完整藏文原文 · 德格版页 当前仅加载第 99 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
མ་སྐྱེས་པ་ཡི་ཆོས་ཉིད་ལུང་། །འོད་ཟེར་གསལ་བས་འཚེར་བས་ན། །ཡང་གབ་སྦས་པ་ཡེ་ཤེས་ལུང་། །འཕྲོ་འདུ་ཁྱབ་པར་གྱུར་པའི་ཚོགས། །ཤེས་རབ་རིགས་ཀྱི་གསང་བའི་ཡུམ། །ཐབས་དང་ཤེས་རབ་དགྱེས་པའི་ཏིང་འཛིན་གྱིས། །
D839.099.0119a01.01ཚོགས་ཆེན་ཡོངས་རྫོགས་དཀྱིལ་འཁོར་ཆེན་པོ་ནི། །བདག་པོ་ཁྲོ་བོ་ཆེན་པོའི་སྐུ་ཉིད་དུ། །གསང་སྔགས་འདི་ཡིས་ཡོངས་རྫོགས་བྱ། །ཨོྃ་པདྨ་ཤྲཱི་ཧེ་རུ་ཀ་པདྨ་ཀྲོ་དྷཱི་ཤྭ་རི་ཧཱུྃ། མ་ཧཱ་ཙ་ཎ་ཌ་སརྦྦ་དུཥྚ་ན་ཕཊ། །དཀྱིལ་འཁོར་བདག་པོ་རྔམ་བརྗིད་ཆ་ལུགས་དང་། །འབར་
D839.099.0119a02.01བའི་མེ་འོད་དམར་གསལ་འཕྲོ་བའི་མདངས། །དབུ་ལྔ་ཕྱོགས་བཞིར་ལས་བཞིའི་ཚུལ་དུ་བཞུགས། །དབུ་མ་མཉམ་ཉིད་བདེ་བ་དབྱིངས་སུ་གཟིགས། །རལ་པའི་སྲིད་རྩེ་མེ་འོད་བཞིན་དུ་འབར། །སྨིན་མ་ཁྲོ་གཉེར་སྨ་ར་སོགས་མྱུར་བ། །ལུས་ཐུང་སྐུ་རྒྱན་གྱད་ཀྱི་ཆ་
D839.099.0119a03.01བྱད་ལ། །{བཅྭ་,བཅོ་}ལྔའི་སྤྱན་གྱིས་རང་གི་ཡུལ་རྣམས་གཟིགས། །རྡོ་རྗེ་རིན་ཆེན་ཁྱུང་གི་གཤོག་པས་གཏམས། །བཅུ་དྲུག་རོལ་པའི་སྤྱན་དང་ཕྱག་མཚན་དང་། །སྒེག་པོའི་ཞབས་བརྒྱད་ཆས་དང་འཆས་པར་གནས། །འཇིག་རྟེན་གསུམ་པོ་ཟིལ་གྱིས་གནོན་པའི་ཕྱིར། །
D839.099.0119a04.01ཁྲོ་བོའི་ཚོགས་བཅས་འགྱིང་བག་ཡུམ་བཅས་གནོན། །འོད་ཟེར་སྣ་ཚོགས་འཕྲོ་བའི་རྩེ་མོ་ལ། །བདེར་གཤེགས་རིགས་ལྔའི་སྣང་བ་སྣ་ཚོགས་སྟོན། །རང་གི་ཞིང་སྦྱོང་དྲག་པོའི་གནས་འདུལ་ཞིང་། །ཐམས་ཅད་རིགས་ཀྱི་དཀྱིལ་འཁོར་ཆེ་ལ་དགོད། །ཕྱོགས་བཅུའི་
D839.099.0119a05.01རྒྱལ་བའི་དཀྱིལ་འཁོར་མ་ལུས་ཀྱིས། །ཡབ་ཡུམ་གཉིས་ཀྱི་དགའ་བ་བསྐྱེད་པར་མཛད། །གནས་སུ་ཉི་ཟླ་པད་དཀྱིལ་ཟླ་བ་ལ། །སྐུ་གསུང་ཐུགས་ཀྱི་ས་བོན་ཡོངས་རྫོགས་གསལ། །ཨོྃ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་བ་ཨཱཏ་མ་ཀོ྅ཧྃ། ཨོྃ་སརྦ་ཏ་ཐཱ་ག་ཏ་བཱ་ཀ་
D839.099.0119a06.01བཛྲ་སྭ་བྷཱ་བ་ཨཱཏ་མ་ཀོ྅ཧྃ། ཨོྃ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་བ་ཨཱཏྨ་ཀོ྅ཧྃ། འཁོར་ལོ་འབར་བའི་རྩེ་མོ་དྲུག་རྣམས་ལ། །མཁའ་འགྲོའི་རྒྱལ་མོ་ཁམ་རྒྱ་ཆེན་མོ་དྲུག །ཞག་གཅིག་ཕྱག་གཉིས་འཇིགས་པའི་ཆ་ལུགས་ཅན། །རིགས་དྲུག་མཚན་མ་ཆ་ལུགས་
D839.099.0119a07.01