完整藏文原文 · 德格版页 当前仅加载第 99 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་གསལ་བྱས་ནས། །ཡེ་ཤེས་ལྷ་དང་གཉིས་མེད་པའི། །ཐབས་དང་ཤེས་རབ་འབྲེལ་བྱས་པས། །དཀྱིལ་འཁོར་ས་ལ་ཐིག་གདབ་བྱ། །ཤེས་རབ་སྤྱན་མཛེས་བཅུ་དྲུག་ལོན་པའམ། །ཇི་བཞིན་བྱིན་གྱིས་བརླབས་ནས་ཀྱང་། །དཀྱིལ་འཁོར་བསྒྲུབ་པ་གནས་བྱའོ། །
D839.099.0096b01.01གཙང་མའི་རྒྱུ་ལས་བྱུང་བའི་རས། །ཁ་དོག་ཉི་ཤུ་རྩ་ལྔའམ། །ལྔ་ལས་བྱུང་བའི་སྐུད་པ་དག །བྱིན་གྱིས་བརླབ་ཅིང་བསྒྲིལ་བར་བྱ། །སྟོང་བ་ཉིད་ཀྱིས་སྦྱང་བྱས་ནས། །རིགས་ཀྱི་ལྷ་རུ་གནས་པ་དང་། །མཆོད་བསྟོད་སྔགས་བཅས་བསྒྲིལ་བར་བྱ། །ཨྃ་བཛྲ་ས་མ་
D839.099.0096b02.01ཡ་མུ་ཏྲ་མ་ཏི་ཀྲ་མ་ཧཱུྃ། ཨོྃ་ཨཱཿཧཱུྃ། ཛ་གདགས་པ་ཡི་སྔགས་བརྗོད་ཅིང་། །རྡོ་རྗེ་སློབ་དཔོན་ཐུགས་ཀ་ནས། །སློབ་མས་སྨིན་མཚམས་དྲང་པོར་ཐེན། །དེ་ལ་གནས་ཀྱི་ནུབ་དང་ཤར། །འོད་འཕྲོས་བྱང་སེམས་ཐུགས་རྗེ་ཆེ། །ནམ་མཁའི་དཀྱིལ་འཁོར་མངོན་
D839.099.0096b03.01པར་ལྟ། །རྡོ་རྗེ་ལྟེ་བས་ཕྱོགས་དང་མཚམས། །དཀྱིལ་འཁོར་ཆེན་པོ་རྫོགས་པར་བསྟན། །སྟོབས་མཆོག་དཔའ་བོ་དགོངས་སུ་གསོལ། །རྡོ་རྗེ་ཐིག་སྐུད་སྒྲར་ལྡན་པས། །ནམ་མཁའི་དཀྱིལ་འཁོར་ལེགས་གྲུབ་ཅིང་། །འགྲོ་བའི་དོན་ལ་བསྐུལ་བར་མཛོད། །
D839.099.0096b04.01ཨོྃ་ཨ་ནུ་ན་ཨ་ནུ་ག་ཏོ་སརྦ་དྷརྨ་པ་ར་པ་ར་ཨ་ནུ་ག་ཏ་སརྦ་ཨ་ནན་ཏ། ཨ་བ་ཏ་ར་སརྦ་དྷརྨ་ཧཱུཾ། ལྷ་རྣམས་མདུན་དུ་བཞུགས་འགྱུར་ནས། །མཆོད་བསྟོད་དབང་པོའི་ཚུལ་དུ་དགོངས། །རྡོ་རྗེ་ཁུ་ཚུར་སར་བཞག་ཅིང་། །ཤར་ནས་ནུབ་ཏུ་བརྐྱང་བ་ཡི། །
D839.099.0096b05.01ཚངས་ཐིག་དང་པོ་གདབ་བྱས་ནས། །དེ་བཞིན་སྒོ་ནས་ཚད་ཀྱིས་ནི། །ཟུར་བཞི་ཤིན་ཏུ་ལེགས་པར་གཞལ། །རྡོ་རྗེ་ལྷོ་བྱང་གཉིས་པ་དང་། །མཚམས་ཀྱི་ཐིག་རྣམས་གདབ་པར་བྱ། །ལོགས་ཐིག་གྲུ་བཞི་མཉམ་འགྱུར་ནས། །བརྒྱད་དང་བཅུ་དྲུག་
D839.099.0096b06.01དག་ཏུ་བགོ། །བར་ཁྱམས་ཕྱི་ཁྱམས་མ་གཏོགས་པའི། །གཞན་དག་ཆ་ཕྲན་བཞི་བཞིར་བགོ། །ཐིག་གི་ཆོ་ག་རྫོགས་པ་དང་། །ཡེ་ཤེས་སྐུད་པས་མཆོད་བསྟོད་ཅིང་། །རྡོ་རྗེ་ཁུ་ཚུར་སྔགས་བཅས་ཀྱིས། །རང་གི་གནས་སུ་གཤེགས་གསོལ་བྱ། །ཨོྃ་བཛྲ་
D839.099.0096b07.01