完整藏文原文 · 德格版页 当前仅加载第 99 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ལུས་སྨོས་ཅི་དགོས། །རང་བཞིན་དག་པའི་ངོ་བོ་ལས། །ཕྲག་དོག་འཁྲུལ་པའི་རླུང་དག་གིས། །འཇིག་རྟེན་ཕྱིན་ཅི་ལོག་ཏུ་འཁྱམས། །ཇི་བཞིན་གནས་པ་ལམ་བྲལ་བས། །ཁམས་གསུམ་བརླག་པའི་ལམ་ལ་ཞུགས། །འཇིག་རྟེན་འདི་དག་སྙིང་
D839.099.0118a01.01རྗེ་ཞིང་། །མངོན་ཤེས་གདུལ་དཀའི་རྨོངས་ཚོགས་རྣམས། །ཁྲོ་བོའི་ཚོགས་ཀྱིས་སྦྱོར་བར་མཛད། །ཞེས་བསྒྲགས་སོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་རྣམ་པར་འཕྲུལ་པའི་དཀྱིལ་
D839.099.0118a02.01འཁོར་བསྒྲལ་བྱའི་ལེའུ་སྟེ་ཉི་ཤུ་པའོ།། །།དེ་ནས་བཅོམ་ལྡན་དགྱེས་ཆེན་པོས། །པདྨ་གར་གྱི་དབང་ཕྱུག་སྐུས། །མ་ཏང་རུ་ཏྲ་ལ་སོགས་པས། །བདུད་ཀྱི་ཚོགས་བཅས་འདུལ་བའི་ཕྱིར། །ཡུམ་ཆེན་སྐུ་གཅིག་རོལ་མཛད་དེ། །བྱང་ཆུབ་སེམས་སྤྲིན་
D839.099.0118a03.01ཕྱོགས་བཅུར་སྤྲོ། །དཀྱིལ་འཁོར་རྣམ་གསུམ་དཀྱིལ་འཁོར་གསལ། །དཀྱིལ་འཁོར་འདུས་ཚོགས་དཀྱིལ་འཁོར་ཆེ། །དཀྱིལ་འཁོར་ཆེན་པོའི་བདག་ཉིད་ཆེ། །དགྱེས་བཅས་གར་བཅས་གདན་ལ་བཞུགས། །ཞལ་གསུམ་གངས་རི་མདངས་ལྡན་
D839.099.0118a04.01པ། །པདྨ་གཏུན་ཤིང་རྩེ་གསུམ་ཐོགས། །རིན་ཆེན་རྒྱན་སོགས་དབུ་རྒྱན་བཅས། །དཀྱིལ་འཁོར་སྤྲུལ་པའི་ཏིང་འཛིན་གྱིས། །སྣོད་གཅིག་དུས་གཅིག་སྤྲུལ་པ་མཛད། །མཐའ་དང་དབུས་མེད་འཇིག་རྟེན་གནས་རྣམས་ཀུན། །དྲག་པོ་འཐིང་ནག་འབར་བའི་
D839.099.0118a05.01གཞལ་ཡས་ཁང་། །འཁོར་ལོ་རྩིབས་དྲུག་བར་ཁྱམས་ཉི་རིམ་ལྡན། །ཀུན་དུ་ཟླ་ཁམ་སྒོ་ཁྱུད་གྲུ་བཞིར་བཅས། །རིན་ཆེན་འབར་བའི་ཐོད་དབྱུག་རྒྱན་དང་བཅས། །ཚད་མེད་ཡེ་ཤེས་འཁོར་ལོ་ལ་བསྟེན་ཅིང་། །འཇིགས་བྱེད་ཁྲོ་བོའི་རྒྱན་ཚོགས་མང་པོ་
D839.099.0118a06.01བཀླུབས། །ནམ་མཁའི་མཐའ་མཉམ་ལྷུན་གྱིས་གྲུབ་པའི་གནས། །སྨོན་ལམ་དབང་དང་ཐུགས་རྗེའི་བྱིན་བརླབས་ཀྱིས། །འཇིག་རྟེན་དྲུག་དང་དུས་བཞི་ཕྱོགས་བཅུ་ན། །གཟུགས་ཁམས་མ་ལུས་དབང་དུ་བསྡུ་བ་ན། །དྲག་པོ་ལྷ་བརྒྱད་ང་རྒྱལ་གཞོམ་པའི་
D839.099.0118a07.01