完整藏文原文 · 德格版页 当前仅加载第 98 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་བཅོམ་ལྡན་འདས་ཀྱི་བཀའ་ལ་བཏགས་པའི་ཚེ། བཀའ་ལ་མ་དད་མ་གུས་པས་བཀའ་ལ་སྐུར་ཅིང་སྤྱས་ལོང་བཏགས་པ་དང་། སྟོན་པ་དང་གྲོགས་ལ་སྨད་ཅིང་སྤྱས་ལོང་བཏགས་པ་ལ་སོགས་པ་ལྟུང་བའི་རྒྱུ་མང་པོ་བགྱིས་པས། ང་ནི་བདག་ཀྱང་ཆད་པའི་སྐྱེས་
D831.098.0062b01.01གནས་སུ་མཆི་བར་ངེས་ན། །བཅོམ་ལྡན་འདས་ཀྱི་ཐུགས་རྗེ་ཆེན་པོས་བཟུང་སྟེ་བཀའི་འཁོར་དུ་བཀོད་པས་ང་ནི་ཐར་པ་ཐོབ་ལགས་གྲང་། འོན་ཀྱང་འགྱོད་པ་དྲག་པོའི་དབང་གིས་ཡིད་ཀྱི་སྒྲིབ་པ་ནི་བྱང་ཆུབ་སེམས་ཀྱིས་བཤགས། ངག་གི་སྒྲིབ་པ་ནི་ཚིག་ཏུ་འདོན་
D831.098.0062b02.01ཅིང་སྨྲེས་ཏེ་བཤགས། ལུས་ཀྱི་སྒྲིབ་པ་ནི་ལུས་གདན་ཁྲི་ལ་ཕུལ་ཏེ་བཤགས་ན། བཅོམ་ལྡན་འདས་ཀྱི་ཐུགས་རྗེས་གཟུང་འཚལ་ན་གཉེན་པོ་ནི་གང་ལགས། ཐབས་ནི་ཇི་ལྟར་བཤགས། ཡུལ་ནི་གང་ལ་བཤགས། རྒྱུ་ནི་གང་མཆིས་བཅོམ་ལྡན་འདས་
D831.098.0062b03.01ཀྱིས་བཤད་དུ་གསོལ། བདེ་བར་གཤེགས་པ་ཐུགས་རྗེས་བསྐྱབ་ཏུ་གསོལ། བཅོམ་ལྡན་འདས་ཀྱིས་བཀའ་སྩལ་པ། །རིག་འཛིན་ཆེན་པོ་མི་ཐོད་ཅན་རྣམས་ཉོན་ཅིག །ལྟུང་བར་གྱུར་པའི་གནས་རྣམས་ལ་འགྱོད་པར་གྱུར་ནས་ཞུས་པ་ལེགས་སོ། །ལྟུང་
D831.098.0062b04.01བའི་གཉེན་པོ་ནི་གང་ཞེ་ན། ཉེས་བྱས་རྣམས་བཤགས་པར་འདོད་ན་གང་འགྱོད་པ་དྲག་པོ་སྐྱེས་ནས་བ་སྤུ་ནི་གཟིངས་མཆི་མ་འབྱིན་པ་ཡིན་ནོ། །ཐབས་ནི་རྣམ་པ་བཞི་ཡོད་དེ། །གང་ཞེ་ན། ཤེས་རབ་ཆེན་པོའི་རྒྱུད་ཀྱིས་བག་ཆགས་ཐམས་ཅད་རང་བཞིན་
D831.098.0062b05.01མེད་པར་ཤེས་པ་དང་། །ཏིང་ངེ་འཛིན་ཆེན་པོའི་མེས་བག་ཆགས་ཐམས་ཅད་བསྲེགས་ཏེ་མེད་པར་བྱ་བ་དང་། བྱང་ཆུབ་སེམས་ཀྱི་འོད་ཟེར་གྱིས་བག་ཆགས་ཀྱི་མུན་ནག་ཐམས་ཅད་བསལ་ཏེ་དེ་དག་དག་པར་བྱ་བ་དང་། སྤྱོད་པ་རླབས་པོ་ཆེའི་ཆུས་བཀྲུ་བའོ། །
D831.098.0062b06.01དེ་ལ་བཤགས་པར་བྱ་བའི་ཡུལ་ནི་འདི་ལྟ་སྟེ། །སངས་རྒྱས་དང་། རིག་འཛིན་དང་། ལྷ་དང་། བླ་མ་དང་། གླེགས་བམ་དང་། གྲོགས་པོ་དང་། རྟེན་དུ་གྱུར་པ་རྣམས་སོ། །བཤགས་པར་བྱ་བའི་རྒྱུ་ནི་འདི་ལྟ་སྟེ། སྒྲིབ་པ་ཆེ་ཆུང་བཤགས་པའོ། །ཉོན་
D831.098.0062b07.01