完整藏文原文 · 德格版页 当前仅加载第 99 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
ཨོྃ་སརྦ་ཨགྣ་ཡེ་ཧཱུྃ་སྭཱ་ཧཱ། །ཡམ་ཤིང་ངོ་། །ཨོྃ་བཛྲ་པཱུ་ཛ་མེ་གྷ་ག་ལོ་ཀེ་ཤྭ་ར་ཧཱུྃ། འཇིག་རྟེན་དབང་ཕྱུག་བྱ་བའི་མཆོད་པའོ། །ཨོྃ་དྷུ་བེ་ཏི་བ་བུ་ཤ་གྷན་དྷེ་སྦྱར་བའི་མཆོད་པ་རྣམས་སོ། །ཨོྃ་ཨ་པྲ་ཏི་བཛྲཱ་ཨ་སྭཱ་ཧཱ། །ཀུ་ཤའིའོ། །ཨོྃ་བཛྲ་ཨཱ་ཡུ་ཥེ་སྭཱ་ཧཱ། །དཱུར་བའིའོ། །
D839.099.0103b01.01གཞན་ཡང་རྫས་རྣམས་གང་ཚོགས་པ། །རང་མིང་ཡི་གེ་གསུམ་སྔགས་དབུལ། །དེ་ནས་དཀྱིལ་འཁོར་ཀུན་མཆོད་ཅིང་། །འདོད་པའི་དོན་ལ་གསོལ་བ་གདབ། །སྡིག་བཤགས་བག་ཆགས་ཀུན་བྱས་པས། །ལྷ་ཡི་དངོས་གྲུབ་ཐོབ་པར་འགྱུར། །ཐ་མ་མེ་ལྷ་མཆོད་བྱས་
D839.099.0103b02.01ནས། །ཕྲིན་ལས་སོ་སོའི་སྔགས་བརྗོད་ཅིང་། །ཨོྃ་བཛྲ་ན་མ་སརྦ་ཏ་ཐཱ་ག་ཏ་ཧྲྀ་ད་ཡ་མ་ཀུ་རུ་ཧཱུྃ། །ལྷ་རྣམས་གཤེགས་སུ་གསོལ་ཞིང་། དམ་ཚིག་ལྷ་ལ་བསྡུ་བར་བྱ། །དེ་ནས་རབ་གནས་བཟང་པོ་ནི། །འགྲོ་ལ་ཕན་ཕྱིར་བཤད་པར་བྱ། །ས་ཕྱོགས་ཉམས་དགའ་
D839.099.0103b03.01མཛེས་པ་རུ། །གཟུགས་བརྙན་དཀྱིལ་འཁོར་ལེགས་བྱས་ཏེ། །མཆོད་རྫས་རྫས་ཀྱིས་མཉེས་བྱས་ནས། །སློབ་དཔོན་ཆས་སུ་གཞུག་པར་བྱ། །དཀྱིལ་འཁོར་གསལ་བར་བསྒྲུབས་བྱས་ནས། །རྟེན་ཚོགས་སྦྱང་བའི་ཆོ་ག་བྱ། །ཇི་ལྟར་རྫོགས་པའི་སངས་
D839.099.0103b04.01རྒྱས་ཀུན། །དགའ་ལྡན་གནས་ནས་གཤེགས་མཛད་དེ། །ལྷ་མོ་སྒྱུ་མའི་ལྷུམས་ཞུགས་ནས། །དེ་བཞིན་འདིར་ཡང་བཞུགས་སུ་གསོལ། །དཀོན་མཆོག་གནས་འདིར་བཞུགས་ནས་ཀྱང་། །མེ་ཏོག་ལ་སོགས་མཆོད་བཞེས་ལ། །འདི་དོན་གཟུང་བར་བྱ་བ་
D839.099.0103b05.01དང་། །བྱང་ཆུབ་སེམས་མཆོག་སྤེལ་བར་མཛོད། །ནང་པར་རབ་གནས་བགྱིད་པར་འཚལ། །སློབ་མ་རྣམས་ལ་བརྩེ་བ་དང་། །ཁྱེད་རྣམས་ལ་ཡང་མཆོད་པའི་ཕྱིར། །བཅོམ་ལྡན་བདག་ནི་གྲུབ་པ་ལ། །བཀའ་དྲིན་ཆོ་ག་མཛད་པར་འོས། །དེ་ནས་གནས་
D839.099.0103b06.01རྣམས་ཀུན་སྦྱངས་ནས། །འགྲོ་དྲུག་གནས་ཀུན་སྒྲོལ་བྱེད་པ། །ཐམས་ཅད་དུས་འདིར་དགོངས་སུ་གསོལ། །བྱང་ཆུབ་སེམས་དཔའ་དགྲ་བཅོམ་དང་། །གསང་བའི་སྔགས་ལྡན་ལྷ་རྣམས་ཀུན། །འཇིག་རྟེན་མཆོད་པའི་དོན་ཕྱིར་རོ། །རབ་གནས་བཟང་པོར་འོས་པ་
D839.099.0103b07.01