完整藏文原文 · 德格版页 当前仅加载第 99 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
ཐེག་པ་ཆེན་པོའི་ལམ་དག་པས། །ངན་པའི་ཚོགས་སྤངས་གཞན་དུ་གནས། །དེ་ནི་བློ་གྲོས་བཟང་པོ་ཡོན་ཏན་ལྡན། །ཐེག་ཆེན་གསང་བ་འཛིན་པའི་སྣོད། །ས་མཆོག་ཤིན་ཏུ་དབེན་པའི་གནས། །རི་བོ་ནགས་ཚལ་འབྲས་བུ་དང་། །མེ་ཏོག་ཆུ་རྒྱུན་ཕུན་
D839.099.0092a01.01སུམ་ཚོགས། །གནོད་བྱེད་སྐྱེ་བོ་ཚོགས་བྲལ་བ། །རྣལ་འབྱོར་གྲོགས་བཅས་དགའ་འགྱུར་བའི། །བདག་དབང་བར་ཆད་མེད་པའི་མཆོག །བསྙེན་པ་ཇི་བཞིན་རྫོགས་པ་ཡིས། །དཀྱིལ་འཁོར་བྲི་སོགས་ལས་རྣམས་བྱ། །ཕུན་སུམ་ཚོགས་པ་བདུན་ལྡན་པས། །བདག་
D839.099.0092a02.01གནས་ས་གཞིའི་གྲོགས་བཅས་དང་། །མཆོད་རྫས་ཡོ་བྱད་མ་ལུས་པ། །བསྲུང་ཞིང་བྱིན་གྱིས་བརླབ་པར་བྱ། །རྡོ་རྗེ་ས་གཞི་ར་བ་དང་། །གུར་དང་བླ་རེ་བཅས་པ་ཡིས། །ཁྲོ་བོ་མེ་འོད་མཚོན་ཆའི་ཚོགས། །བསྲུང་ཞིང་འཁོར་ལོ་རིམ་བཞིན་བསྒོམ། །སེམས་
D839.099.0092a03.01ཅན་ཐམས་ཅད་བསྒྲལ་བའི་བློས། །བསོད་ནམས་ཚོགས་ཀྱིས་དག་པར་བྱ། །ཕྱག་འཚལ་མཆོད་པ་དབུལ་བ་དང་། །སྡིག་བཤགས་བསོད་ནམས་རྗེས་ཡི་རང་། །སངས་རྒྱས་མྱ་ངན་མི་འདའ་ཞིང་། །ཆོས་ཀྱི་འཁོར་ལོ་བསྐོར་བ་དང་། །ལུས་དབུལ་བྱང་སེམས་
D839.099.0092a04.01བསྐྱེད་པ་དང་། །ལམ་གནས་དགེ་བའི་རྩ་བ་བསྔོ། །རྒྱ་ཆེར་ཡོངས་སུ་བསྔོ་བྱས་ཤིང་། །སེམས་ཅན་དོན་དུ་སྨོན་ལམ་གདབ། །དམིགས་མེད་པ་ཡི་རང་བཞིན་གྱིས། །དེ་དག་བརྩོན་བྲལ་ནམ་མཁའ་བཞིན། །རྣམ་ཐར་གསུམ་ལས་འདས་པ་ཡི། །དེ་བཞིན་
D839.099.0092a05.01ཉིད་ཀྱི་ཡེ་ཤེས་ཆེ། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ཡང་མཚན་ཉིད་མེད། །ནམ་མཁའ་འདྲ་བ་རྣལ་འབྱོར་པས། །དོན་ཀུན་མཉམ་པ་ཉིད་ལ་གསལ། །དེ་ལ་རྣམ་པར་འཕྲུལ་པའི་ཚོགས། །དཀྱིལ་འཁོར་ཆེན་པོ་སྤྲུལ་བྱས་པས། །རིགས་
D839.099.0092a06.01ཀྱི་ཞིང་ཁམས་སྤྱོད་བྱེད་ཅིང་། །རྣལ་འབྱོར་ཆེན་པོ་ལས་ཀུན་འགྲུབ། །ས་ཕྱོགས་དྲི་མེད་ཡིད་འོང་བའི། །གྲོང་ངམ་གྲོང་ཁྱེར་དགོན་པའམ། །རི་ཕུགས་ནགས་ཚལ་གང་རུང་བར། །ཉམས་དགའ་ཡན་ལག་བརྟག་པར་བྱ། །གང་དུ་བཟང་ནི་འབྲས་བུ་བཅས། །
D839.099.0092a07.01