完整藏文原文 · 德格版页 当前仅加载第 99 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
ལས། །སྣ་ཚོགས་ཀུན་ནས་སོ་སོ་ཉིད། །འབྱུང་བཞིའི་དཀྱིལ་འཁོར་རིམ་བཞིན་བཀོད། །ཀུན་འཕྲུལ་ས་བོན་ལས་བསྐྱེད་པའི། །ཡེ་ཤེས་རིན་ཆེན་སྣ་ཚོགས་གཟུགས། །ཤར་དུ་དོ་ཤལ་ཕྲེང་བ་དང་། །གདུགས་དང་རྒྱལ་མཚན་རྔ་ཡབ་སོགས། །
D839.099.0090a01.01མེ་ལོང་རོལ་མོའི་ཚོགས་བསམ་ཡས། །འཁོར་ལོ་རིན་ཆེན་རྡོ་རྗེ་པད། །ཏྭ་ར་ན་བཞི་རྒྱན་མཛེས་པ། །སྒྲ་དབྱངས་སྣ་ཚོགས་ཉི་ཟླའི་ཚོགས། །ཙཀྲ་བར་ཁྱམས་ཕྲེང་བ་དང་། །དམ་པའི་འདོད་ཡོན་ལྷ་མོ་འཁྲིགས། །རིན་ཆེན་འབར་བའི་ཁྲི་བརྩེགས་གནས། །ཉི་ཟླ་
D839.099.0090a02.01པདྨའི་རིན་ཆེན་རྒྱན། །གནས་རྣམས་ཁྱབ་པར་ཅི་བཞིན་པར། །དཀྱིལ་འཁོར་ལྷུན་གྱིས་གྲུབ་པའོ། །ཨ་ཨཱ། ཨི་ཨཱི། ཨུ་ཨཱུ། ཨེ་ཨཻ། ཨོ་ཨཽ། ཨྃ་ཨཿ། རྀ་རཱྀ། ལྀ་ལཱྀ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་
D839.099.0090a03.01ས་ཧ་ཀྵ། དེ་བཞིན་ཉིད་དབྱིངས་རྨད་འབྱུང་བའི། །བདེར་གཤེགས་ཀུན་གྱི་ཐུགས་གསལ་བ། །བྱིན་བརླབས་ཡ་མཚན་སྤྲུལ་པའི་སྐུ། །དཀྱིལ་འཁོར་སྣ་ཚོགས་ཀུན་གྱི་གནས། །སེམས་ཅན་ཀུན་གྱི་སེམས་ཆེན་པོ། །རང་བཞིན་དག་པ་དྲི་མ་མེད། །ཕུང་པོ་ཆོས་
D839.099.0090a04.01རྣམས་སངས་རྒྱས་ཏེ། །འབྱུང་ལྔ་དབྱིངས་ཕྱུག་ཡུམ་གྱི་མཁའ། །ཁམས་དང་སྐྱེ་མཆེད་སེམས་དཔའ་དང་། །སེམས་མའི་ཚོགས་དང་ཁྲོ་མོའི་སྐུ། །ཕྱི་ནང་སྲིད་གསུམ་དངོས་སྣང་བའི། །དཀྱིལ་འཁོར་རིགས་ཀྱི་བདག་ཉིད་ཆེ། །གཟུགས་ཕུང་རྣམ་པར་སྣང་
D839.099.0090a05.01མཛད་ཆེ། །ཚོར་བ་རིན་ཆེན་འབྱུང་ལྡན་སྐུ། །འདུ་ཤེས་སྣང་བ་མཐའ་ཡས་སྐུ། །འདུ་བྱེད་དོན་ཡོད་གྲུབ་པ་ཡིན། །རྣམ་ཤེས་རྡོ་རྗེ་སེམས་དཔའ་སྟེ། །ཐམས་ཅད་བདེར་གཤེགས་ལྔ་ཡི་སྐུ། །ས་ཁམས་སངས་རྒྱས་སྤྱན་ཡིན་ཏེ། །ཆུ་ཁམས་ལྷ་
D839.099.0090a06.01མོ་མཱ་མ་ཀཱི། །མེ་ཁམས་ན་བཟའ་དཀར་མོ་སྟེ། །རླུང་ཁམས་དམ་ཚིག་སྒྲོལ་མའོ། །ནམ་མཁའ་ཀུན་དུ་བཟང་མོའི་སྐུ། །འབྱུང་བའི་དཀྱིལ་འཁོར་རྣམ་དག་པའོ། །དབང་པོའི་སྤྱོད་ཡུལ་མ་ལུས་ཀུན། །ཐམས་ཅད་བདེར་གཤེགས་རིགས་ཀྱི་
D839.099.0090a07.01