完整藏文原文 · 德格版页 当前仅加载第 99 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་གཙོ་བོ་མ་རུངས་རྣམས། །རྒྱུ་དང་འབྲས་བུ་ལོག་འཁྲུལ་ཞིང་། །སངས་རྒྱས་བསྟན་པ་ལོག་མི་འགྱུར། །ལོག་པའི་ལམ་ལ་མངོན་ཞེན་ཅིང་། །མངོན་པའི་ང་རྒྱལ་མཐུས་བསྙེམས་ནས། །འཇིག་རྟེན་གསུམ་དག་ཕུང་བྱེད་ན། །ཞི་བས་འདུལ་བར་མི་འགྱུར་
D839.099.0117b01.01ན། །ཁྲོ་བོའི་རོལ་པ་མཛད་མོད་ཀྱི། །འདུལ་བར་གཟིགས་ནས་བཀའ་གྲོས་མཛད། །ཀྱེ་མ་འདུལ་བའི་ཚོགས་ཆེན་དག །འདས་པའི་དུས་ན་སྔོན་བྱུང་ལྟར། །ད་ལྟའི་དུས་འདིར་བྱུང་བ་སྟེ། །དེ་བཞིན་གཤེགས་པའི་གསུང་རབ་ལས། །ལོག་པའི་
D839.099.0117b02.01ལམ་དུ་འཁྲུལ་པ་སྟེ། །ཁྲོ་བོའི་ཚུལ་དུ་བྱུང་གྱུར་པ། །དེ་ཚེ་སེམས་ཅན་ཐམས་ཅད་ཀུན། །ཤིན་ཏུ་ཁྲོ་ཞིང་གཏུམ་པར་འགྱུར། །དེ་ལྟར་གྱུར་པའི་མཚན་ཉིད་ཀྱིས། །མནར་མེད་ལ་སོགས་གནས་ངན་ལེན། །མི་བཟད་སྡུག་བསྔལ་མཐའ་ལ་བརྟེན། །
D839.099.0117b03.01ཇི་ལྟ་བུ་ཡི་ཐབས་ཀྱིས་འདུལ། །ཤིན་ཏུ་གཏི་མུག་མདོངས་པའི་ཚོགས། །དེ་བཞིན་བག་ཆགས་ངན་པ་ཡིས། །རིག་འཛིན་བདུན་རྒྱུད་གཅོད་བྱེད་ཅིང་། །བསྟན་པའི་གསུང་རབ་འཇིག་པར་འགྱུར། །ལས་ཀྱི་མུན་པས་འགྲོ་བ་འཁྱམས། །དུས་ངན་
D839.099.0117b04.01རིགས་ངན་ཕྲ་མེན་མ། །གནོད་བྱེད་གདོན་དང་ལོག་འདྲེན་དང་། །སྲིད་གསུམ་འཇིག་ཅིང་དམ་ཚིག་འདྲལ། །འདི་ལྟ་བུ་ཡི་ཐབས་ཀྱིས་ནི། །སངས་རྒྱས་ཐུགས་རྗེ་རྣམ་འཕྲུལ་བསྟན། །ང་རྒྱལ་ཆེན་པོ་མདོངས་པ་ཡི། །ལྟ་བ་རི་བོ་མཐུ་བརྙེས་ཚོགས། །
D839.099.0117b05.01ད་ལྟའི་ཚེ་ནི་འདི་བྱུང་འགྱུར། །རྒྱལ་བ་འདས་དུས་སྦྱོར་བྱེད་ཅིང་། །ཇི་བཞིན་ལས་ལ་འཁྲུལ་བར་བྱེད། །སངས་རྒྱས་ཀུན་གྱི་བདག་ཉིད་མཛོད། །མངོན་སྤྱོད་རོལ་པའི་ཐབས་ཆེན་གྱིས། །འདི་དག་བསྟན་པའི་དུས་ལ་བབ། །སྲིད་གསུམ་གདུག་
D839.099.0117b06.01ཅིང་གཏུམ་པ་ལ། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་ངོ་བོ་ལས། །ཁྲོ་བོ་དེ་བཞིན་གཤེགས་ཀུན་མཛད། །ཁྲོ་བོའི་ཚུལ་ཅན་ཁྲོས་པ་ཡི། །འཇིག་རྟེན་གསུམ་དག་སྲེག་བྱེད་ན། །སངས་རྒྱས་ཐུགས་རྗེ་ཁྲོས་པ་ཡིས། །ཁམས་གསུམ་
D839.099.0117b07.01