完整藏文原文 · 德格版页 当前仅加载第 99 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
བོ་མ་ཏྲ་རུ་ཏྲས། རང་གི་རྫུ་འཕྲུལ་ཆེན་པོ་བསྟན་ཞིང་། །འཁོར་དང་བཅས་པས་ཕྱོགས་བཅུར་རྒྱུག་ཅིང་རིག་པ་འཛིན་པ་དང་། །རྣལ་འབྱོར་མཐའ་དག་གི་བར་གཅོད་བྱེད་ཅིང་བདེ་འགྲོའི་བདེ་བ་ཐམས་ཅད་རྒྱུན་གཅོད་པ་དང་། །རང་ཉིད་ཀྱི་ཉོན་མོངས་པ་བསྐྱེད་
D839.099.0116b01.01དོ། །དེ་ནས་བཅོམ་ལྡན་འདས་ཀྱིས་ཐུགས་རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། །རིགས་ཀྱི་འོད་ཟེར་མཐའ་ཡས་པ་ཞེས་བྱ་བས་སྟོང་གསུམ་གྱི་འཇིག་རྟེན་ཐམས་ཅད་སྐད་ཅིག་གིས་གསལ་བར་མཛད་དོ། །རྒྱལ་བའི་དབང་པོ་སྟོང་
D839.099.0116b02.01གསུམ་འདིར། །ཁང་{བཟངས་,བཟང་}མཛེས་པར་བྱིན་བརླབས་ཏེ། །རིན་ཆེན་ཀ་བ་གདན་ཕྲེང་དང་། །གཟུགས་མཛེས་ལ་སོགས་ཀུན་གྱིས་སྤྲས། །ཉི་མ་ཟླ་བ་རིན་ཆེན་ཁྲི། །པདྨ་སེང་གེ་ལ་སོགས་གནོན། །སྒོ་བཟང་ཁྱམས་སུ་བཅས་པ་ཡི། །རྣམ་དག་གཞལ་ཡས་ཁང་
D839.099.0116b03.01{བཟངས་,བཟང་}སྤྲུལ། །དེ་ནས་བཅོམ་ལྡན་བདེ་ཆེན་པོས། །དཔལ་ལྡན་གར་གྱི་དབང་ཕྱུག་སྐུས། །སངས་རྒྱས་དཀྱིལ་འཁོར་རིགས་ཚོགས་རྣམས། །དགའ་བའི་སྤྲིན་གྱིས་བསྐུལ་བར་མཛད། །བདེ་བ་ཆེན་པོ་གཉིས་མེད་མཐུས། །རིགས་ཀྱི་དཀྱིལ་འཁོར་གཅིག་ཏུ་གྱུར། །ཡོངས་
D839.099.0116b04.01རྫོགས་གསལ་བ་རྒྱ་ཆེན་པོས། །དཀྱིལ་འཁོར་རྒྱ་ཆེན་སྤྲུལ་པར་མཛད། །དབུས་སུ་པདྨའི་རིགས་རྒྱལ་པོ། །གཙོ་བོ་པདྨ་རྡོ་རྗེའི་མདངས། །ཞལ་གསུམ་ཕྱག་དྲུག་འཇིགས་བྱེད་སྐུ། །རྡོ་རྗེ་དགའ་བའི་སྤྱན་འདྲིལ་ཞིང་། །ཤར་ལ་སོགས་པའི་ཕྱོགས་ཀུན་དུ། །བདེར་
D839.099.0116b05.01གཤེགས་རྡོ་རྗེ་སེམས་དཔའི་མཆོག །རྣམ་སྣང་རིན་ཆེན་དོན་གྲུབ་རྣམས། །རིན་ཆེན་ཕྱོགས་ཀྱི་མཚོན་མདངས་གསལ། །རྡོ་རྗེ་འཁོར་ལོ་རིན་ཆེན་དང་། །རལ་གྲི་པདྨ་སྣ་ཚོགས་དང་། །གཙོ་བོ་པདྨའི་དྲུག་མཚན་ཅན། །སྟོང་པའི་སྒྲ་སྙན་དྲིལ་བུ་གཡོན། །སངས་རྒྱས་
D839.099.0116b06.01སྤྱན་མཛེས་མཱ་མ་ཀཱི། །དཀར་མོ་དམ་ཚིག་སྒྲོལ་མ་དག །མདོག་བཟང་ཕྱག་མཚན་གཙོ་བོ་བཞི། །སངས་རྒྱས་ཏིང་འཛིན་རྫུ་འཕྲུལ་སྟོབས། །ཐབས་དང་ཤེས་རབ་ཉིས་སྟོང་ཚོགས། །འཁོར་ལོ་འབར་བའི་རྩེ་མོ་ལ། །རང་གི་མཚན་མ་སོ་སོའི་ཚུལ། །
D839.099.0116b07.01