完整藏文原文 · 德格版页 当前仅加载第 99 函德格 89a 版页；藏文 NFD、目录标记与异常页序保留在来源切片中，重复版页行以稳定序号区分。
དང་གནས་མེད་བྱང་ཆུབ་སེམས། །ཡ་མཚན་རྨད་ཀྱི་དོན་བྱུང་བའོ། །རྒྱ་ཆེར་སོ་སོར་གསལ་བའི་ངང་། །ཀུན་རྟོགས་བྱང་ཆུབ་སེམས་ཆེན་པོ། །དམིགས་མེད་གསང་བ་ལས་བྱུང་བའི། །དམིགས་དང་མི་དམིགས་སྣ་ཚོགས་ནི། །བདེ་བའི་ཡེ་ཤེས་གསལ་
D839.099.0089a01.01བའོ། །མ་འགགས་པ་ཡི་ཆོས་ཉིད་དོ། །བྱ་བ་གྲུབ་པའི་ཚུལ་ཅན་དུ། །སྤྲོས་མེད་སྤྲོས་པ་སྣ་ཚོགས་སྣང་། །སྤྲོ་བསྡུ་འདུན་དང་སྤྲོས་བྲལ་བའི། །མཛད་པའི་བྱང་སེམས་བརྟན་པ་ལས། །ངོ་མཚར་ཆོ་འཕྲུལ་བླ་ན་མེད། །ཡེ་ཤེས་རྒྱ་མཚོ་རྨད་དུ་བྱུང་། །རང་གི་དེ་
D839.099.0089a02.01ཉིད་གསལ་བར་འགྱུར། །རྒྱལ་བས་བཤད་པའི་དགོས་དོན་ལ། །འཁོར་རྣམས་ཡ་མཚན་ངོམས་པར་འགྱུར། །མཆོད་དང་ཞལ་དག་སྒྲ་འབྱིན་ཅིང་། །རང་གི་དེ་ཉིད་གསལ་འགྱུར་ནས། །བྱང་སེམས་དེ་ཉིད་བསྟོད་པར་བྱ། །ཨེ་མའོ་སྟོང་ཉིད་བྱང་ཆུབ་སེམས། །ཨེ་
D839.099.0089a03.01མའོ་དག་པ་དྲི་མ་མེད། །ཨེ་མ་མི་སྒྲིབ་གསལ་བ་ཆེ། །ཨེ་མའོ་མཉམ་ཉིད་དབྱེར་མེད་ཆོས། །ཨེ་མའོ་སོ་སོ་རང་རིག་སེམས། །ཨེ་མའོ་བྱ་བྱེད་ལྷུན་གྱིས་གྲུབ། །དེ་བཞིན་ཉིད་ལ་ཕྱག་འཚལ་བསྟོད། །བཅོམ་ལྡན་འདས་ཉིད་བྱང་ཆུབ་སེམས། །བྱང་ཆུབ་སེམས་
D839.099.0089a04.01ཉིད་ཐུགས་ཀྱི་མཆོག །བདག་ཅག་རིག་འཛིན་ཚོགས་པ་རྣམས། །བྱང་ཆུབ་སེམས་ཉིད་སྨོན་པ་དང་། །འཇུག་དང་ལྡང་དང་གཉིས་མེད་དེ། །རང་གི་བྱང་སེམས་གཡོ་བར་གྱིས། །རེག་པར་བགྱི་ཞིང་ཉེ་བར་བགྱི། །ཉམས་སུ་མྱོང་བར་འཚལ་ལགས་ན། །ཐུགས་རྗེ་
D839.099.0089a05.01ཆེ་དགོངས་བྱིན་གྱིས་རློབས། །བདེ་བར་གཤེགས་པས་བྱིན་གྱིས་རློབས། །དེ་སྐད་ཚིག་ཏུ་གསོལ་བཏབ་པས། །བཅོམ་ལྡན་སྙིང་པོ་འདི་སྐད་གསུང་། །སྣ་ཚོགས་རྣམ་དག་ངོ་བོ་ཉིད། །ཆོས་རྣམས་འཕྲོ་བའི་ཚོགས་རྣམས་ཀུན། །རང་བཞིན་བརྗོད་བྲལ་རྟོག་པ་མེད། །
D839.099.0089a06.01རང་གསང་རྟོགས་པའི་དཀའ་བའི་དོན། །སྲིད་གསུམ་ཡེ་ནས་རྣམ་དག་ཆོས། །བདག་རྟོག་འཁྲུལ་པའི་ཉེས་དམིགས་ཀྱིས། །དུས་རིང་འཁྱམས་འགྱུར་འགྲོ་བ་རྣམས། །རང་རྟོག་དངོས་པོའི་ལས་ལ་སྤྱོད། །ལོག་པའི་སེམས་ཀྱིས་ཀུན་བརྟགས་ཀྱང་། །
D839.099.0089a07.01