完整藏文原文 · 德格版页 当前仅加载第 99 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
ནེའུ་གསིང་ཆུ་འགྲམ་མེ་ཏོག་བཅས། །དཔལ་རྫོགས་ཡོན་ཏན་འབྱུང་བའི་གནས། །དེ་ནི་རབ་གུས་བརྟག་པར་བྱ། །ནམ་མཁའ་འཁོར་ལོ་དྲ་བ་དང་། །ས་གཞི་པདྨ་དྲ་བ་དང་། །བཀྲ་ཤིས་ཕུན་སུམ་སྣ་ཚོགས་གཞི། །བར་ཆད་མེད་པའི་མཚན་ཉིད་ཡིན། །
D839.099.0092b01.01ས་གཞི་ཞོམ་རྡིབ་མེད་པ་ཡི། །དབུས་སུ་མཐོ་བ་ཕྱག་རྒྱ་ཆེ། །ཤར་དང་བྱང་དུ་གཞོལ་བ་ནི། །ཕྲིན་ལས་རྣམ་བཞིའི་དངོས་གྲུབ་འགྱུར། །ལྷོ་དང་ནུབ་ཏུ་གཞོལ་བས་ནི། །འཇིག་རྟེན་པ་ཡི་དངོས་གྲུབ་འགྱུར། །ནུབ་དང་བྱང་དུ་གཞོལ་བ་ནི། །ཏིང་འཛིན་
D839.099.0092b02.01ཕྲོ་མོའི་ལས་གཞན་འགྱུར། །གང་ཞིག་ཤར་ཕྱོགས་མཐོ་བ་དང་། །དབུས་སུ་དམའ་བ་སྤང་བར་བྱ། །ས་དེ་པུས་མོ་ནུབ་ཙམ་དུ། །བརྐོས་ཏེ་སླར་ཡང་དགང་བར་བྱ། །མང་འཕེལ་གྱུར་ན་དངོས་གྲུབ་མཆོག །གང་བར་གྱུར་པ་ཤིས་པ་ཡིན། །དམའ་
D839.099.0092b03.01ཞིང་མ་ལེགས་གྱུར་པ་ཡིན། །སོལ་དུམ་རུས་སོགས་བྱུང་ན་ཡང་། །ཡང་ན་ཆུ་ཡིས་དགང་བྱས་ཏེ། །སློབ་དཔོན་རྡོ་རྗེ་དྲིལ་འཛིན་པས། །མཉམ་བཞག་ལྷ་ཡི་སྔགས་བརྗོད་ཅིང་། །ཤར་དུ་མི་དྲག་གོམ་པ་བརྒྱད། །སོང་སྟེ་སླར་ལྡོག་བལྟ་བར་
D839.099.0092b04.01བྱ། །འགྲིབ་པ་མེད་ན་དངོས་གྲུབ་འགྱུར། །སྣང་དང་མི་སྣང་ས་ཡི་བདག །མགུ་བྱས་རིན་གྱིས་ཉོ་བ་དང་། །བླངས་ཏེ་བར་ཆད་མེད་པའི་ཕྱིར། །བགེགས་གཞན་ཕྲ་མོ་བསྐྲད་པར་བྱ། །བར་ཆད་མེད་པའི་ས་དབུས་སུ། །རིགས་ཀྱི་བདག་པོ་འབྱོར་ལྡན་པས། །ཆོས་གོས་
D839.099.0092b05.01ལ་སོགས་རྒྱན་ཐོགས་ཤིང་། །པདྨའི་དཀྱིལ་འཁོར་ལེགས་བཞུགས་ཏེ། །འཁོར་ལོས་སྒྱུར་རྒྱལ་ཆ་ལུགས་ཀྱིས། །མཆོད་སོགས་སྦྱང་ཞིང་བྱིན་བརླབས་ཏེ། །རྡོ་རྗེ་བསྲུང་བའི་ཕྱག་རྒྱ་ཡིས། །ཕྱོགས་བཅུའི་དཀྱིལ་འཁོར་རིག་པར་བཅས། །ས་ཡི་ལྷ་མོ་སྲུང་
D839.099.0092b06.01མ་རྣམས། །སྤྱན་དྲངས་མཆོད་པས་མཉེས་པར་བྱ། །ཁྱད་པར་ས་ཡི་བདག་པོ་དང་། །འགྲོ་དྲུག་བགེགས་རྣམས་མ་ལུས་ཀུན། །དགུག་ཅིང་བུ་ལོན་མཆོད་སྦྱིན་གཏང་། །དྲི་ཞིམ་ཆུ་ཡིས་ཀུན་གཏོར་ཞིང་། །སྔགས་དང་ཕྱག་རྒྱས་སྦྱང་བར་བྱ། །གང་ཞིག་དངོས་
D839.099.0092b07.01