完整藏文原文 · 德格版页 当前仅加载第 99 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པ་དང་། །རྗོད་བྱེད་གཉིས་ཀའི་བསྟན་གྱུར་ནས། །འབྱར་ཞིང་བསྐྱོད་པས་ལྗགས་ཉིད་དོ། །ཡིག་འབྲུའི་རྒྱུ་ཉིད་བདེར་གཤེགས་ཐུགས། །རྡོ་རྗེ་མྱུ་གུ་ཏིང་འཛིན་ཐུགས། །འོད་ཉིད་ཉོན་མོངས་རྣམ་དག་འཇོམས། །རིག་བྱེད་ཡེ་ཤེས་ཕྱག་རྒྱ་དང་། །
D839.099.0122a01.01ཡིག་འབྲུ་ས་བོན་ཕྱག་རྒྱ་དང་། །ཡོན་ཏན་རྫོགས་པའི་ཕྱག་རྒྱའོ། །སྲིད་པ་གསུམ་སྟེ་ལྟ་བ་དང་། །རྒྱུད་དང་ལས་ཀྱི་རིམ་པའོ། །དེ་ཕྱིར་ཡེ་ཤེས་རོལ་པའི་དབྱིངས། །སྙིང་པོ་ཕྱག་མཚན་ཕྱ་མོ་དག །བསྟན་པར་གྱུར་ནས་མཁའ་ཡི་དབྱིངས། །ཆོས་སྐུ་ཆུ་ཡི་ཟླ་
D839.099.0122a02.01བ་བཞིན། །སྣ་ཚོགས་སྣང་ལ་རང་བཞིན་མེད། །དུར་ཁྲོད་ཆེན་པོའི་གནས་ཀུན་དུ། །གར་གྱི་དབང་ཕྱུག་རྣམ་པར་རོལ། །ཤར་དུ་རོལ་པའི་ཕྱག་བཞི་མཚན་མ་ནི། །ཁྲོ་ཆེན་སྙིང་འབྱིན་ཁ་ཊྭཱཾ་འབར་བ་དང་། །རྡོ་རྗེ་ལྕགས་ཀྱུ་སྦྲུལ་གྱི་ཞགས་པས་རོལ། །དེ་བཞིན་
D839.099.0122a03.01ལྷོ་ལ་སོགས་པའི་ཕྱག་ཀྱང་བཞི། །ཐོད་པ་ཁྲག་བཀང་རྡོ་རྗེ་ལུ་གུ་རྒྱུད། །རྡོ་རྗེ་བེ་ཅོན་ཐོད་རློན་འཛིན་པར་རོལ། །མེ་ཡི་ཞགས་པ་དག་དང་ཁྱུང་གི་ཁྲ། །སྡིགས་འཛུབ་རྩེ་ལ་ཡེ་ཤེས་འབར། །རྡོ་རྗེ་ཁ་ཊྭཱཾ་ག་ནི་རབ་ཏུ་འཁྲོལ། །རྡོ་རྗེ་རྩེ་དགུ་རྩེ་ལྔ་གདེངས་པ་དང་། །
D839.099.0122a04.01རྩེ་གསུམ་རྩེ་གཅིག་འབར་བ་གསོར་ཞིང་བརྡེག །ཡེ་ནས་མ་སྐྱེས་དང་བའི་ཆོ་འཕྲུལ་སྟོན། །ཡེ་ཤེས་ལྔ་ཡི་ཡོན་ཏན་ཁྱད་པར་ནི། །རིན་ཆེན་དྲ་བ་སངས་རྒྱས་སྟོང་གིས་བརྒྱན། །ཀླུ་རྒྱལ་ནག་པོ་འདྲ་བའི་ཐབས་ཤེས་ཀྱིས། །རྩེ་བ་རྣམ་ཐར་སྒོ་གསུམ་སྐུ་
D839.099.0122a05.01གསུང་ཐུགས། །སྤྲུལ་པའི་དོན་མཛད་དཀྱིལ་འཁོར་སྣ་ཚོགས་སྟོན། །གསང་བའི་ཡུམ་བཞིས་སྐུ་ལ་འཁྲིལ་བྱེད་ཅིང་། །བྱང་ཆུབ་སེམས་བཞི་དེ་ཉིད་སྟོན་པར་བྱེད། །རྡོ་རྗེ་དྲ་བས་རིན་ཆེན་གློག་འགྱུ་བ། །ཁྱུང་གཤོག་ཨ་མོ་ཐེབ་གཤོག་སྡེར་མོ་ཅན། །
D839.099.0122a06.01སངས་རྒྱས་སྟོང་རྩ་གཉིས་ཀྱི་ཐུགས་རྗེ་ཤར། །ཐབས་ཀྱི་རྣམ་པར་འཕྲུལ་པས་གཡས་ནས་བརྐྱང་། །སྲིད་གསུམ་མ་རིག་མུན་པ་སེལ་བྱེད་པའི། །ཤེས་རབ་ཟླ་སྟོང་རྩ་གཉིས་གཡོན་ནས་ཁྱབ། །ཐབས་དང་ཤེས་རབ་འབྲེལ་པའི་བྱིན་བརླབས་ཆེ། །སྤྲུལ་
D839.099.0122a07.01