完整藏文原文 · 德格版页 当前仅加载第 99 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
ག་ཛཿ། དཀྱིལ་འཁོར་བདག་པོའི་ང་རྒྱལ་གྱིས། །མིག་གཉིས་མ་དང་ཏ་ལས་བྱུང་བར་བསམ། །དཀྱིལ་འཁོར་གནས་རྣམས་ཀུན་བལྟས་ཏེ། །སྔགས་དང་ཕྱག་རྒྱ་བཅས་པ་ཡིས། །སྒོ་དག་བཞི་པོ་དབྱེ་བྱས་ནས། །ཆ་ཕྲན་དག་ཀྱང་བློ་ཡིས་བརྟག །རྡོ་རྗེ་
D839.099.0097a01.01སློང་བའི་ཕྱག་རྒྱ་ཡིས། །རི་མོའི་མཁར་ནི་བཏེག་བྱས་ཏེ། །འབྱུང་འཇུག་གསང་བའི་ཆོ་ག་དག །རྣལ་འབྱོར་བརྟན་པ་ཡིད་ཀྱིས་བྱས། །ཨོྃ་བེ་གཱ་ཀྲ་མ་ཧཱུྃ། པདྨ་རང་བཞིན་རྣམ་དག་པས། །དཀྱིལ་འཁོར་འབྱུང་བའི་གནས་ཆེན་པོ། །ཐུགས་རྗེ་ཡེ་ཤེས་རྣམ་འཕྲུལ་
D839.099.0097a02.01ཚོགས། །ཁྱབ་མཛད་བྱིན་བརླབས་སྟོན་པའི་གཙོ། །རྒྱལ་བ་རྣམས་ཀྱི་སྐུ་གསུང་ཐུགས། །ཡོན་ཏན་ཕྲིན་ལས་རྨད་དུ་འབྱུང་། །མ་ལུས་སེམས་ཅན་དོན་གྱི་ཕྱིར། །ཕོ་བྲང་དག་པར་བྱིན་གྱིས་བརླབས། །ཕྱོགས་མཚམས་མ་ལུས་རྣམ་དག་པས། །བྱང་ཆུབ་ཡེ་ཤེས་
D839.099.0097a03.01གནས་གསལ་འགྱུར། །ཉོན་མོངས་ཉེས་ཚོགས་ཀུན་བཅོམ་པའི། །ཐུགས་རྗེ་ཆེན་པོ་དྲི་མེད་ཤུགས། །ཡེ་ཤེས་བྱིན་བརླབས་ལས་བྱུང་བའི། །དཀྱིལ་འཁོར་གསང་བ་གྲུབ་པར་མཛོད། །རིན་ཆེན་རྣམ་ལྔའི་ཕྱེ་མ་དང་། །ས་ཚོན་ལ་སོགས་གང་འབྱོར་པ། །
D839.099.0097a04.01རིན་པོ་ཆེ་ཡི་སྣོད་བླུགས་ཏེ། །དཀྱིལ་འཁོར་གནས་ཀྱི་ཕྱོགས་ལྔར་བཞག །སྦྱང་ཞིང་བྱིན་གྱིས་བརླབས་བྱས་ན། །རིགས་ལྔའི་སྐུད་ཚོགས་ཡུམ་བཅས་ལ། །རིགས་ཀྱི་དཀྱིལ་འཁོར་དབུས་སོགས་དང་། །མཆོད་བསྟོད་སྔགས་ཀྱིས་མཉེས་པར་བྱ། །ཨོྃ་བཛྲ་
D839.099.0097a05.01ཙི་ཏ་མ་ཏི་ས་མ་ཡ་ཧཱུྃ། དཀར་མཐིང་སེར་པོ་ལྗང་གུ་དང་། །དམར་པོའི་ཚོན་རྣམས་རིམ་བཞིན་དུ། །དབང་ལྡན་མཚམས་ནས་བརྩམ་བྱས་ཏེ། །པཉྩ་རཱ་ག་དྲང་བར་བྱ། །གཡས་པས་པདྨ་རྡོ་རྗེ་བཟུང་། །གཡོན་པས་འདྲེན་པའི་ལས་བྱའོ། །དེ་ལ་མཆོད་འབུལ་
D839.099.0097a06.01སྔགས་བརྗོད་ཅིང་། །བདེན་པ་བདར་ཏེ་དགབ་པར་བྱ། །འདི་ནི་ཆོས་དབྱིངས་རྣམ་པར་དག །སེམས་ཅན་ཁམས་ནི་རང་སྒྲོལ་བྱེད། །དཔལ་ལྡན་པདྨ་གར་དབང་ནི། །དེ་བཞིན་གཤེགས་པ་ཀུན་གྱི་གནས། །ཡང་དག་བདེན་པའི་བྱིན་བརླབས་ཀྱིས། །དཀྱིལ་
D839.099.0097a07.01