完整藏文原文 · 德格版页 当前仅加载第 99 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་སྟེ། །རང་འོད་སྔགས་ཀྱིས་མཚན་བྱས་པའི། །དེ་མཐར་ཁྲོ་བོ་བཞི་རྣམས་ཀྱི། །ཕྱག་རྒྱའི་མཚན་མ་བྲི་བྱས་ཏེ། །སྦྱིན་བདག་སྨྲ་བའི་དབང་ཕྱུག་དང་། །རྩེ་གསུམ་རིན་ཆེན་རྩེ་དགུ་དང་། །དབྱིག་པ་རྩེ་གཅིག་རལ་གྲིའོ། །གྲུ་ཆད་མཆོད་པའི་ལྷ་མོ་བཞི། །
D839.099.0098b01.01བདུག་སྤོས་མེ་ཏོག་མར་མེ་དྲི། །ཕྱི་རོལ་བར་ཁྱམས་གནས་དག་ལ། །ཕྱོགས་རེ་སེམས་དཔའ་བཞི་བཞི་སྟེ། །རྡོ་རྗེ་རྣམ་སྣང་གར་མཁན་དང་། །བློ་ཡི་རྒྱ་མཚོ་ཐོགས་མེད་བཀོད། །རྡོ་རྗེ་མཚན་མ་གསང་སྔགས་བཅས། །རང་འོད་གནས་གདན་དག་ལ་བྲི། །པདྨོ་དགའ་བའི་
D839.099.0098b02.01ས་ལ་དབང་། །རིན་ཆེན་སྤུངས་པ་སྤྲིན་གྱི་ཕྲེང་། །རིན་ཆེན་མཚན་མ་སྔགས་དང་བཅས། །རང་འོད་གདན་ལ་གནས་པ་བྲི། །ཡིད་འོང་མེ་ཏོག་སྒྲོན་མ་དང་། །སྤོས་བརྩེགས་ཁ་ལོ་སྒྱུར་བ་དང་། །པདྨའི་མཚན་མ་སྔགས་དང་བཅས། །རང་འོད་གདན་ལ་གནས་
D839.099.0098b03.01པར་བྲི། །དྲན་དབང་པདྨའི་བློ་གྲོས་དང་། །ལས་བྱེད་སྙིང་པོའི་བློ་གྲོས་དང་། །རྒྱ་གྲམ་མཚན་མ་སྔགས་དང་བཅས། །རང་འོད་གདན་ལ་གནས་པར་བྲི། །ཤར་སོགས་པ་ཡི་སྒོ་རྣམས་སུ། །ཁྲོ་བོའི་འཇིགས་པའི་རྒྱལ་པོ་ཡི། །རྡོ་རྗེ་རྒྱ་གྲམ་རྡོ་རྗེ་གདེངས། །རིན་ཆེན་དབྱུག་
D839.099.0098b04.01པ་པདྨ་ཕྲེང་། །རང་གི་ཡི་གེ་གདན་གནས་པའི། །ཕྱག་རྒྱའི་མཚན་མ་བྲི་བར་བྱ། །ཕྱོགས་བཞི་རྒྱན་དང་ཕྲེང་བ་དང་། །འདོད་ཡོན་ལྷ་མོ་ལ་སོགས་པའི། །རྒྱན་རྣམས་པདྨ་རྡོ་རྗེ་དང་། །རིན་ཆེན་འཁོར་ལོ་རྒྱ་གྲམ་བྲི། །འཕྲོ་བས་མཚན་མ་ཁ་དོག་ལྔ། །ཉི་ཤུ་རྩ་ལྔའི་
D839.099.0098b05.01འོད་བཅས་པའོ། །ཕྱི་རོལ་རྟ་བབས་དྲ་བ་སོགས། །བྷན་དྷ་དྲིལ་བུ་ཉི་ཤུ་བཞི། །གདུགས་དང་བུམ་པ་བྱ་ཡི་ཕྲེང་། །དཔག་བསམ་རྫིང་བུ་དང་བ་དང་། །ཉི་ཟླ་མེ་ལོང་རྒྱལ་མཚན་ལྔ། །ཆོས་ཀྱི་འཁོར་ལོ་{རི་དགས་,རི་དྭགས་}རྣམས། །མཛེས་བྱས་ཕྱི་མཐའ་པདྨ་དང་། །རྡོ་རྗེ་མེ་འོད་
D839.099.0098b06.01མཚོན་གྱིས་བསྐོར། །དབུས་མིག་ཁ་དོག་ཉི་ཤུ་ལྔ། །པད་ཕྲེང་དམར་པོ་བར་ཁྱམས་དཀར། །སྒོ་བཞིའི་རིན་ཆེན་སྣ་བཞི་པ། །གྲུ་ཆད་གསེར་གྱི་ཁ་དོག་ཅན། །མཆོད་པ་ལྔ་དང་བུམ་དགྲམ་ཞིང་། །བླ་རྒྱན་ན་བཟའ་ཕྱོགས་རྒྱན་བྲི། །མེ་ཏོག་ཚོམ་བུ་སྔགས་བཅས་པ། །
D839.099.0098b07.01