完整藏文原文 · 德格版页 当前仅加载第 99 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་པར་རྣམ་པར་འགྱུར། །ཨེ་མ་རིག་པའི་རྒྱལ་པོ་ཁྱོད། །ཐུགས་རྗེ་ཆེན་པོ་ཉི་འོད་བཞིན། །ཐུགས་རྗེ་འབྱུང་བའི་དཀྱིལ་འཁོར་གཟུངས། །ཕྱོགས་རིས་མེད་པས་གོ་འབྱེད་པས། །ཡུལ་དུ་གྱུར་པ་ཀུན་རྒྱུད་དགོངས། །མི་དམིགས་ཆོ་འཕྲུལ་ནམ་
D839.099.0080a01.01མཁའ་ལས། །བཀོད་པ་རྒྱ་མཚོ་སྤྲིན་ཕུང་བཞིན། །ཐུགས་རྗེ་སྤྲུལ་པའི་ཆར་ཆེན་པོས། །སྣ་ཚོགས་ལས་བརྒྱད་དག་པར་མཛོད། །དེ་ནས་གཙོ་བོ་རྡོ་རྗེ་འཆང་། །ཏིང་ངེ་འཛིན་ལས་བཞེངས་མཛད་དེ། །རང་གི་མཚན་མོས་རབ་མཛེས་པས། །རྒྱལ་པོ་ཟིལ་
D839.099.0080a02.01གནོན་གཟི་བརྗིད་ཅན། །ཕྱག་གི་འཁོར་ལོ་རབ་བསྐོར་ཅིང་། །ཕྱོགས་རྣམས་ཀུན་དུ་གཟིགས་མཛད་དེ། །མི་དམིགས་ནམ་མཁའི་དབྱིངས་དག་ན། །རྡོ་རྗེ་སྤྲུལ་སྐུ་མངོན་ཕྱུང་ནས། །གཟི་ལྡན་པདྨོ་ཆེན་མོ་དང་། །རོལ་པའི་ཚུལ་དུ་བཞུགས་མཛད་དེ། །འཛུམ་
D839.099.0080a03.01མིག་ཆགས་པའི་བཞིན་དག་གིས། །འཁོར་རྣམས་སློང་བའི་སྔགས་བརྗོད་དོ། །ཨོྃ་ཨཱཿཧཱུྃ་མ་ཧཱ་བྷསྨི་ཤ་ཀུ་རུ་བི་ན་ཧྲྀ་ད་ཡ་ཨྃ་བྷ་བ་ཧི་ཨ་ལ་ལ་ཧོ། །གཉིས་སུ་མེད་པའི་བྱང་སེམས་ཀྱིས། །དཀྱིལ་འཁོར་སྦྱོར་ཞིང་བསྡུ་བར་མཛོད། །བསོད་ནམས་ཡེ་ཤེས་ཚོགས་
D839.099.0080a04.01རྫོགས་སྐུ། །རྡོ་རྗེ་གར་གྱི་རོལ་མཛད་ཅིང་། །དགའ་མཆོག་རྡོ་རྗེ་བྱང་ཆུབ་སེམས། །འཛུམ་ཞིང་འཁྱིལ་བའི་པདྨོའི་གནས། །དཀར་འཚེར་དག་པའི་རང་བཞིན་ཏེ། །དམར་པོ་དབང་དང་གཉིས་མེད་པར། །གསལ་ཁྱབ་ཀུན་དུ་སྤྲོས་པ་ལས། །དཀྱིལ་འཁོར་སྤྲུལ་པ་
D839.099.0080a05.01མཐའ་ཡས་འཐོན། །ཞི་འགོག་མྱ་ངན་འདས་པ་དང་། །བྱང་ཆུབ་མགོན་གནས་ལམ་ཞེས་དག །གཉིས་མེད་གཉིས་སུ་སྦྱོར་མཛད་ཅིང་། །རང་གི་དཀྱིལ་འཁོར་གནས་ལ་བཀོད། །ངོ་མཚར་སྤྲུལ་པ་རྣམ་པར་རོལ། །བརྗིད་དང་བཅས་པས་གར་མཛད་ཅིང་། །འཛུམ་པར་
D839.099.0080a06.01མཛད་དང་རོལ་པ་དང་། །ཀུན་དུ་འགྱིང་དང་སྤྱན་མཛེས་བལྟམ། །སྨིན་རིང་བསྐྱོད་ཅིང་བསྒྱུར་བ་དང་། །རྡོ་རྗེ་ཕུར་པས་གཡའ་བས་སློང་། །འདོར་ཞིང་སྐུམ་དང་འཇོག་ལྡེག་དང་། །རྣམ་པར་རོལ་པའི་གར་གྱིས་ཀྱང་། །རིགས་ཀྱི་ཕྲིན་ལས་སྣ་ཚོགས་སྤྲུལ། །ནམ་མཁའ་
D839.099.0080a07.01