完整藏文原文 · 德格版页 当前仅加载第 99 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པདྨ་གྲི་གུག་དང་། །ཤུ་ལ་བུམ་པ་རྩེ་གསུམ་འཛིན། །ནུབ་ཏུ་སྣང་བ་མཐའ་ཡས་སྐུ། །དམར་པོ་ཞལ་གསུམ་ཕྱག་དྲུག་པ། །ཐོད་དབྱུག་རྩེ་གསུམ་པདྨོ་དང་། །དགྲ་སྟ་འཁོར་ལོ་རལ་གྲི་འཛིན། །བྱང་དུ་དོན་ཡོད་གྲུབ་པ་ཉིད། །ལྗང་གུ་ཞལ་གསུམ་ཕྱག་དྲུག་པ། །
D839.099.0108b01.01རལ་གྲི་རྡོ་རྗེ་དབྱུག་པ་མདུང་། །པདྨོ་རྩེ་གསུམ་གཤིན་རྗེའི་རྐང་། །ཀུན་གྱི་གཡས་དཀར་གཡོན་པ་ནི། །དམར་ལྗང་སེར་དང་ལེ་བརྒན་མདོག །རང་གི་བཙུན་མོའི་མགུལ་ནས་འཁྱུད། །ཞལ་གཅིག་ཕྱག་གཉིས་བདག་པོ་ལྷར། །སྐུ་མདོག་གསང་བའི་མདངས་
D839.099.0108b02.01དང་ལྡན། །ཕྱག་དང་ཆ་ལུགས་ཀུན་གྱིས་བརྒྱན། །ཨོྃ་ཛི་ན་ཛི་ག་ལཾ། དྭེ་ཥ་ར་ཏི། སྭ་རཏྣ་དྷྲྀ་ག །མྃ་མོ་ཧ་ར་ཏི། ཨོྃ་ཨཱ་རོ་ལི་ཀ །པྃ་རཱ་ག་ར་ཏི། ཧ་པྲ་ཛྙཱ་དྷྲྀག །ཏཱྃ་བཛྲ་ར་ཏི། ཧཱུྃ་ཕཊ་སྭཱ་ཧཱ། །འོད་ཟེར་འཕྲོ་བའི་ཚོགས་བཅས་པས། །རིགས་ཀྱི་
D839.099.0108b03.01དཀྱིལ་འཁོར་གསལ་བར་མཛད། །འཁོར་ལོ་སྒྱུར་རྒྱལ་ཆ་ལུགས་དང་། །དགྱེས་པའི་སྐྱིལ་ཀྲུང་ཚུལ་གྱིས་བཞུགས། །ཁྱམས་ཀྱི་ཕྱོགས་དང་མཚམས་རྣམས་སུ། །སེམས་དཔའ་བརྒྱད་དང་སེམས་མ་བརྒྱད། །ཐུགས་ཀྱི་ཡེ་ཤེས་ཡི་གེ་ལས། །
D839.099.0108b04.01རང་གི་གསང་སྔགས་དག་གིས་གདོན། །ས་སྙིང་དཀར་སེར་རིན་ཆེན་འཛིན། །ནམ་སྙིང་མཐིང་ག་རལ་གྲི་འཛིན། །སྤྱན་རས་དམར་སྐྱ་པདྨ་འཛིན། །གསང་བདག་ལྗང་སྐྱ་རྡོ་རྗེ་འཛིན། །གཡོན་པ་པདྨོ་ཡུ་བ་ཅན། །བསྙེམས་པའི་ཚུལ་གྱིས་
D839.099.0108b05.01ཕྱོགས་སུ་འདུད། །སྒེག་མོ་ཕྲེང་བ་དབྱངས་དང་གར། །དཀར་སེར་དམར་ལྗང་འོད་འཕྲོ་མདོག །མེ་ལོང་རིན་ཆེན་ཕྲེང་བ་དང་། །དབྱངས་སྙན་གར་ཐབས་མཛེས་པའི་ཚུལ། །ཨོྃ་ཀྴི་ར་ཛ་ཡ། ཧཱུྃ་ལཱ་སྱེ་ས་མ་ཡ་སྟྃ། །ཏྲཱྃ་མཱ་ལེ་ས་མ་ཡ་ཧོ། ཧྲཱིཿཔདྨ་བྷན་དྷ་ཧྲི།
D839.099.0108b06.01གི་རྟི་ར་ཧོ་ཧྃ། ཨ་ནྲྀ་ཏི་ར་ག་ཡཱ་མི་ཧཱུྃ་ཕཊ། བྱམས་པ་དཀར་སེར་ཀླུ་ཤིང་འཛིན། །སྒྲིབ་སེལ་འཁོར་ལོ་མཐིང་ག་སྟེ། །འཇམ་དཔལ་དམར་སྐྱ་ཨུཏྤལ། །ཀུན་བཟང་ལྗང་སེར་རིན་ཆེན་སྙེ། །གཡོན་པ་པདྨོ་ལྕུག་མ་འཛིན། །སེམས་དཔའི་སྟབས་ཀྱིས་གདན་ལ་བཞུགས། །
D839.099.0108b07.01