སྐ། །ཛ་ཏི་ཕ་ལ་ཁ་དྲི་ཞིམ། །ལྕེ་བོག་དཀར་ཞེས་རིམ་པར་སྦྱར། །དེ་བཞིན་གོང་གི་རིམ་པ་བཞིན། །ཨ་རུ་ར་དང་ག་པུར་དང་། །གུར་གུམ་པདྨ་ལི་ག་དུར། །དེ་ན་རཱ་ས་ཡཱ་ན་
D831.098.0097a04.01རྣམས། །ཐམས་ཅད་རིགས་དང་ཁ་དོག་དང་། །ལས་དང་མཐུན་པར་སྦྱར་བར་བྱ། །ས་བོན་ལྔ་ནི་རིམ་པར་སྦྱར། །དཔལ་དང་ལྡན་པའི་སྣོད་ནང་དུ། །ཡབ་ཡུམ་སྙིང་པོ་རིམ་བཞིན་བྱ། །དབུས་དང་པདྨ་ལྕེ་ལ་དགོད། །གནས་ཡུལ་ལ་སོགས་མཛེས་པར་
D831.098.0097a05.01གཞག །དུར་ཁྲོད་རྫས་དང་བཀྲ་ཤིས་རྫས། །འབྱོར་བའི་ཡོ་བྱད་ཐམས་ཅད་བཤམས། །དེ་ནས་བྱིན་ཕབ་དངོས་གྲུབ་གསོལ། །ཐམས་ཅད་རྣམ་པར་སྦྱར་བར་བྱ། །དམ་པ་དེ་ཉིད་གསང་ཆེན་གྱི། །རིགས་བརྒྱ་རིགས་ལྔ་རིགས་གཅིག་གིས། །ཐམས་ཅད་སྦྱང་
D831.098.0097a06.01བའི་མཆོག་ཏུ་བྱ། །དེ་ནས་ཁྲོལ་བུ་སྦྱང་བ་ན། །བསལ་བསྔོ་བསྡུ་དང་དབྱེ་བ་དང་། །ཁྲུས་བྱ་བ་དང་བཤགས་པ་དེང་། །ཡོན་ཏན་བརྗོད་དང་བྱིན་དབབ་བྱ། །དེ་ནས་སྐད་ཅིག་ཐང་ཅིག་གམ། །ཞག་གཅིག་དག་གིས་སྦྱར་བར་བྱ། །རྟགས་དག་བྱུང་ན་དེར་
D831.098.0097a07.01