完整藏文原文 · 德格版页 当前仅加载第 99 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
བདུག་སྤོས་མེ་ཏོག་འཐོར་བ་དང་། །མར་མེ་དྲི་ཆབ་ལྷ་མོ་རྣམས། །སེར་དཀར་དམར་ལྗང་{གོ་རིམས་,གོ་རིམ་}བཞིན། །མཚན་དང་མཐུན་པའི་རྫས་ཀྱིས་མཛེས། །ཨོྃ་མེ་ར་ནི། ཛ་དྷཱུ་པ་པྲ་བེ་ཤ །ཐི་ལིང་སྭ་ར་མ་པ་ཡ། ཧཱུྃ་པུག་པ་ཨཱ་བེ་ཤ་ཧཱུྃ་སྭ་ར་ཙ་ཡ། བྃ་དཱི་པ་བུ་
D839.099.0109a01.01གི་ནི། མུྃ་ཤི་ར་ཙ་ཡ། ཧོ་གན་དྷེ་ཙི་ཏ་ཡ་ཧཱུྃ་ཕཊ། །ཤར་སྒོར་གཤིན་རྗེ་གཤེད་པོ་ཆེ། །མཐིང་ནག་བེ་ཅོན་རྩེ་གསུམ་ཕྲེང་། །ལྷོ་སྒོར་སྟོབས་ཆེན་སེར་སྐྱའི་མདངས། །རྡོ་རྗེ་ཞགས་པ་རིན་ཆེན་ཕྲེང་། །ནུབ་སྒོར་རྟ་མཆོག་འཇིགས་བྱེད་རྒྱལ། །ཐོད་སྦྲུལ་དྲིལ་བུ་ལུ་གུ་
D839.099.0109a02.01རྒྱུད། །བྱང་སྒོར་རྡོ་རྗེ་འཁྱིལ་པ་སྟེ། །ལྗང་སྐྱ་རྡོ་རྗེ་རྩེ་གསུམ་མཐུ། །ཁྲོ་བོ་ཆ་ལུགས་རྔམ་བརྗིད་དང་། །དུར་ཁྲོད་རིམ་པའི་ཆས་ཀྱིས་བརྒྱན། །ལྕགས་ཀྱུ་ཞགས་པ་ལྕགས་སྒྲོག་དྲིལ། །སྤྱན་དམར་འཇིགས་བྱེད་འོད་དཔུང་དང་། །རྡོ་རྗེ་མཆེ་སོགས་ཁྲོ་གཉེར་
D839.099.0109a03.01ཅན། །ཡབ་ཡུམ་འཁྱིལ་པ་བརྐྱང་བསྐུམ་སྐུ། །ཧཱུྃ་ཕཊ་རུ་ལུའི་གསུང་འདོན་ཅིང་། །ལས་ཀྱི་འཁོར་ལོ་གནོན་པའི་ཚུལ། །ཨོྃ་རུ་ལུ་པདྨཱན་ཏ་ཀྲྀད་ཧཱུྃ་ཕཊ། །ཛ་བཛྲ་ཀྲོ་དྷཱི་ཤྭ་རི་ཧཱུྃ་པྲ་ཛྙཱནྟ་ཀྲྀད་ཕཊ། །ཧཱུྃ་རཏྣ་ཀྲོ་དྷི་ཤྭ་རི། །ཧཱུྃ་པདྨཱ་ན་ཏ་ཀྲྀད་ཕཊ། བཾ་པདྨ་ཀྲོ་དྷི་ཤྭ་
D839.099.0109a04.01རི་ཧཱུྃ་བི་ག་ནཱན་ཏ་ཀྲྀད། ཧོ་ཀརྨ་ཀྲོ་དྷི་ཤྭ་རི་ཧཱུྃ་ཕཊ་སྭཱ་ཧཱ། །ཕྱི་ནང་མེད་པར་དཀྱིལ་འཁོར་ཆེན་པོ་སྟེ། །ཐུགས་རྗེ་ཡེ་ཤེས་ཆེ་ལས་སྤྲུལ། །ཕྱག་རྒྱ་བཞི་ཡི་རྒྱས་བཏབ་ཅིང་། །དབུ་ལ་རིགས་ཀྱི་བདག་པོས་བརྒྱན། །འོད་དཔུང་སྤྲུལ་པའི་ལྷ་འཁོར་གྱིས། །འཇིག་རྟེན་
D839.099.0109a05.01གསུམ་པོ་སྣང་བྱེད་ཅིང་། །ཚངས་པ་ལ་སོགས་ལྷ་ཆེན་བརྒྱད་རྣམས་འགུགས། །རྡོ་རྗེ་བརྗིད་གནོན་སྔགས་ཀྱི་མཐུས། །དེ་དག་དྲན་པ་མེད་པར་འགྱུར། །མཚོན་ཆའི་ཚོགས་ཀྱིས་སྒྲོལ་བྱས་ཏེ། །དུག་གསུམ་ཕུང་པོ་གསོལ་བར་མཛད། །ཕྲིན་ལས་ཁྲོ་བོ་
D839.099.0109a06.01བརྗིད་གླུ་ཡིས། །ལྷ་ཆེན་འཁོར་རྣམས་དབང་དུ་སྡུད། །དཀྱིལ་འཁོར་ཆེན་པོར་གཞག་བྱས་ནས། །སྔ་མའི་ཤ་རུས་གནས་ནས་སྟོན། །རྡོ་རྗེ་བདུད་རྩིའི་ཏིང་འཛིན་གྱིས། །ལྷ་ཆེན་རྣམས་ཀྱིས་སླར་ལུས་གསོལ། །འཁོར་བཅས་པ་ཡི་དབང་བསྐུར་ཞིང་། །
D839.099.0109a07.01