完整藏文原文 · 德格版页 当前仅加载第 99 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་འདི་དག་ཀུན། །ང་ཡི་བཀའ་ལས་གནས་པ་ཡིན། །སྐྱེ་འགྲོ་མ་ལུས་གང་དག་ཀུན། །རྒྱལ་པོའི་བཀའ་གསང་ཉན་པར་གྱིས། །ཁམས་གསུམ་བདག་པོ་ལྷ་ཡི་ལྷ། །ས་རྣམས་ཀུན་གྱི་ས་སྟེང་པ། །བདག་ནི་མཐུ་དང་རྫུ་འཕྲུལ་ཚད། །ཀུན་གྱིས་འགྲན་པར་
D839.099.0104b01.01ནུས་མ་ཡིན། །ང་ཡི་བཀའ་ལས་འདའ་བྱེད་ན། །སྲོག་སྲིད་བརླག་ཅིང་གནས་ཀྱང་འཐོར། །ཞེས་བརྗོད་དོ། །དེ་ནས་ཚངས་པའི་རྒྱལ་པོས། རང་གི་འཁོར་དཔག་ཏུ་མེད་པ་བསྡུས་ཏེ། དེ་དག་གི་དབུས་ནས་སྲིན་པོ་ཆེན་པོའི་གཟུགས་འཛིན་པའི་ཁྲོ་བོར་གནས་ནས། རང་
D839.099.0104b02.01གི་མཐུ་ལས་སྤྲུལ་པའི་ཁྲོ་བོ་དང་། མཚོན་ཆའི་ཚོགས་སྤྲོ་བར་མཛད་དོ། །དེ་བཞིན་དུ་ཁྱབ་འཇུག་དང་། དབང་ཕྱུག་ཆེན་པོ་དང་། བརྒྱ་བྱིན་དང་། ཚོགས་ཀྱི་བདག་པོ་དང་། བྷྲྀང་གི་རི་ཏི་དང་། གཞོན་ནུ་གདོང་དྲུག་པ་རྣམས་ཀྱིས་ཀྱང་རང་རང་གི་འཁོར་དང་དཔག་
D839.099.0104b03.01ཏུ་མེད་པ་བསྡུས་ཏེ། དེ་དག་གི་དབུས་ན་འགྱིང་ཞིང་སྤྲུལ་པ་བསམ་གྱིས་མི་ཁྱབ་པར་སྤྲོས་ཏེ། དབང་དང་རྫུ་འཕྲུལ་སྟོན་ཏོ། །རི་རབ་ཀྱི་ཁ་ཁྱེར་ལ་གནས་པའི་རྒྱལ་པོ་ཆེན་པོ་བཞིས་ཀྱང་རང་རང་གི་འཁོར་གྱི་དབུས་ན་འགྱིང་ཞིང་མཐུ་དང་རྫུ་འཕྲུལ་སྟོན་པར་མཛད་
D839.099.0104b04.01དོ། །གསེར་གྱི་རི་ལ་གནས་པའི་ཕྱོགས་སྐྱོང་བརྒྱ་བྱིན་དང་། དབང་ལྡན་དང་། གཤིན་རྗེ་དང་། བདེན་བྲལ་དང་། ཆུ་ལྷ་དང་། གནོད་སྦྱིན་དང་། ཉི་མ་དང་། སའི་ལྷ་རྣམས་ཀྱིས་ཀྱང་རང་རང་གི་གནས་དང་བཅས་པར་འཇིགས་པའི་མཚོན་ཆ་དང་བཅས་པར་འཁོད་
D839.099.0104b05.01དོ། །ཉི་མ་དང་། ཟླ་བ་དང་། མིག་དམར་དང་། ཕུར་བུ་དང་། པ་བ་སངས་དང་། སྤེན་པ་དང་། གཟའ་ཆེན་པོ་རྣམས་ཀྱིས་ཀྱང་རང་རང་གི་འཁོར་དང་བཅས་པས་འཇིགས་པའི་ཁྲོ་བོའི་ཚོགས་དང་། མཚོན་ཆར་བཅས་པས་འཁོད་དོ། །མཐའ་ཡས་དང་།
D839.099.0104b06.01འཇོག་པོ་དང་། སྟོབས་ཀྱི་རྒྱུ་དང་། རིགས་ལྡན་དང་། ནོར་རྒྱས་དང་། དུང་སྐྱོང་དང་། པདྨ་དང་། ཆུ་ལྷ་རྣམས་ཀྱིས་རང་རང་གི་གཡོག་འཁོར་རྣམས་དང་། འཇིགས་པའི་སྤྲུལ་པས་འཁོད་དོ། །དེ་བཞིན་དུ་ཁམས་གསུམ་གྱི་དྲེགས་བྱེད་ཀྱི་ཚོགས་གནས་
D839.099.0104b07.01