完整藏文原文 · 德格版页 当前仅加载第 99 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་དཀྱིལ་འཁོར་རྣམ་འཕྲུལ་མཆོག །དྲི་མ་མེད་པའི་བྱང་ཆུབ་སེམས། །དེ་ནི་དཀྱིལ་འཁོར་སྙིང་པོ་མཆོག །རྡོ་རྗེ་གསང་བའི་གནས་ཆེན་པོ། །ཐབས་དང་ཤེས་རབ་རོལ་པའི་ཚུལ། །རང་བཞིན་བྱང་ཆུབ་སེམས་ཉིད་ལས། །རང་བཞིན་ལྷུན་གྲུབ་རྫོགས་
D839.099.0086a01.01ཆེན་པོ། །འགྲོ་བའི་སྣང་བ་དམ་པའི་མཆོག །རང་བཞིན་དག་པ་དྲི་མེད་ཆོས། །དཀྱིལ་འཁོར་གནས་མཆོག་གཉིས་མེད་པའོ། །ཕུང་པོ་ཁམས་སོགས་རྣམ་དག་སྐུ། །ཨེ་མའོ་ཆོས་སྐུ་མྱ་ངན་འདས། །ཨེ་མའོ་ཆོས་རྣམས་ཡེ་ཤེས་སྐུ། །ཨེ་མའོ་ཆོས་ཀུན་རྣམ་པར་འཕྲུལ། །རྒྱ་
D839.099.0086a02.01ཆེ་སྔགས་ཀྱི་ཚུལ་ལྡན་པའི། །དཀྱིལ་འཁོར་གསང་གསུམ་ངོ་མཚར་ཆེ། །ཐབས་ལྔ་མཛད་པ་སྣ་ཚོགས་ཀྱིས། །སྔོན་དང་ད་ལྟ་འབྲེལ་དོན་འབྱུང་། །ཐབས་མཁས་ཕ་རོལ་ཕྱིན་བཅུ་རྫོགས། །བསོད་ནམས་ཡེ་ཤེས་དག་པའི་ཤུགས། །ས་དང་ས་འདས་དོན་ཆེན་པོ། །
D839.099.0086a03.01ཏ་ཐཱ་ག་ཏའི་བྱིན་བརླབས་དབྱིངས། །ལ་ལ་སྐུ་དང་གསུང་དང་ཐུགས། །ཟབ་པ་དེ་ཉིད་རང་གི་མཐུས། །གསང་གསུམ་གནས་ལ་ཕྱག་འཚལ་ལོ། །ཡ་མཚན་ཆོས་ལ་ཕྱག་འཚལ་ལོ། །རྣམ་འཕྲུལ་སྐུ་ལ་ཕྱག་འཚལ་ལོ། །བྱང་ཆུབ་སེམས་ལ་ཕྱག་འཚལ་ལོ། །ཞེས་སོ། །
D839.099.0086a04.01དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས་དཀྱིལ་འཁོར་རྣམ་པར་འཕྲུལ་པའི་ལེའུ་སྟེ་གསུམ་པའོ།། །།དེ་ནས་འདུས་པའི་འཁོར་ཚོགས་རྣམས། །དགའ་བ་ཆེན་པོ་ངོ་མཚར་གྱིས། །རྒྱུད་གསུམ་རྣམ་
D839.099.0086a05.01དག་ཚིམ་གྱུར་ནས། །དགྱེས་པའི་དབྱངས་ཀྱིས་གསོལ་བ་བཏབ། །ཨེ་མའོ་ངོ་མཚར་ཡ་མཚན་ཆེ། །གཉིས་མེད་རོལ་པ་ཡ་མཚན་ཆེ། །དྲི་མེད་དག་པ་ཡ་མཚན་ཆེ། །འོད་འཕྲོ་འདུ་བ་ཡ་མཚན་ཆེ། །བྱང་ཆུབ་སྤྲིན་ཕུང་ཡ་མཚན་ཆེ། །སངས་རྒྱས་འབྱུང་བ་ཡ་མཚན་
D839.099.0086a06.01ཆེ། །འཕྲུལ་པ་འབྱུང་པ་ཡ་མཚན་ཆེ། །ཁྲོ་བོ་འབྱུང་བ་ཡ་མཚན་ཆེ། །བྱིན་བརླབས་ཆོ་འཕྲུལ་ཡ་མཚན་ཆེ། །ཐ་བ་རླན་མཛད་ཡ་མཚན་ཆེ། །འགོག་པ་རླུང་མཛད་ཡ་མཚན་ཆེ། །བདག་ཅག་འཁོར་ཚོགས་འདུས་པ་རྣམས། །དམ་ཚིག་ཅན་དུ་བྱིན་བརླབས་
D839.099.0086a07.01